− وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ 11 - رەتكى مەملەكەتتىك قۇرىلتايى اشىلعاندىعىن قۇتتىقتايمىز

«حالىق گازەتى» باسماقالاسى

وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ 11 - رەتكى مەملەكەتتىك قۇرىلتايى بۇگىن بەيجيڭدە اشىلدى. بۇل بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلعان چياۋميندەر قاۋىمىنىڭ سالتاناتتى جينالىسى، قالىڭ وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ ساياسي تۇرمىسىنداعى ءبىر كەلەلى ءىس، چياۋمين سالاسىنىڭ كۇش - قۋاتىن ۇيىستىرۋ، ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەۋ جونىنەن ماڭىزدى مانگە يە. ءبىز قۇرىلتايدىڭ اشىلعاندىعىن قىزۋ قۇتتىقتايمىز!

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، سان ميلليونداعان حالىقتى قاتاڭ دا كۇردەلى حالىقارالىق جاعدايعا جانە ارت - ارتىنان كەلگەن كەلەلى حاۋىپ - قاتەرلەر مەن سايىستارعا ءونىمدى توتەپ بەرۋگە ىنتىماقتاستىرىپ، باستاپ، پارتيا مەن مەملەكەت ىستەرىندە تاريحي سيپاتتى ناتيجەلەرگە قول جەتكىزۋدى، تاريحي سيپاتتى وزگەرىستەر تۋىلۋدى ىلگەرىلەتىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قارسى الدى. ايبىنى كۇشتى، مىڭ قۇلپىرعان جاڭا داۋىردە قالىڭ وتانعا ورالعان چياۋميندەر، چياۋميندەردىڭ تۋىس - تۋعاندارى مەن شەتەلدەگى چياۋباۋلار تاڭداۋلى ءداستۇردى اسقاقتاتىپ، وتاندى ءسۇيىپ، مەكەندى ءسۇيىپ، جۇڭگو مەن شەتەلدى توعىستىرىپ، وتانمەن بىرگە ەكپىندەي ىلگەرىلەپ، حالىقپەن بىرگە كۇرەس جۇرگىزىپ، ءىس جۇزىندىك ارەكەتتەرى ارقىلى ”چياۋميندەردىڭ جۇرەگى پارتيا دەپ سوعادى، وتاننىڭ ءۇمىتىن اقتايدى“ دەگەن جان تەبىرەنتەرلىك تاراۋدى جازىپ شىعىپ، وزىنە سەنەتىن، ءوزىن الۋەتتەندىرەتىن، ىنتىماقتاسا العا ىلگەرىلەيتىن اسقاق رۋحاني بەت - بەينەنى ايگىلەدى. اماليات وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ اتى زاتىنا ساي ەلىمىزدىڭ وسىزامانداندىرۋ قۇرىلىسىنداعى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى ماڭىزدى كۇش ەكەندىگىن تولىق دالەلدەدى.

پارتيا ورتالىق كوميتەتى ەجەلدەن بەرى قالىڭ وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ ەرەكشە رولىن ساۋلەلەندىرۋگە ءمان بەرىپ، وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ قىزمەتىن ويداعىداي ىستەۋگە ايرىقشا ءمان بەرىپ كەلەدى. جاڭا داۋىردەن بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعداي جانە ستراتەگيالىق وسكەلەڭ تۇرعىدان چياۋميندەر بىرلەستىگى رەفورماسىن ىلگەرىلەتۋ، چياۋمين ىستەرى رەفورماسىن تەرەڭدەتۋ، چياۋمين ىستەرى قىزمەتىن ويداعىداي ىستەۋ جونىندە ءبىر قىدىرۋ ماڭىزدى ورنالاستىرۋ جاساپ، ايقىن تالاپ قويدى. باس شۋجي شي جينپيڭنىڭ چياۋمين ىستەرى قىزمەتى جونىندەگى ماڭىزدى بايىمداۋلارى جاڭا داۋىردە پارتيانىڭ چياۋمين ىستەرى قىزمەتىن ويداعىداي ىستەۋگە العا ىلگەرىلەۋ بەتالىسىن كورسەتىپ، جاڭا داۋىردە چياۋميندەر بىرلەستىگى قىزمەتىندە رەفورما جاساپ، جاڭالىق اشۋعا ءتۇبىرلى بويسۇنۋ ولشەمىن ازىرلەدى. پارتيا ورتالىق كوميتەتىنىڭ پارمەندى باسشىلىعىندا، وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ مەملەكەتتىك 10 - قۇرىلتايىنان بەرى جۇڭگو چياۋميندەر بىرلەستىگى مەن ءار دارەجەلى چياۋميندەر بىرلەستىگى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ چياۋمين ىستەرى قىزمەتى جانە بۇقارالىق توپتار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مەملەكەتتىڭ زور ىستەرىن كوكەيدە ساقتاپ، ”چياۋمين“ قىزمەتىن ويداعىداي ىستەپ، وتانعا ورالعان چياۋميندەردى، چياۋميندەردىڭ تۋىس - تۋعاندارىن جانە شەتەلدەردەگى چياۋباۋلاردى ىنتىماقتاستىرىپ، جەتەكتەپ، ولارعا قىزمەت وتەپ، چياۋميندەر بىرلەستىگى قۇرىلىسى مەن قىزمەتىندە كورنەكتى ىلگەرىلەۋشىلىككە قول جەتكىزۋدى ىلگەرىلەتىپ، چياۋميندەر بىرلەستىگى ۇيىمىندا جاڭا بەت - بەينە جارىققا شىقتى. اماليات چياۋميندەر بىرلەستىگى ۇيىمىنىڭ ايتسا ايتقانداي پارتيا مەن ۇكىمەتتىڭ وتانعا ورالعان چياۋميندەرمەن، چياۋميندەردىڭ تۋىس - تۋعاندارىمەن جانە شەتەلدەردەگى چياۋباۋلارمەن بايلانىس جاسايتىن ماڭىزدى كوپىرى جانە دانەكەرى ەكەندىگىن تولىق دالەلدەدى.

پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ سىندى ۇلى جوبانى كەسكىندەدى. باس شۋجي شي جينپيڭ ”جۇڭحۋا ۇلتىنىڭ ۇلى گۇلدەنۋى ارمانىن جۇزەگە اسىرۋ ەل ءىشى - سىرتىنداعى جۇڭحۋا پەرزەنتتەرىنىڭ بىرگە كۇرەس جاساۋىن قاجەت ەتەدى“ دەپ باسا دارىپتەدى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ءبىز ەڭ كەڭ كولەمدەگى وتانشىلدىق بىرلىكساپتى بەكەمدەپ جانە دامىتىپ، وتانعا ورالعان چياۋميندەردى، چياۋميندەردىڭ تۋىس - تۋعاندارىن جانە شەتەلدەردەگى چياۋباۋلاردى تىعىز ىنتىماقتاستىرىپ، وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ جانە شەتەلدەردەگى چياۋباۋلاردىڭ ارتىقشىلىعىن ساۋلەلەندىرىپ، بارلىق جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ارقاۋ ەتە وتىرىپ بىرگە وي جۇگىرتۋگە، بىرگە ىستەۋگە، جۇڭگو ارمانىن بىرگە جۇزەگە اسىرۋدىڭ تەلەگەي ۇلى كۇشىن توپتاۋعا جۇمىلدىرۋىمىز كەرەك. وتانعا ورالعان قالىڭ چياۋميندەردى، چياۋميندەردىڭ تۋىس - تۋعاندارىن جانە شەتەلدەردەگى چياۋباۋلاردى پارتيا مەن مەملەكەت ىستەرى ءۇشىن قاجىماي - تالماي كۇرەس جۇرگىزۋگە ىنتىماقتاستىرۋ، ۇيىستىرۋ چياۋميندەر بىرلەستىگىنىڭ داڭقتى بورىشى. ”چياۋميندەردىڭ تىلەگىن، چياۋميندەردىڭ كۇش - قۋاتىن ۇيىستىرىپ، جۇڭگو ارمانىن بىرگە جۇزەگە اسىرۋ“ سىندى جاڭا داۋىردەگى چياۋمين ىستەرى قىزمەتى نەگىزگى تاقىرىبىن تىعىز ارقاۋ ەتىپ، چياۋمين ىستەرى قىزمەتىن كۇشەيتىپ جانە جاقسارتىپ، ەڭ ۇلكەن سەنترلەس شەڭبەردى ويداعىداي سىزعاندا، ۇلتتى گۇلدەندىرۋگە بىرگە كۇش سالاتىن قۇدىرەتتى كۇش - قۋاتتى، ءسوز جوق، قالىپتاستىرۋعا بولادى.

”جۇڭگو ارمانى − مەملەكەت ارمانى، ۇلت ارمانى، سونداي - اق ءاربىر جۇڭحۋا پەرزەنتىنىڭ ارمانى“. بۇگىن ءبىز جۇڭحۋا ۇلتىنىڭ ۇلى گۇلدەنۋى نىساناسىن جۇزەگە اسىرۋعا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز قاپتال جەتەدى، سونىمەن بىرگە، ءسوز جوق، اناعۇرلىم ماشاقاتتى، اناعۇرلىم جاپالى قۇلشىنىستار جاساۋعا دايىندالۋىمىز كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ورتاق تامىردى“ قورعاپ، ”ورتاق رۋحتى“ جالعاستىرىپ، ”ورتاق ارماندا“ تابىسقا جەتىپ، ءبىر نيەت، ءبىر تىلەكتە بولىپ، كوپتىڭ كۇشىن ۇيىستىرىپ، اقىل - پاراساتىن توپتاپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە جاڭا ۇلەس قوسىپ، جاڭا داستان جازۋىمىز كەرەك.

(شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى)