شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى. مەملەكەتتىك كەڭەس كەڭسەسى بىرنەشە كۇننىڭ الدىندا «جوعارى دەڭگەيدە ەسىك اشۋ ارقىلى قىزمەت وتەۋ ساۋداسىنىڭ جوعارى ساپالى دامۋىن ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتتى.

«پىكىردە» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتىنىڭ ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جان ـ جاقتى دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، دامۋ مەن حاۋىپسىزدىكتى ٴبىر تۇتاس جوسپارلاپ، قىزمەت وتەۋدى اشىق ۇستاۋ ارقىلى سيىسىمدى دامۋدى ىلگەرىلەتىپ، قىزمەت وتەۋ سەلبەستىگى ارقىلى ىقپالداسۋدى، توعىسۋدى جەبەپ، قىزمەت وتەۋدە جاڭالىق اشۋ ارقىلى دامۋدىڭ قوزعالىس قۋاتىن جەتىلدىرىپ، قىزمەت وتەۋدەن ورتاق يگىلىكتەنۋ ارقىلى كوركەم بولاشاق اشىپ، قىزمەت وتەۋ ساۋداسىنىڭ سيفرلانۋ، زەردەلىلەنۋ، جاسىلدانۋ اياق الىسىن جەدەل ىلگەرىلەتىپ، قىزمەت وتەۋ ساۋداسىنىڭ كولەمىن ارتتىرۋدى، قۇرىلىمىن ساپالىلاندىرۋدى، ونىمدىلىگىن جوعارىلاتۋدى، قۋاتىن كۇشەيتۋدى ىلگەرىلەتىپ، اناعۇرلىم جوعارى دەڭگەيدەگى اشىق ەكونوميكا جاڭا ٴتۇزىلىسىن قۇرۋعا، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتۋگە اناعۇرلىم زور ۇلەس قوسۋ تالاپ ەتىلدى.

«پىكىردە» 5 جاقتاعى 20 ٴتۇرلى ٴتۇيىندى مىندەت العا قويىلدى. ٴبىرىنشى، قىزمەت وتەۋ ساۋداسى ٴتۇزىمى تيبىندەگى ەسىك اشۋدى ىلگەرىلەتىپ، شەكارا اتتاعان قىزمەت وتەۋ ساۋداسىنىڭ ۇنامسىز تىزىمدىك ارقىلى باسقارۋ ٴتۇزىمىن ورناتىپ جانە كەمەلدەندىرىپ، سىرتقا ەسىك اشۋ تۇعىرىنىڭ جەتەكشىلىك رولىن ساۋلەلەندىرىپ، ەرەجەنى ۇشتاستىرۋ مەن ەرەجە ـ تۇزىمدەردى سايكەستىرۋدى كۇشەيتىپ، قىزمەت وتەۋ ساۋداسىنىڭ ولشەمدەنۋ دەڭگەيىن جوعارىلاتۋ كەرەك. ەكىنشى، بايلىق فاكتورلارىنىڭ شەكارا اتتاپ اۋىسۋىن جەبەپ، كاسىپتىك دارىندىلاردىڭ شەكارا اتتاپ بارىس ـ كەلىس جاساۋىنا قولايلىلىق جاراتىپ، شەكارا اتتاعان قارجى اينالىمىن باسقارۋدى ساپالىلاندىرىپ، تەحنيكالىق جەتىستىكتەردىڭ ايىرباستالۋى مەن پايدالانىلۋىن جەبەپ، ساندى مالىمەتتىڭ شەكارا اتتاعان جوعارى ٴونىمدى، قولايلى، حاۋىپسىز اينالىمىن ىلگەرىلەتۋ كەرەك. ٴۇشىنشى، ٴتۇيىندى سالالاردا جاڭالىق اشا دامۋدى ىلگەرىلەتىپ، حالىقارالىق تاسىمالعا قىزمەت وتەۋ قابىلەتىن كۇشەيتىپ، ساياحاتقا قىزمەت وتەۋدىڭ حالىقارالىق باسەكەلىك قۋاتىن جوعارىلاتىپ، فينانس، كەڭەس سۇراۋ، جوبالاۋ، كۋالاندىرۋ، بەكىتۋ سياقتى كاسىپتىك قىزمەت وتەۋدىڭ حالىقارالانا دامۋىن قولداپ، ٴداستۇرلى باسىمدىققا يە قىزمەت وتەۋ ەكسپورتىن جىگەرلەندىرىپ، قىزمەت وتەۋ ساۋداسى مەن تاۋار ساۋداسىنىڭ توعىسا دامۋىن جەبەپ، ساپالى قىزمەت وتەۋ يمپورتىن كەڭەيتىپ، جاسىل، تومەن كومىر قىشقىل گازدى دامۋدى دەمەۋ كەرەك. ٴتورتىنشى، حالىقارالىق بازاردىڭ ورنالاسۋىن كەڭەيتىپ، قىزمەت وتەۋ ساۋداسىنىڭ حالىقارالىق سەلبەستىگىن تەرەڭدەتىپ، قىزمەت وتەۋ ساۋداسىن جەبەۋ جۇيەسىن ورناتۋ جانە اقاۋسىزداندىرۋ كەرەك. بەسىنشى، تىرەك جۇيەسىن كەمەلدەندىرىپ، قولداۋ ساياسات ـ شارالارىندا جاڭالىق اشىپ، قىزمەت وتەۋ ساۋداسىنىڭ ساناعىن باقىلاۋ ـ تەكسەرۋ دەڭگەيىن جوعارىلاتىپ، قىزمەت وتەۋ ساۋداسىنىڭ وڭىرلىك سەلبەستىگىن كۇشەيتۋ كەرەك.

«پىكىردە» مىنالار تالاپ ەتىلدى: وڭىرلەر، قاتىستى تاراۋلار قىزمەت وتەۋ ساۋداسىن زور كۇشپەن دامىتۋدىڭ ماڭىزدى ٴمانىن تولىق تانىپ، ەسىك اشۋدى كەڭەيتۋ مەن جاڭالىق اشۋعا دەم بەرۋگە سۇيەنىپ، قىزمەت وتەۋ ساۋداسىن دامىتۋدىڭ جاڭا قوزعالىس قۋاتىن جانداندىرىپ، دايەكتىلەندىرۋدى، تياناقتاندىرۋدى ويداعىداي يگەرىپ، ەسىك اشۋدى كەڭەيتەتىن، جاڭالىق اشۋعا ىنتالاندىراتىن، ٴادىل باسەكەلەسەتىن، ارناعا تۇسكەن، ٴتارتىپتى قىزمەت وتەۋ ساۋداسى دامۋ ورتاسىن بەلسەنە قالىپتاستىرۋ كەرەك.