− ءتوراعا شي جينپيڭنىڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىندە سويلەگەن ماڭىزدى ءسوزى شاڭحاي سەلبەستىك ۇيىمىنىڭ دامۋىنا، زورايۋىنا كۇش - قۋات ۇيىستىردى

□ شينحۋا اگەنتتىگىنىڭ تىلشىلەرى

”اقيقات جولىمەن جۇرگەندەر جالعىزدىق كورمەيدى، بارلىق ادام قول ۇستاسا جۇرگەندە الىسقا جەتۋگە بولادى. شاڭحاي سەلبەستىك ۇيىمى بۇگىنگى ءداۋىر اعىمىنا، ادامزاتتىڭ العا باسۋ بەتالىسىنا ۇيلەسەدى، ءسوز جوق، ءبىزدىڭ ورتاق قۇلشىنۋىمىزدىڭ ارقاسىندا ۇزدىكسىز دامىپ نىعايادى“.

7 - ايدىڭ 4 - كۇنى مەملەكەت ءتوراعاسى شي جينپيڭ بەيجيڭدە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە بەينە ەكران تاسىلىمەن قاتىناستى ءارى ماڭىزدى ءسوز سويلەدى. بۇل بيىلعى جۇڭگونىڭ ازيا − ەۆروپا ءوڭىرىن بەتكە العان ءبىر جولعى ماڭىزدى، كوپ جاقتى ديپلوماتيالىق ارەكەتى.

ءتوراعا شي جينپيڭ سوزىندە ءداۋىر جۇكتەگەن اۋىر مىندەتتى ارقالاپ، اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولۋ كەرەكتىگىن باسا دارىپتەپ، شاڭحاي سەلبەستىك ۇيىمىنىڭ بولاشاق دامۋى جونىندە 5 ءتۇرلى ۇسىنىس قويدى ءارى ءبىر قىدىرۋ ناقتى شارالاردى جاريالاپ، شاڭحاي سەلبەستىك ۇيىمىنىڭ دامۋىنا ورتاق تانىم ۇيىستىرىپ، ءوڭىردىڭ بەيبىتشىلىگىنە، دامۋىنا جانە گۇلدەنىپ - كوركەيۋىنە ءتىپتى دە كوپ ايقىندىق، ورنىقتىلىق ۇستەپ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ قۇدىرەتتى قوزعاۋشى كۇش قوستى.

”شاڭحاي رۋحىن“ اسقاقتاتىپ، شاڭحاي سەلبەستىك ۇيىمىنىڭ دامۋىنا ۇزدىكسىز تىڭ ومىرشەڭدىك ۇستەدى

10 جىلدىڭ الدىندا ءتوراعا شي جينپيڭ ادامزاتتىڭ تاعدىرلاس ورتاق تۇلعاسى ۇستانىمىن العا قويدى؛ 10 جىلدان بەرى ادامزاتتىڭ تاعدىرلاس ورتاق تۇلعاسى ۇستانىمى حالىقارالىق قوعامنىڭ جاپپاي مويىنداۋىنا جانە قولداۋىنا يە بولىپ، ۇستانىمنان ارەكەتكە وزگەرىپ، بولاشاق جوبادان رەالدىققا اينالدى.

”وسى بارىستا شاڭحاي سەلبەستىك ۇيىمى ءداۋىردىڭ الدىڭعى لەگىندە ءجۇرىپ، ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، ’شاڭحاي رۋحىن‘ اسقاقتاتىپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇردى“. سوزىندە ءتوراعا شي جينپيڭ بەس جاقتان وسى بارىسقا قايىرىلا قاراپ، شاڭحاي سەلبەستىك ۇيىمىنىڭ دامۋ تاجىريبەسىن قورىتىندىلادى −

”ءبىز ءوزارا قارايلاسىپ، قيىندىقتى بىلەك بىرىكتىرە جەڭەتىن تاڭداۋلى ءداستۇردى جالعاستىردىق“، ”ءبىز ورتاق، كەشەندى، سەلبەسەتىن، باياندى حاۋىپسىزدىك كوزقاراسىن امالياتتا ايگىلەدىك“، ”ءبىز جاڭالىق اشۋ، سايكەستى بولۋ، جاسىل بولۋ، اشىق بولۋ، بىرگە يگىلىكتەنۋ سىندى دامۋ ۇستانىمىنا تاباندى بولدىق“، ”ءبىز تاتۋ كورشىلىك، دوستىق رۋحىن جالعاستىردىق“، ”ءبىز حالىقارالىق ادىلدىكتى، ادىلەتتىلىكتى قورعاپ، وكتەمدىك، وزبىرلىق، زورەكەرلىك ارەكەتتەرگە قارسى تۇردىق“.

جۇڭگو وسى زامانعى حالىقارالىق قارىم - قاتىناستى زەرتتەۋ ورنى ەۆروپا − ازيا زەرتتەۋ ورنىنىڭ باستىعى ديڭ شياۋشيڭ مىنانى ءبىلدىردى: ەكى جاقتى دەڭگەيدەن قاراعاندا، جۇڭگو شاڭحاي سەلبەستىك ۇيىمىنىڭ كوپتەگەن مۇشە ەلدەرىمەن ەكى جاقتى تاعدىرلاس ورتاق تۇلعا قۇرۋ جونىندە ءبىر اۋىزدىلىققا كەلىپ، ۇلگىلىك، جەتەكشىلىك رولىن ساۋلەلەندىردى؛ وڭىرلىك دەڭگەيدەن قاراعاندا، شاڭحاي سەلبەستىك ۇيىمى ءوڭىردىڭ، اۋەلى، دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن، گۇلدەنىپ - كوركەيۋىن جەبەۋ جاعىندا بەلسەندى رولىن ساۋلەلەندىرىپ، دۇنيە ءجۇزى كولەمىندەگى ىنتىماقتى، العا باسقان كۇشكە اينالدى، مىنە بۇل ادامزاتتىڭ تاعدىرلاس ورتاق تۇلعاسىن قۇرۋدا بولۋعا ءتيىستى مازمۇن. ءتوراعا شي جينپيڭنىڭ شاڭحاي سەلبەستىك ۇيىمىنىڭ ادامزاتتىڭ تاعدىرلاس ورتاق تۇلعاسىن قۇرۋ بارىسىندا ساۋلەلەندىرگەن رولىن ”ءداۋىردىڭ الدىڭعى لەگىندە ءجۇرۋ“ دەپ باعالاۋى وتە ورىندى.

جۇڭگو شاڭحاي سەلبەستىك ۇيىمىن زەرتتەۋ ورتالىعىنىڭ باس حاتشىسى دىڭ حاۋ مىنانى ءبىلدىردى: ءتوراعا شي جينپيڭ قورىتىندىلاعان وسى بەس جاق شاڭحاي سەلبەستىك ۇيىمىنىڭ ۇزدىكسىز دامۋىنداعى، زورايۋىنداعى باعالى تاجىريبە بولىپ قانا قويماي، ءوزارا سەنىمدى، ءوزارا پايدالى، تەپە - تەڭ، كەڭەسەتىن، الۋان ءتۇرلى وركەنيەتكە قۇرمەت ەتەتىن، بىرگە دامۋعا ۇمتىلاتىن ”شاڭحاي رۋحىنىڭ“ ءمانىن دە بەينەلەيدى. وتكەنگە قايىرىلا قاراۋ، بولاشاققا ءتىپتى دە ويداعىداي بەت الۋ ءۇشىن، قازىرگى ۋاقىتتاعى كۇردەلى دە قۇبىلمالى حالىقارالىق جاعدايدا شاڭحاي سەلبەستىك ۇيىمى قول ۇستاسا بىرگە ءجۇرۋ سىندى اۋەلگى ماقساتتى ءتىپتى دە ەستە بەرىك ساقتاپ، ”شاڭحاي رۋحىن“ اسقاقتاتىپ، ىنتىماقتى، سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگىنە، دامۋىنا كۇش قوسۋ كەرەك.

وسى رەتكى باسشىلار ءماجىلىسى رەسمي تۇردە يراندى شاڭحاي سەلبەستىك ۇيىمىنا مۇشە ەل ەتىپ قابىلدادى ءارى بەلورۋسسيانىڭ شاڭحاي سەلبەستىك ۇيىمىنا كىرۋ مىندەتتەمەلەرى جونىندەگى ەسكەرتپە حاتقا قول قويۋدى بەكىتتى. وسىلايشا شاڭحاي سەلبەستىك ۇيىمىنا مۇشە ەلدىڭ سانى 9عا كوبەيدى. بارعان سايىن كوپ ەلدىڭ ”شاڭحاي سەلبەستىك ۇيىمى شاڭىراعىنا“ كىرۋگە ءوتىنىش بەرۋى شاڭحاي سەلبەستىك ۇيىمىنىڭ ۇستانىمىنىڭ جۇرت جۇرەگىنە تەرەڭ ۇيالاعاندىعىن، دامۋ بولاشاعىنا جاپپاي ءۇمىت ارتىپ وتىرعاندىعىن تولىق اڭعارتادى.

جۇڭگو رەسەي، شىعىس ەۆروپا، ورتا ازيا ءىلمي قوعامىنىڭ باستىعى لي يۇڭچۋان بىلاي دەپ قارادى: شاڭحاي سەلبەستىك ۇيىمى قۇرىلعاننان بەرى ءوزارا قۇرمەت ەتەتىن، ءادىل دە ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناستىڭ تيپتىك ۇلگىسىن ورناتتى. بارعان سايىن كوپ مەملەكەت شاڭحاي سەلبەستىك ۇيىمىنىڭ توماعا - تۇيىق، وزگەلەردى قاقپايلايتىن ”شاعىن شەڭبەر“ قۇرۋمەن اينالىسپايتىندىعىن، قايتا اشىق تا سيىسىمدى ”ۇلكەن شاڭىراق“ ەكەندىگىن، تىڭ تىنىسقا جانە ومىرشەڭ كۇشكە يە جاڭاشا حالىقارالىق ۇيىم ەكەندىگىن تانىپ جەتتى. جاڭا مۇشەلەردىڭ قوسىلۋى شاڭحاي سەلبەستىك ۇيىمىنىڭ اناعۇرلىم زور كولەمدە بەلسەندى ىقپالىن ساۋلەلەندىرۋىنە سەپتىگىن تيگىزەتىندىگىنە سەنەمىن.

رول ۇستاپ، جول باستاپ، شاڭحاي سەلبەستىك ۇيىمىنىڭ جاڭا دامۋدى جۇزەگە اسىرۋىن ىلگەرىلەتتى

بۇگىنگى تاڭداعى دۇنيە جۇزىندە وزگەرىس پەن بىلىقپالىق ارالاسىپ، ءجۇز جىلدىق وزگەرىس جەدەل قۇبىلىپ، ادامزات قوعامى بۇرىن - سوڭدى بولماعان سىن - سايىسقا ءدوپ كەلىپ وتىر. ىنتىماقتاسۋ كەرەك پە، الدە بولشەكتەنۋ كەرەك پە؟ بەيبىتشىلىك كەرەك پە، الدە قاقتىعىس كەرەك پە؟ سەلبەسۋ كەرەك پە، الدە قارسىلاسۋ كەرەك پە؟

ءداۋىر سۇراعى الدىندا ءتوراعا شي جينپيڭ بەكەم جاۋاپ قايتاردى −

”ءار ەل حالقىنىڭ تاماشا تۇرمىس تالپىنىسى ءبىزدىڭ ۇمتىلىسىمىز، بەيبىتشىلىك، دامۋ، سەلبەسۋ، تەڭ يگىلىكتەنۋ سىندى ءداۋىر اعىمى بوگەۋ بەرمەيدى“.

جۇڭگو قوعامدىق عىلىمدار اكادەمياسى رەسەي، شىعىس ەۆروپا، ورتا ازيا زەرتتەۋ ورنىنىڭ باستىعى سۇن جۋاڭجى مىنانى ءبىلدىردى: جاعداي نەعۇرلىم اۋمالى - توكپەلى بولعان سايىن، تاريح دامۋىنىڭ ۇلكەن اۋقىمىنا سولعۇرلىم انىق تۇجىرىم جاساۋ كەرەك، وسىلاي بولعاندا عانا، سوقىر تۇماندا كوز جازباي، قيىندىقتا بوگەلمەي، ءبىر مەملەكەتتى، ءبىر حالىقارالىق ۇيىمدى دۇرىس بەتالىسپەن العا ىلگەرىلەۋگە باستاۋعا بولادى.

سوڭعى جىلدارى شاڭحاي سەلبەستىك ۇيىمى كۇننەن - كۇنگە دامىپ، زورايىپ، وڭاي - وسپاق قولعا كەلمەيتىن دامۋ ورايىن كۇتىپ الدى، سونداي - اق بۇرىن بولىپ كورمەگەن حاۋىپ - قاتەرلەرگە، سىن - سايىستارعا ءدوپ كەلدى.

”ءبىز ءداۋىر جۇكتەگەن اۋىر مىندەتتى ارقالاپ، اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا اناعۇرلىم كوپ ايقىندىلىق جانە وڭ ەنەرگيا ۇستەۋىمىز كەرەك“. ءتوراعا شي جينپيڭ وسى جونىندە بەس ءتۇرلى ۇسىنىس قويدى −

”دۇرىس بەتالىستى مىقتى يگەرىپ، ىنتىماقتاسۋدى، ءوزارا سەنىم ارتۋدى نىعايتۋ“، ”ءوڭىردىڭ بەيبىتشىلىگىن قورعاپ، ورتاق حاۋىپسىزدىكتى قامتاماسىز ەتۋ“، ”نازاردى ناقتى سەلبەستىككە شوعىرلاندىرىپ، ەكونوميكانىڭ قالپىنا كەلۋىن جەدەلدەتۋ“، ”اۋىس - كۇيىس جاساپ، ءوزارا ۇلگى الۋدى كۇشەيتىپ، جۇرت تىلەگىنىڭ توعىسۋىن جەبەۋ“، ”كوپ جاقتىلىقتى امالياتتا ايگىلەپ، الەمدىك باسقارۋدى كەمەلدەندىرۋ“.

لي يۇڭچۋان مىنانى ءبىلدىردى: ىنتىماقتاسۋ، ءوزارا سەنىم ارتۋ − شاڭحاي سەلبەستىك ۇيىمى دامۋىنىڭ ماڭىزدى العى شارتى جانە نەگىزى، ورتاق حاۋىپسىزدىك ءار ەل حالقىنىڭ جالپىلىق ارمانى ءارى شاڭحاي سەلبەستىك ۇيىمىنا مۇشە ەلدەردىڭ ەكونوميكالىق دامۋىنىڭ، ادامدار ارا بارىس - كەلىستى جەبەۋدىڭ قاجەتتى شارتى. سونىمەن بىرگە ەكونوميكانىڭ گۇلدەنۋى، دامۋى، وركەنيەتتەردىڭ اۋىس - كۇيىسى، ءوزارا ۇلگى الۋى دا ءارقايسى مۇشە ەلدەردىڭ ىنتىماقتاسۋىن، ءوزارا سەنىم ارتۋىن كۇشەيتىپ، ورتاق حاۋىپسىزدىكتى جۇزەگە اسىرۋعا، شاڭحاي سەلبەستىك ۇيىمىنىڭ ۇزدىكسىز دامۋىن، زورايۋىن ىلگەرىلەتۋگە، ارى قاراي حالىقارالىق ادىلدىكتى، ادىلەتتىلىكتى اناعۇرلىم ويداعىداي قورعاۋعا سەپتىگىن تيگىزەدى.

ءتوراعا شي جينپيڭ سوزىندە الەمدىك حاۋىپسىزدىك باستاماسىن تياناقتاندىرۋدى، الەمدىك دامۋ باستاماسىن تياناقتاندىرۋدى، الەمدىك وركەنيەت باستاماسىن تياناقتاندىرۋدى العا قويدى. سۇن جۋاڭجى مىنانى ءبىلدىردى: ءۇش ۇلكەن باستاما جۇڭگونىڭ دۇنيە جۇزىنە ازىرلەگەن ماڭىزدى الەۋمەتتىك ءونىمى، مازمۇنى باي، ءمانى زور. جۇڭگو جاق ءۇش ۇلكەن باستامانى ءارقايسى جاقتارمەن بىرگە تياناقتاندىرۋ بەلسەندى تىلەگىن ءبىلدىردى، بۇل شاڭحاي سەلبەستىك ۇيىمى جونىنەن اسا ماڭىزدى، بەلسەندى ىقپالعا يە بولىپ قانا قويماي، سونىمەن بىرگە جۇڭگو جوباسىنىڭ، جۇڭگو باستاماسىنىڭ تەرەڭ ءمانىن ونان ارى بايىتۋعا دا پايدالى بولىپ تابىلادى.

نازاردى ارەكەتكە شوعىرلاندىرىپ، ناقتى سەلبەسىپ، ۇزدىكسىز تىڭ جەتىستىكتەرگە قول جەتكىزدى

بيىل ”ءبىر بەلدەۋ، ءبىر جول“ باستاماسى العا قويىلعاندىعىنىڭ 10 جىلدىعى، جۇڭگو جاق 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن وتكىزەدى. ”دۇنيە ءجۇزىن يگىلىككە بولەيتىن وسى ءبىر باقىت جولىن بىرگە اناعۇرلىم كەڭ سالىپ، اناعۇرلىم الىسقا جەتكىزەيىك“. ءتوراعا شي جينپيڭ سوزىندە ءۇمىتىن وسىلاي ءبىلدىردى.

شاڭحاي سەلبەستىك ۇيىمىنا مۇشە كوپتەگەن ەلدەر ”ءبىر بەلدەۋ، ءبىر جولدى“ بىرگە قۇرۋ جاعىندا ەرتە قادام تاستاعان، سەلبەستىگى تەرەڭ، تابىسى مول.

”’ءبىر بەلدەۋ، ءبىر جولدى‘ بىرگە ويداعىداي قۇرۋ كەرەك، بۇل ءبىزدىڭ دامۋ كومەسكى كۇشىن اشۋىمىزدا وراسان زور رول اتقارادى“، ”جۇڭگو − پاكيستان ەكونوميكالىق ءدالىزى ’ءبىر بەلدەۋ، ءبىر جولدىڭ‘ باستاماشى نىسانى، ۇلاستىرۋ، تۇتاستىرۋ جولى، سونداي - اق بەيبىتشىلىك جولى، گۇلدەنۋ جولى، سەلبەستىك جولى“، ”جۇڭگو − قىرعىزستان − وزبەكستان تەمىر جول قۇرىلىسىن ىلگەرىلەتۋ ءارى وسى نەگىزدە كوپ جەلىلى بىرلەسكەن تاسىمالدى زەرتتەۋ“ ... ماجىلىسكە قاتىناسقان كوپتەگەن باسشىلار جۇڭگو جاقپەن ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ بەلسەندى تىلەگىن ءبىلدىردى.

دىڭ حاۋ بىلاي دەدى: ءبىر قىدىرۋ ناقتى، سالماقتى سەلبەستىك جەتىستىكتەرى ءار جاقتىڭ سەلبەستىكتى ونان ارى كۇشەيتۋ كۇشتى تىلەگىن تاسقىنداتتى، شاڭحاي سەلبەستىك ۇيىمىنىڭ كەڭ دامۋ كەڭىستىگىن دە جانداندىردى. حاۋىپسىزدىك جانە ەكونوميكالىق سەلبەستىك سىندى ”قوس تەگەرشىكتى قوزعاۋشىدان“ ”ءتورت ورتاق تۇلعانىڭ“ كوپ ارنادا قاتار ىلگەرىلەۋىنە دەيىن شاڭحاي سەلبەستىك ۇيىمى ءوزارا پايدا جەتكىزىپ، تەڭ يگىلىككە كەنەلۋ، بىرگە گۇلدەنۋ جولىمەن ءجۇردى، وسى بارىستا جۇڭگو وزگەشە رول اتقاردى.

وسى رەتكى باسشىلار ماجىلىسىندە ءتوراعا شي جينپيڭ ءبىر قىدىرۋ سەلبەستىك باستامالارىن ونان ارى العا قويىپ، ءبىر قىدىرۋ ناقتى شارالاردى جاريالادى −

”وسى ۇيىمداعى مەملەكەتتەردىڭ ءوز اقشاسىمەن ەسەپ جابۋ سوماسىن كوبەيتۋ“، ”وسى ۇيىمنىڭ وركەندەتۋ بانكەسىن قۇرۋدى ىلگەرىلەتۋ“، ”جاس كاسىپتىك شارۋالارعا قۋات ۇستەۋ ارەكەتىن اتقارۋ“، ”الداعى 3 جىلدا جۇڭگو جاق وسى ۇيىمداعى مەملەكەتتەرگە حالىقارالىق حانزۋ ءتىلى وقىتۋشىسى وقۋ سيلىعى بويىنشا 1000 سان، ’حانزۋ ءتىلى كوپىرى‘ جازعى لاگەرى بويىنشا 3000 سان بەرەدى، 100 جاس عالىمدى جۇڭگوعا كەلىپ عىلمي زەرتتەۋ جونىندە اۋىس - كۇيىس جاساۋعا ۇسىنىس ەتەدى“، ”جۇڭگو جاق جانە اۋىل - قىستاقتى گۇلدەندىرۋ، كليمات وزگەرىسىنە توتەپ بەرۋ سياقتى نەگىزگى تاقىرىپتىق قيمىلدار وتكىزەدى“...

ديڭ شياۋشيڭ بىلاي دەدى: بۇل باستامالار مەن شارالار حاۋىپسىزدىك، ەكونوميكا - ساۋدا، گۋمانيتارلىق ىستەر سياقتى كوپ سالانى قامتيدى، ۇزاق بولاشاقتى كوزدەۋمەن بىرگە، ناقتى دا جارامدى بولىپ، ءار ەلدىڭ دامۋ قاجەتىنە ۇيلەسەدى، جۇڭگو جاقتىڭ قۇرۋشى مۇشە ەل بولۋداعى جەتەكشىلىك رولىن ايگىلەدى.

وسى رەتكى باسشىلار ماجىلىسىندە مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ جاڭادەلي جارناماسىنا» قول قويىپ جانە ونى جاريالاپ، ۇشقارىلىققا سوققى بەرۋ سەلبەستىگى جونىندەگى مالىمدەمەنى، سيفرلاندىرۋعا قاراي تيىپ جاڭالاعان سالالار سەلبەستىگى جونىندەگى مالىمدەمەنى بىرگە جاريالاپ، يرانعا شاڭحاي سەلبەستىك ۇيىمىنىڭ مۇشە ەلى مارتەبەسىن بەرۋ جونىندەگى، بەلورۋسسيانىڭ شاڭحاي سەلبەستىك ۇيىمىنا كىرۋ مىندەتتەمەلەرى جونىندەگى ەسكەرتپە حاتقا قول قويۋ، شاڭحاي سەلبەستىك ۇيىمىنىڭ 2030 - جىلعا دەيىنگى ەكونوميكالىق دامۋ ستراتەگياسى جونىندەگى ت . ب ءبىر قىدىرۋ قارارلاردى بەكىتتى.

ماماندار مىنانى ءبىلدىردى: ءتوراعا شي جينپيڭ مەن ءار ەل باسشىلارىنىڭ بىرگە قۇلشىنۋىندا باسشىلار ءماجىلىسى ءبىر قىدىرۋ ماڭىزدى سەلبەستىك جەتىستىكتەرىنە قول جەتكىزدى، بۇل شاڭحاي سەلبەستىك ۇيىمىنىڭ ۇزدىكسىز دامىپ، زورايىپ، باقىلاۋشى ەلدەرمەن، تىلدەسۋ سەرىكتەرىمەن، سونداي - اق بىرلەسكەن مەملەكەتتەر ۇيىمى سياقتى حالىقارالىق جانە وڭىرلىك ۇيىمدارمەن بارىس - كەلىستى كۇشەيتىپ، بىرگە دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەسكەرى، حالىقارالىق ءتارتىپتىڭ قورعاۋشىسى بولۋىن ونان ارى ىلگەرىلەتە تۇسەدى.

(تىلشىلەر جىڭ ميڭدا، شۇي كى، چىڭ شين، دۇڭ شۋە)

(شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى)