اۆتونوميالى رايوننىڭ قىستاقتا تۇرۋ قىزمەتى ٴماجىلىسى اشىلدى

قىستاقتا تۇرۋ قىزمەتىنىڭ جالپى تۇلعالىق ونىمدىلىگىن اناعۇرلىم جوعارىلاتىپ، شينجياڭنىڭ نەگىزگى ساتىنى باسقارۋ جۇيەسى مەن باسقارۋ قابىلەتىنىڭ وسىزاماندانۋىن كۇش سالا ىلگەرىلەتۋ كەرەك

چىن شياۋجياڭ ٴسوز سويلەدى، ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى

12 ـ ايدىڭ 3 ـ كۇنى اۆتونوميالى رايون قىستاقتا تۇرۋ قىزمەتى ٴماجىلىسىن اشتى. اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەدى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 3 ـ كۇنى ۇرىمجىدەن حابارلايدى. 12 ـ ايدىڭ 3 ـ كۇنى اۆتونوميالى رايون قىستاقتا تۇرۋ قىزمەتى ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ نەگىزگى ساتىنى باسقارۋ جونىندەگى ماڭىزدى بايىمداۋلارىنىڭ جانە شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، قىستاقتا تۇرۋ قىزمەتىن ىلگەرىلەتۋدى ورنالاستىردى. اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەدى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو قاتىناستى.

ماجىلىستە اۆتونوميالى رايوننىڭ قىستاقتا تۇرۋ قىزمەتىندەگى ۇزدىك ٴبىرىنشى شۋجيلەر (قىزمەت اترەتىنىڭ باستىعى)، قىستاقتا تۇراتىن ۇزدىك قىزمەت اترەتتەرى، ۇزدىك قىزمەت اترەتى مۇشەلەرى، كادر جىبەرگەن ۇزدىك ورىندار جانە ەگىن، مال شارۋاشىلىعى، مادەنيەت، ەمدەۋ بويىنشا تومەنگە ٴتۇسىپ ارالاپ ٴجۇرىپ قىزمەت وتەۋدەگى ۇزدىك ۇجىمدار ماداقتالىپ ـ سيلاندى. چىن شياۋجياڭ قاتارلى باسشى جولداستار وزات تيپتەردىڭ ۋاكىلدەرىنە سيلىق تاراتىپ، كوپشىلىكتى قىزۋ قۇتتىقتادى، نەگىزگى ساتىنىڭ ٴبىرىنشى شەبىندە ۇزاق ۋاقىتتان بەرى شايقاس جاساپ جاتقان قىستاقتا تۇراتىن كادرلاردان شىنايى حال سۇرادى.

چىن شياۋجياڭ بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ بيلىك جۇرگىزۋ نەگىزىن بەكەمدەۋ جانە مەملەكەتتىڭ بيلىك حاۋىپسىزدىگىن قورعاۋ تۇرعىسىنان پارتيانىڭ نەگىزگى ساتىنى باسقارۋعا باسشىلىعىنا تاباندى بولىپ جانە ونى كۇشەيتىپ، نەگىزگى ساتىنى باسقارۋ نازارياسىندا جاڭالىق اشۋدى، امالياتتا جاڭالىق اشۋدى جانە تۇزىمدە جاڭالىق اشۋدى ۇزدىكسىز ىلگەرىلەتتى. باس شۋجي شي جينپيڭ ٴبىر قىدىرۋ ماڭىزدى بايىمداۋلار جاساپ، جاڭا داۋىردە نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋدى نە ٴۇشىن ىلگەرىلەتۋ، قالاي ىلگەرىلەتۋ كەرەك دەگەن سياقتى كەلەلى نازاريالىق جانە امالياتتىق ماسەلەلەردى عىلمي ٴتۇسىندىرىپ، نەگىزگى ساتىنى باسقارۋ قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، ٴتورتىنشى جالپى ٴماجىلىستىڭ قوعامدىق باسقارۋ جۇيەسىن كەمەلدەندىرۋ جونىندەگى ستراتەگيالىق ورنالاستىرۋىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قىستاقتا تۇرۋ قىزمەتىنىڭ شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەگى، جۇڭحۋا ۇلتى ورتاق تۇلعا تانىمىن بەكەمدەۋدەگى، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدەگى، كەڭەيتۋدەگى، اۋىل ـ قىستاقتى جاپپاي گۇلدەندىرۋدى ىلگەرىلەتۋدەگى، پارتيانىڭ بيلىك جۇرگىزۋ نەگىزىن بەكەمدەۋدەگى ماڭىزدى ٴمانىن تەرەڭ تانىپ، نەگىزگى ساتىنى يگەرۋدى، نەگىز قالاۋدى باستان ـ اياق شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ، شينجياڭدى گۇلدەندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، شينجياڭنىڭ نەگىزگى ساتىنى باسقارۋ جۇيەسى مەن باسقارۋ قابىلەتىنىڭ وسىزاماندانۋىن جەدەل ىلگەرىلەتۋ كەرەك.

چىن شياۋجياڭ شينجياڭنىڭ قىستاقتا تۇرۋ قىزمەتىنىڭ قوعام ورنىقتىلىعىن قورعاۋ، ۇلتتار ىنتىماعىن جەبەۋ، حالىقتى بايىتىپ قىستاقتى قۇدىرەتتەندىرۋگە دەم بەرۋ، نەگىزگى ساتى ۇيىمىن كۇشەيتىپ قۇرۋ، كادرلار مەن بۇقارانىڭ قاتىناسىن قويۋلاتۋ سياقتى جاقتاردا قول جەتكىزگەن كورنەكتى تابىستارىن تولىق تۇراقتاندىردى. ول بىلاي دەپ باسا دارىپتەدى: قىستاقتا تۇرۋ قىزمەتىن تەك كۇشەيتۋ كەرەك، السىرەتۋگە بولمايدى. ورتالىقتىڭ شارلاۋىندا اڭىس ەتىلگەن ماسەلەلەردى رەتتەۋ ـ تۇزەتۋمەن ۇشتاستىرىپ، اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ ورنالاستىرۋلارىن تياناقتاندىرىپ، قىستاقتا تۇرۋ قىزمەتىنە يكەمدى تۇجىرىم جاساۋدى كۇشەيتىپ، ٴىس جۇزىندىك جاعدايعا نەگىزدەلىپ ساپالىلاندىرىپ، رەتتەپ، جالپى تۇلعالىق ونىمدىلىكتى ونان ارى جوعارىلاتۋ كەرەك. قوعامدىق كەلەلى جاعدايدىڭ ورنىقتىلىعىن بار كۇشپەن قورعاپ، ورنىقتىلىقتى ماڭداي الدى ورىنعا قويۋعا تاباندى بولىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، ٴتۇرلى قايشىلىق، داۋ ـ شارلار مەن حاۋىپ ـ قاتەر، كومەسكى كىناراتتاردى تۋ باستان جويىپ، لاڭكەستىككە قارسى تۇرىپ ورنىقتىلىقتى قورعاۋدىڭ حالىقتىق قورعانىس شەبىن بەكەمدەۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى قىستاقتا تۇرۋ قىزمەتىنىڭ جالپى بارىسىمەن ساباقتاستىرىپ، پارتيانىڭ ساياساتىن كەڭ كولەمدە ۇگىتتەپ، ۇگىت لەكسيا جاساپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ورىستەتىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن ىلگەرىلەتىپ، ٴدىندى باسقارۋدىڭ زاڭمەن باسقارىلۋ دەڭگەيىن جوعارىلاتىپ، نەگىزگى ساتى الەۋمەتتىك مادەنيەت قىزمەت وتەۋىن كۇشەيتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى زور كۇشپەن جالپىلاستىرىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ كەرەك. حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋداعى ٴتۇيىندى قىزمەتتەردى تىڭعىلىقتى ويداعىداي ىستەپ، اۋىل شارۋاشىلىعىنا تيىمدىلىك جاساۋ ساياساتتارىن تياناقتاندىرىپ، اۋىل ـ قىستاقتىڭ حالىقتى بايىتۋ كاسىپ سالاسىن جەرگىلىكتى جاعدايعا قاراي دامىتىپ، قىستاق دارەجەلى كوللەكتيۆ شارۋاشىلىقتى زورايتىپ، جۇمىستاندىرۋ، كىرىستى ارتتىرۋ ارنالارىن مۇمكىندىكتىڭ بارىنشا كەڭەيتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. نەگىزگى ساتى ۇيىمىن جاپپاي كۇشەيتىپ قۇرىپ، نەگىزگى ساتى پارتيا ۇيىمىنىڭ ساياسي يقۋاتى مەن ۇيىمدىق يقۋاتىن كۇشەيتىپ، بۇقارالىق قىزمەتتى تىڭعىلىقتى جاقسى ىستەپ، بۇقارانىڭ ماڭىنداعى بۇرىس ستيلدەر مەن شىرىكتەسۋ ماسەلەلەرىن ۇزدىكسىز وڭاپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن بەلسەنە شەشىپ، بىرگە قۇراتىن، بىرگە باسقاراتىن، بىرگە يگىلىكتەنەتىن نەگىزگى ساتىنى باسقارۋ جاعدايىن قالىپتاستىرىپ، قىستاقتا تۇراتىن قىزمەت اترەتتەرىنىڭ ”ۇيرەتۋ، كومەكتەسۋ، جەتەكتەۋ“ رولىن شىنايى ساۋلەلەندىرىپ، نەگىزگى ساتى پارتيا ۇيىمىن پارمەندى جاۋىنگەرلىك قامال ەتىپ قۇرىپ شىعۋ كەرەك.

چىن شياۋجياڭ بىلاي دەپ باسا دارىپتەدى: پارتيانىڭ قىستاقتا تۇرۋ قىزمەتىنە جالپى بەتتىك باسشىلىعىن كۇشەيتىپ، ايماق، اۋدان ەكى دارەجەلى پارتكومنىڭ تۇلعالىق جاۋاپكەرشىلىگىن جانە اۋىل ـ قالاشىق (ٴمالى) پارتكومىنىڭ (قىزمەت كوميتەتى) قاراستى جەر باسقارۋ جاۋاپكەرشىلىگىن قاتايتىپ، ناقتىلاندىرىپ، جىبەرگەن ورىننىڭ ارتقى تىرەكتىك جاۋاپكەرشىلىگىن جانە ٴار دارەجەلى قىستاقتا تۇرۋ قىزمەتى كەڭسەلەرىنىڭ جەتەكشىلىك جاۋاپكەرشىلىگىن تياناقتاندىرۋدى كۇشەيتىپ، قىستاقتا تۇراتىن كادرلاردىڭ ناقتى ٴىس ىستەپ جاۋاپكەرشىلىك ارقالاۋىن، حالىقتى باقىتقا كەنەلتۋىن ىلگەرىلەتىپ، قىستاقتا تۇرۋ قىزمەتىنىڭ جاڭا جاعدايىن ۇزدىكسىز اشىپ، سوتسياليستىك وسىزاماندانعان شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.

اقسۋ ايماقتىق پارتكومنىڭ شۋجيى ۋ حۇڭجان، اۆتونوميالى رايوندىق بازار باقىلاۋ ـ باسقارۋ مەكەمەسى پارتيا باسشىلىق گرۋپپاسىنىڭ شۋجيى جۋ شين، تۇرپان قالاسى گاۋچاڭ رايونى يار قالاشىعى شينچىڭ شيمىن قىستاعىنىڭ ٴبىرىنشى شۋجيى (قىزمەت اترەتىنىڭ باستىعى) ۋاڭ ۋي، اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ قاشقار ايماعى قاعىلىق اۋدانىندا تۇراتىن قىزمەت اترەتىنىڭ باس جەتەكشىسى گۋ يىڭسۋ، قىزىلسۋ قىرعىز اۆتونوميالى وبلىستىق ورتا حالىق سوتى مەكەمەسىنىڭ اقتاۋ اۋدانى تارتاجىك ۇلتتىق اۋىلى باق قىستاعىندا تۇراتىن قىزمەت اترەتىنىڭ مۇشەسى ەرشات اسقار پىكىر اۋىستىرىپ ٴسوز سويلەدى. 13 ورىن جازباشا ٴسوز ماتەريالىن تاپسىردى.

تيان شياڭلي، ەلزات احمەتجان، قادەن كابەن، جاڭ ۋىنشىڭ قاتىناستى، ۋاڭ لين باسقاردى. اۆتونوميالى رايوننىڭ ٴارقايسى ورىندارىنداعى جاۋاپتى جولداستار، وزات تيپتەردىڭ ۋاكىلدەرى قاتارلىلار نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا بولىمشە ٴماجىلىس الاڭى ورنالاستىرىلدى.