شينحۋا اگەنتتىگى شولۋ جاريالادى

«بولاشاقتى بەتكە العان نازاريادا جانە تۇزىمدە جاڭالىق اشۋ جونىندەگى ىزدەنۋ − ”ەكىنى ۇشتاستىرۋدىڭ“ كەلەلى ءمانىن جەتە ءتۇسىنۋ جونىندە جەلىلەس شولۋ (5)»

شينحۋا اگەنتتىگىنىڭ 6 - ايدىڭ 22 - كۇنى بەيجيڭنەن بەرگەن حابارى. شينحۋا اگەنتتىگى 6 - ايدىڭ 22 - كۇنى «بولاشاقتى بەتكە العان نازاريادا جانە تۇزىمدە جاڭالىق اشۋ جونىندەگى ىزدەنۋ − ”ەكىنى ۇشتاستىرۋدىڭ“ كەلەلى ءمانىن جەتە ءتۇسىنۋ جونىندە جەلىلەس شولۋ (5)» اتتى شولۋدى جاريالادى.

ماقالادا بىلاي دەلىنگەن: ”’ۇشتاستىرۋ‘جاڭالىق اشۋ ءورىسىن اشىپ، ءبىزدىڭ يدەيا جانە مادەنيەت ىرىقتىلىعىن يگەرۋىمىزگە مۇمكىندىك جاساۋمەن بىرگە، جولعا، نازارياعا جانە تۇزىمگە پارمەندى ىقپال جاسادى. ونان دا ماڭىزدىسى، ’ەكىنشى ۇشتاستىرۋ‘ تاعى ءبىر رەتكى يدەيانى ازات ەتۋ بولىپ، اناعۇرلىم كەڭ مادەنيەت كەڭىستىگىندە جۇڭحۋانىڭ تاڭداۋلى ءداستۇرلى مادەنيەتى سىندى باعالى بايلىقتان تولىق پايدالانىپ، بولاشاقتى بەتكە العان نازاريادا جانە تۇزىمدە جاڭالىق اشۋ جونىندە ىزدەنۋىمىزگە مۇمكىندىك جاسادى“.

مادەنيەتتى جالعاستىرۋ، دامىتۋ اڭگىمە ماجىلىسىندە باس شۋجي شي جينپيڭ ”ەكىنى ۇشتاستىرۋدىڭ“ نازاريادا جانە تۇزىمدە جاڭالىق اشۋداعى كەلەلى ءمانىن ىشكەرىلەي بايىمداپ ءتۇسىندىردى.

ماقالادا بىلاي دەپ اتاپ كورسەتىلدى: ءداۋىر − يدەيانىڭ اناسى، اماليات − نازاريانىڭ قاينارى. جۇڭحۋا مادەنيەتىنىڭ قۇنارلى توپىراعىنا تامىر تارتىپ، ماركستىك ساياسي پارتيانىڭ داۋىرمەن بىرگە العا باساتىن نازاريالىق قاسيەتىن ساقتاپ جانە ساۋلەلەندىرىپ، اماليات نەگىزىندەگى نازاريا مەن تۇزىمدە جاڭالىق اشۋدى باتىلدىقپەن ىلگەرىلەتكەن عاسىرلىق ءىرى پارتيا بەينە الىپ بايتەرەكتەي تەرەڭ تامىر تارتىپ، جاپىراعى جايقالىپ، ومىرشەڭدىگى قاۋلاي ءتۇستى.

ماقالا مىناداي 3 بولىككە بولىنگەن: ”ۇشتاستىرۋ“ جاڭالىق اشۋ ءورىسىن اشتى؛ ”ۇشتاستىرۋ“ جولعا، نازارياعا جانە تۇزىمگە پارمەندى ىقپال جاسادى؛ اناعۇرلىم كەڭ مادەنيەت كەڭىستىگىندە بولاشاقتى بەتكە العان نازاريادا جانە تۇزىمدە جاڭالىق اشۋ جونىندەگى ىزدەنۋ.

ماقالادا بىلاي دەلىنگەن: تاريحتىڭ سالقار كوشى قۇلاشىن كەڭ جايدى. ادامزاتتىڭ وسىزاماندانۋ جونىندەگى امالياتتىق ىزدەنىسى وسى زامانعى وركەنيەتتىڭ دامۋ ۇلگىسىن ۇزدىكسىز سومداپ، وسىزامانداندىرۋدىڭ ماندىك مازمۇنى مەن زاڭدىلىعى جونىندەگى تانىمدى تەرەڭدەتۋدە. جۇڭحۋا وركەنيەتىنىڭ بەس مىڭ جىلدان استام ۋاقىتتاعى مايەكتى نەگىزىن تولىق قابىلداعان جۇڭگو ۇلگىسىندەگى وسىزامانداندىرۋ باتىستىڭ وسىزامانداندىرۋ ۇلگىسىنە ۇقسامايتىن جۇڭحۋا ۇلتىنىڭ وسى زامانعى وركەنيەتىنىڭ جاڭا كارتيناسىن ايگىلەدى.

شالقار تەڭىز، جەلكەن جايىپ كەمەمىز، كومبەنى كوزدەپ، تولقىن جارىپ كەلەمىز.

تاريحتىڭ تىڭ باستاماسىندا تۇرىپ، جۇڭحۋانىڭ تاڭداۋلى ءداستۇرلى مادەنيەتىندە قامتىلعان قۇندى ءارى مول جۇڭگو قۇندىلىعىن، جۇڭگو اقىل - پاراساتىن جانە جۇڭگو رۋحىن تولىق جانداندىرىپ جانە ونان ءونىمدى پايدالانىپ، ”جۇڭگو قاعيداسىمەن“ ءداۋىر ماسەلەسىنە جاۋاپ قايتارىپ، ”جۇڭگو ءتۇزىمى“ ارقىلى ”جۇڭگونىڭ باسقارۋىن“ ىلگەرىلەتسەك، جۇڭگو ۇلگىسىندەگى وسىزامانداندىرۋ جولىنىڭ جۇرگەن سايىن داڭعىل بولا بەرەرى داۋسىز.