شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى. جۇڭحۋا مەملەكەتتىك اقپارات قىزمەتكەرلەرى قوعامى ۇيىمداستىرىپ وتكىزگەن 33 - كەزەكتى جۇڭگو اقپارات سيلىعىن باعالاۋ ناتيجەسى 11 - ايدىڭ 6 - كۇنى جاريالاندى. بۇكىل ەلدەگى ءار دارەجەلى ءارءتۇرلى مەديادان 377 تۋىندى جۇڭگو اقپارات سيلىعىنا يە بولدى، مۇنىڭ ىشىندە 3 تۋىندى ەرەكشە سيلىققا، 73 تۋىندى 1 - دارەجەلى سيلىققا، 114 تۋىندى 2 - دارەجەلى سيلىققا، 187 تۋىندى 3 - دارەجەلى سيلىققا يە بولدى.

حالىق گازەتى مەكەمەسىنىڭ «10 جىلدىق قايراتتانا ەكپىندەي ىلگەرىلەۋ ايبىندى كارتينانى كەسكىندەدى − پارتيا 20 - قۇرىلتايىنىڭ جەڭىسپەن اشىلۋى تۇسىندا» اتتى شولۋى، شينحۋا اگەنتتىگىنىڭ «جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ − پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋى جونىندە ەستەلىك» اتتى ادەبي حابارى جانە ورتالىق راديو - تەلەۆيزيا باس مەكەمەسىنىڭ «جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىنىڭ جۇڭگولىق، شەتەلدىك تىلشىلەرمەن كەزدەسۋ ءماجىلىسى» اتتى اقپاراتتىق تىكە تاراتىلىمى سىندى 3 تۋىندى باعالاۋعا قاتىناسقان باعالاۋشىلاردىڭ بارىنشا مويىنداۋىنا يە بولىپ، ەرەكشە سيلىققا يە بولدى.

بۇل جولعى باعالاۋدا 2022 - جىلعى ءتۇيىندى قىزمەتتەردى، ماڭىزدى قيمىلداردى، وزات تيپتەردى، توعىسۋ اۋقىمىن بەينەلەيتىن كوپتەگەن تاڭداۋلى اقپاراتتىق تۋىندىلار شىقتى. ايتالىق، پارتيا مەن مەملەكەت باسشىلارىنىڭ ماڭىزدى يدەياسى مەن قيمىلىن ۇگىتتەيتىن «مەملەكەتتى قۇدىرەتتەندىرۋ جولىندا ەكپىندەي ىلگەرىلەۋ · باس شۋجي جۇڭگو ۇلگىسىندەگى وسىزامانداندىرۋعا وسىلاي جەتەكشىلىك ەتتى» اتتى حابار، پارتيا 20 - قۇرىلتايىنىڭ جەڭىسپەن اشىلۋىن قارسى الۋعا ارنالعان «جول باستاۋ» اتتى ساياسي شولۋ فيلمى، جاڭا داۋىردەگى جاستىق كۇش - قۋاتىن ايگىلەيتىن «جۇڭگو UP!» اتتى تيپتىك حابار، مەديالاردىڭ توعىسىپ جاڭالىق اشۋىن ايگىلەگەن «جاڭا مىڭ شاقىرىمدىق جەر - سۋ سۋرەتى» قاتارلىلار 1 - دارەجەلى سيلىققا يە بولدى.

«اۋىل - قىستاقتى گۇلدەندىرۋدى تۇيىندەردە تۇرىپ ەستەلىككە الۋ»، «تەمىر جولعا قارجى قوسۋ، قارجى قۇراۋ ءتۇزىلىسى سەڭ بۇزدى، بۇكىل ەل بويىنشا العاشقى جارناسى تىزگىندەلگەن حالىقتىق جوعارى جىلدامدىقتى تەمىر جولدا پويەز قاتىناپ، ىسكە قوسىلدى»، «ءتىلشى تەكسەرۋى . قوي تەرىسى قايدا كەتتى؟» سياقتى تۋىندىلار اقپارات قىزمەتكەرلەرىنىڭ قوعامدىق قولامتالى تۇيىندەرگە جانە حالىق تۇرمىسىنا، حالىقتىڭ حال - جايىنا نازار اۋدارۋ، نەگىزگى ساتىنى ىشكەرىلەي ارالاپ، تىڭعىلىقتى تىلشىلىك ىستەپ، تەكسەرۋ - زەرتتەۋ جۇرگىزۋ، ”4 قابىلەتتى“ ۇزدىكسىز كۇشەيتۋ، تاتىمدى تۋىندى جازۋعا توسەلۋ سىندى تاڭداۋلى ءداستۇرىن ايگىلەدى.

جۇڭگو اقپارات قىزمەتكەرلەرى قوعامى تاياۋدا جۇڭگو اقپارات سيلىعى مەن چاڭجياڭ − تاۋفىن سيلىعىن تاراتۋ بايانداما جينالىسىن وتكىزىپ، سيلىق يەگەرلەرى ۋاكىلدەرىنە سيلىق تاپسىرادى.