4 جىلدا 7 ميلليارد يۋاننان استام قارجى جۇمساپ تۇيىندە كومەكتەسۋ ـ سۇيەمەلدەۋ ورىستەتتى

　　ورتالىق پەن اۆتونوميالى رايونداعى ورىندار 170 مىڭعا تاياۋ ادامنىڭ (رەت) جۇمىستانۋىن شەشتى

انار بۇلت \ شينجياڭ گازەتىنىڭ ٴتىلشىسى كاڭ حاۋيان 8 ـ ايدىڭ 6 ـ كۇنى ۇرىمجىدەن حابارلايدى. اۆتونوميالى رايوننىڭ تۇيىندە كومەكتەسۋ ـ سۇيەمەلدەۋ جانە رايون ىشىندە ىستەستىك جاساپ كومەكتەسۋ ـ سۇيەمەلدەۋ قىزمەتىن ىلگەرىلەتۋ ماجىلىسىنەن ۇعىسۋىمىزشا، 2021 ـ جىلدان بەرى ورتالىق جانە اۆتونوميالى رايونداعى 251 تۇيىندە كومەكتەسۋ ـ سۇيەمەلدەۋ ورنى جالپى 7 ميلليارد يۋاننان استام قارجى جۇمساپ، 170 مىڭعا تاياۋ ادامنىڭ (رەت) جۇمىستانۋىن شەشۋگە كومەكتەسكەن.

بيىل كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزگەننەن كەيىنگى وتپەلى مەزگىلدىڭ 4 ـ جىلى. 4 جىلدان بەرى ورتالىق جانە اۆتونوميالى رايونداعى قاتىستى ورىندار تۇيىندە كومەكتەسۋ ـ سۇيەمەلدەۋدى ٴۇرتىس ورىستەتىپ، كەدەيلىكتەن ارىلعان وڭىرلەردىڭ جانە كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ارتتىردى. 2021 ـ جىلدان بەرى ورتالىقتىڭ تۇيىندە كومەكتەسەتىن ـ سۇيەمەلدەيتىن 17 ورنى كەدەيلىكتەن ارىلعان 28 اۋدانعا جالپى 2 ميلليارد 404 ميلليون يۋان قارجى قوسىپ، 858 نىسان اتقاردى، 365 كادردى تاڭداپ جىبەرىپ مىندەتكە ٴىلدى، 25 مىڭ 800 ادامنىڭ (رەت) جۇمىستانۋىن شەشۋگە كومەكتەستى؛ اۆتونوميالى رايونداعى تۇيىندە كومەكتەسەتىن ـ سۇيەمەلدەيتىن 234 ورىن كەدەيلىكتەن ارىلعان 286 قىستاققا جانە اۋىل ـ قىستاقتى گۇلدەندىرۋدەن ۇلگى كورسەتەتىن 610 قىستاققا جالپى 4 ميلليارد 741 ميلليون يۋان قارجى قوسىپ، 6629 نىسان اتقارىپ، 143 مىڭ 600 ادامنىڭ (رەت) جۇمىستانۋىن شەشۋگە كومەكتەستى. قازىر كومەكتەسىپ ـ سۇيەمەلدەنگەن اۋدانداردىڭ، قىستاقتاردىڭ ەرەكشەلىككە، باسىمدىققا يە كاسىپ سالالارى ۇزدىكسىز دامىپ، زورايىپ، وزىنە سۇيەنىپ دامۋ قابىلەتى ۇزدىكسىز كۇشەيدى.

جۇڭگو حۋاديان توبى شەكتى سەرىكتەستىگى اۋىل ـ قىستاقتى گۇلدەندىرۋ كەڭسەسىنىڭ قاتىستى جاۋاپتىسى مىنالاردى ٴبىلدىردى: توبىمىز قىزىلسۋ قىرعىز اۆتونوميالى وبلىسىنىڭ اتۇش قالاسى مەن ۇلۇقشات اۋدانىن تۇيىندە كومەكتەسىپ سۇيەمەلدەيدى، ” 14 ـ بەسجىلدىقتان“ بەرى كومەكتەسۋ ـ سۇيەمەلدەۋ قارجى ۇسىنىلىمى جىل سايىن ارتۋدى ساقتاپ، كومەكتەسىپ سۇيەمەلدەنەتىن اۋدانىنىڭ مىندەتتى وقۋ ـ اعارتۋ، نەگىزگى ەمدەۋ جانە حاۋىپسىز اۋىز سۋ نەگىزدىك قۇرىلعىلارىن جاقسارتۋىنا ٴۇرتىس كومەك كورسەتتى. ەنەرگيا كاسىپ سالاسىنىڭ دامۋىن جەدەل ىلگەرىلەتۋ ارقىلى جۇمىستاندىرۋعا دەم بەردى، الدىڭعى جارتى جىلدا شينجياڭدا 11 ميلليارد 300 ميلليون يۋان قارجى قوسۋدى ورىندادى، نىسان جالپى بارىسىندا جەرگىلىكتى بۇقارادان 12 مىڭنان استام ادامدى (رەت) جۇمىستاندىردى.

تۇيىندە كومەكتەسۋ ـ سۇيەمەلدەۋدەن سىرت، رايون ىشىندە ىستەستىك جاساپ كومەكتەسۋ ـ سۇيەمەلدەۋ دە ۇزدىكسىز كۇشەيىپ، وڭتۇستىك، سولتۇستىك شينجياڭنىڭ وڭىرلىك دامۋ پارقىن ونان ارى ازايتتى. 2021 ـ جىلدان بەرى ىستەستىك جاساپ، كومەكتەسۋ ـ سۇيەمەلدەۋگە قاتىناسقان 33 اۋدان (قالا، رايون) وڭتۇستىك شينجياڭداعى كومەك قابىلداعان 28 اۋدانعا (قالا) كومەكتەسۋ ـ سۇيەمەلدەۋ قارجىسىنان جالپى 313 ميلليون يۋان جۇمساپ، 248 نىسان اتقارىپ، 25 مىڭ 600 ادامنىڭ (رەت) جۇمىستانۋىن شەشىپ، كولەمدى قايتا كەدەيلەسۋ تۋىلماۋىنىڭ تومەنگى شەگىن مىقتاپ ساقتاۋعا، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدى جەبەۋگە ماڭىزدى ۇلەس قوستى.

كەلەسى قادامدا شينجياڭ تۇيىندە كومەكتەسۋ ـ سۇيەمەلدەۋ مەن رايون ىشىندە ىستەستىك جاساپ كومەكتەسۋ ـ سۇيەمەلدەۋ قىزمەتىن ٴۇرتىس تەرەڭدەتىپ، نازاردى كومەكتەسۋ ـ سۇيەمەلدەۋ تۇيىنىنە شوعىرلاندىرىپ، تۇيىندە كومەكتەسىپ سۇيەمەلدەنەتىن اۋدانداردىڭ، كومەكتەسىپ سۇيەمەلدەنەتىن قىستاقتاردىڭ كاسىپ سالاسى، جۇمىستاندىرۋ، اۋىل ـ قىستاق قۇرىلىسى، اۋىل ـ قىستاقتى باسقارۋ سياقتى ٴتۇيىندى قىزمەتتەردى ويداعىداي يگەرۋىنە كۇش سالا كومەكتەسەدى. ٴارقايسى ورىن ٴوز باسىمدىعىن ساۋلەلەندىرىپ، كومەكتەسۋ ـ سۇيەمەلدەۋدىڭ ناقتى ونىمدىلىگىن جوعارىلاتىپ، ىستەستىك جاساۋ مەحانيزمىن ساپالىلاندىرۋعا تاباندى بولىپ، ٴوزارا پايدا جەتكىزىپ، ٴوزارا تيىمدىلىك جاساۋعا، ىستەستىك جاساپ تەڭ يگىلىككە كەنەلۋگە باسا ٴمان بەرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋ سىندى وسى ٴىستى جوعارى ساپامەن ويداعىداي ورىندايدى.