شي جينپيڭ حاينان، گۋاڭدۇڭ سياقتى جەرلەردەگى تايفىڭ داۋىلى اپاتى جونىندە ماڭىزدى نۇسقاۋ بەردى

　　كۇشتەردى ۇيىمداستىرىپ اپاتتان قۇتقارۋدى مىقتى يگەرىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتۋدى تالاپ ەتتى

　　لي چياڭ بەكىتۋ جازدى

شينحۋا اگەنتتىگىنىڭ 9 ـ ايدىڭ 7 ـ كۇنى بەيجيڭنەن بەرگەن حابارى. بيىلعى 11 ـ ٴنومىرلى ەرەكشە كۇشتى تايفىڭ داۋىلى ”موجيە“ 9 ـ ايدىڭ 6 ـ كۇنى ساعات 16دان 20 مينۋت، ساعات 22دەن 20 مينۋت وتكەندە ىلگەرىندى ـ كەيىندى حايناننىڭ ۋىنچاڭ قالاسىندا، گۋاڭدۇڭنىڭ شۇيۋىن اۋدانىندا قۇرلىققا شىعىپ، اۋىر اپات تۋدىردى، كوپتەگەن ابونتتاردىڭ ەلەكترى، حابارلاسۋى ٴۇزىلدى، ٴبىر ٴبولىم ۇيلەر قۇلادى، زيانعا ۇشىرادى. 9 ـ ايدىڭ 7 ـ كۇنى ساعات 12گە دەيىن اپات سالدارىنان حاينان، گۋاڭدۇڭ، گۋاڭشي 3 ولكە، اۆتونوميالى رايوننان ٴبىر ميلليون 227 مىڭ ادام تۇرلىشە دارەجەدە اپاتقا ۇشىراپ، 3 ادام ٴولىپ، 95 ادام جارالاندى.

اپات تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ايرىقشا ٴمان بەردى ٴارى بىلاي دەپ ماڭىزدى نۇسقاۋ بەردى: ەرەكشە كۇشتى تايفىڭ داۋىلى ”موجيەنىڭ“ ىقپالىنان، حاينان، گۋاڭدۇڭ سياقتى جەرلەر اۋىر اپاتقا ۇشىراپ، ادام ٴولىم ـ ٴجىتىمىن جانە اۋىر مال ـ مۇلىك زيانىن تۋدىردى. اپات جاعدايىن جەدەل تەكسەرىپ انىقتاپ، كۇشتەردى ۇيىمداستىرىپ اپاتتان قۇتقارىپ، اپاتقا ۇشىراعان بۇقارانى كوشىرۋ، ورنالاستىرۋ سياقتى قىزمەتتى ۇيلەسىمدى، ويداعىداي ىستەپ، قوسالقى اپاتتىڭ تۋىلۋىنان ساقتانىپ، ەڭ زور قۇلشىنىسپەن ٴولىم ـ ٴجىتىمدى ازايتۋ كەرەك. زيانعا ۇشىراعان قاتىناس، ەلەكتر، حابارلاسۋ سياقتى نەگىزدىك قۇرىلعىلاردى تەز ارادا جوندەپ، اپاتتان كەيىنگى قايتا قۇرۋدى بەلسەنە ورىستەتىپ، قالىپتى ٴوندىرىس، تۇرمىس ٴتارتىبىن تەزىرەك قالپىنا كەلتىرىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بىلاي دەپ بەكىتۋ جازدى: مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى مەن قاتىستى جەرلەر باس شۋجيدىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، تايفىڭ داۋىلىنىڭ بەتالىسىن ٴجىتى قاداعالاپ، ٴتۇرلى قورعانۋ شارالارىن تياناقتاندىرىپ، ەگجەي ـ تەگجەيلىلەندىرىپ، تۋىلۋى مۇمكىن بولعان اۋىر قوسالقى اپاتتان قاتاڭ ساقتانىپ، كوشىرۋ، قاتەردەن ساقتانۋ، ادامداردى ورنالاستىرۋ سياقتى اپاتتان قۇتقارۋ ـ كومەك بەرۋ قىزمەتتەرىن ۇيلەسىمدى، ويداعىداي ىستەپ، اپات ىقپالىن بارىنشا ازايتۋ كەرەك.

شي جينپيڭنىڭ نۇسقاۋى مەن لي چياڭنىڭ تالابى بويىنشا، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى قىزمەت گرۋپپالارىن حايناننىڭ، گۋاڭدۇڭنىڭ ٴبىرىنشى شەبىنە قۇتقارۋ، كومەكتەسۋ، ٴبىر جاقتى ەتۋ قىزمەتىنە جەتەكشىلىك ەتۋگە جىبەردى، حاينان ولكەسى، گۋاڭدۇڭ ولكەسى كۇشتەردى ۇيىمداستىرىپ اپاتتان اراشالاۋ ـ قۇتقارۋدى بار كۇشپەن ورىستەتىپ، بۇلىنگەن ەلەكتر، حابارلاسۋ سياقتى نەگىزدىك قۇرىلعىلاردى شۇعىل جوندەپ قالىپىنا كەلتىرىپ، اپاتقا ۇشىراعان بۇقارانىڭ تۇرمىسىن قامتاماسىزداندىرۋدى ۇيلەسىمدى، ويداعىداي ىستەدى. قازىر ٴبىر ٴبولىم ابونتتاردىڭ ەلەكترى، حابارلاسۋى قالپىنا كەلدى، ٴتۇرلى قىزمەتتەر ورىستەتىلۋدە.