شينحۋا اگەنتتىگىنىڭ 8 ـ ايدىڭ 22 ـ كۇنى بەيجيڭنەن بەرگەن حابارى. دىڭ شياۋپيڭ جولداس دۇنيەگە كەلگەندىگىنىڭ 120 جىلدىعىن ەسكە ٴتۇسىرۋ ٴۇشىن، پارتيا ورتالىق كوميتەتىنىڭ بەكىتۋىمەن جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «دىڭ شياۋپيڭ شىعارمالارى جيناعى (1925 ـ جىلدان 1949 ـ جىلعا دەيىن)» تاياۋدا حالىق باسپاسى جاعىنان باسپادان شىعارىلدى، سول كۇننەن باستاپ بۇكىل ەلدە تاراتىلدى.

بۇل ماقالالار جيناعى 3 توم، 20 ـ عاسىردىڭ 20 ـ جىلدارىنىڭ ورتاسىنان جاڭا جۇڭگو قۇرىلۋدىڭ الدىنا دەيىنگى مەزگىلدەگى دىڭ شياۋپيڭ جولداستىڭ 207 ماقالاسى ەنگىزىلگەن، جالپى 900 مىڭ ارىپتەن استام، دىڭ شياۋپيڭ جولداستىڭ سويلەگەن سوزدەرى، بايانداماسى، كەڭەسى، ماقالاسى، تەلەگرامماسى، حاتتارى، بۇيرىقتارى، ارناۋ سوزدەرى قاتارلىلار قامتىلعان. بۇل ماقالالار جيناعى «دىڭ شياۋپيڭ شىعارمالارىنان تاڭدامالىلاردىڭ» ماڭىزدى تولىقتاماسى، دىڭ شياۋپيڭ جولداستىڭ شۇعىلالى ناتيجەلەرىن جانە رۋحاني قاسيەتىن ىشكەرىلەي ٴتۇسىنىپ، قالىڭ پارتيالى كادرلاردىڭ پارتيا تاريحىن ۇيرەنۋىنە كومەكتەسۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ جونىنەن كەلەلى ٴمان الادى.