— جاڭا جۇڭگو قۇرىلعان 75 جىلدان بەرگى مادەنيەتتىڭ دامۋ تابىستارى جونىندە جالپى شولۋ

شينحۋا اگەنتتىگىنىڭ تىلشىلەرى جوۋ ۋي، ۋاڭ پىڭ، شۇي جۋاڭ

مادەنيەت _ ٴبىر ەلدىڭ، ٴبىر ۇلتتىڭ جانى. مادەنيەت كوركەيسە ەل كوركەيەدى، مادەنيەت كۇشەيسە ۇلت كۇشەيەدى.

5000 جىلدان اساتىن وركەنيەت دامۋى بارىسىندا جەتىلگەن جۇڭحۋانىڭ تاڭداۋلى ٴداستۇرلى مادەنيەتى، پارتيا مەن حالىقتىڭ ۇلى كۇرەسى بارىسىندا جەتىلگەن توڭكەرىستىك مادەنيەت پەن سوتسياليستىك وزىق مادەنيەت جۇڭحۋا ۇلتىنىڭ ەڭ تەرەڭ رۋحاني تالپىنىسىن قوردالاپ، جۇڭحۋا ۇلتىنىڭ ەرەكشە رۋحاني بەلگىسىنە ۋاكىلدىك ەتىپ، سان ميليلونداعان حالىقتى جاڭا جۇڭگونى دامىتۋ جولىندا قاجىماي ـ تالماي كۇرەس جاساۋعا جۇمىلدىرىپ كەلدى.

جاڭا جۇڭگو قۇرىلعان 75 جىلدان بەرى سوتسياليستىك مادەنيەتتىڭ دامۋ جولى بارعان سايىن كەڭەيىپ، ۇلتتى گۇلدەندىرۋگە اناعۇرلىم نەگىزگى، اناعۇرلىم تەرەڭ، اناعۇرلىم باياندى كۇش توپتادى.

حالىقتى بارىنەن جوعارى قويدى

2024 ـ جىلى 2 ـ ايدا بەيجيڭ حالىق كوركەمونەر تەاترىنىڭ كلاسسيك تەاترى «شايحانا» ساحناعا تاعى كوتەرىلدى. 1958 ـ جىلى تۇڭعىش قويىلعاننان بەرى بەيجيڭ حالىق كوركەمونەر تەاترىنىڭ وسى ”تاڭداۋلى تەاترى“ ۋاقىت وتكەن سايىن جاڭارىپ، بەلەتى تابىلمايتىن دارەجەدە قارسى الۋعا بولەنىپ كەلدى.

«شايحانا» كونە زامانداعى قارا تۇنەك پەن قاسىرەتتى تەرەڭ بەينەلەپ عانا قويماي، سول كەزدەگى بۇقارانىڭ جاڭا دۇنيەنى اڭساعان كوكەي تەستى ارمانىن استارلاپ ايگىلەگەن، ونان دا ماڭىزدىسى، بەيجيڭنىڭ قىزىقتى، ٴازىلقوي جەرگىلىكتى تىلىمەن تۇرلىشە داۋىردەگى ەل جايى مەن جەر جايىن جانە كوشە تۇرمىسىن كورسەتتى.

حالىقتى قاينار ەتۋ، حالىق ٴۇشىن بولۋ، حالىققا ٴتان بولۋ _ سوتسياليستىك ادەبيەت ـ كوركەمونەردىڭ ٴتۇبىرلى تۇرعىسى، سونداي ـ اق سوتسياليستىك ادەبيەت ـ كوركەمونەردىڭ گۇلدەنىپ ـ كوركەيۋىنىڭ، دامۋىنىڭ قوزعاۋشى كۇش تياناعى.

جاڭا جۇڭگو قۇرىلعان باستاپقى مەزگىلدە بىرىنشىندەن كەدەي ەكىنشىدەن اق بولۋدان جاپپاي گۇلدەنىپ ـ كوركەيگەن، قارىشتاپ دامىعان جاڭا داۋىرگە قادام تاستاۋ بارىسىندا، ادەبيەت ـ كوركەمونەردىڭ حالىق ٴۇشىن قىزمەت ەتۋى جاڭا جۇڭگونىڭ ادەبيەت ـ كوركەمونەر تاريحىمەن ساباقتاسقان رۋحاني تامىر بولدى.

وتكەن عاسىردىڭ 50 ـ، 60 ـ جىلدارىندا ادامدار «شارۋاشىلىق قۇرۋ تاريحىن» وقىپ، «داڭعىل جولدا ٴجۇرىپ كەلەمىزدى» شىرقاپ اسقاق رۋحپەن قۇرىلىس اۋقىمىنا ات سالىستى؛ وتكەن عاسىردىڭ 80 ـ، 90 ـ جىلدارى كوپشىلىك «ۇمىتكە تولى ەگىنجايدانى» تىڭداپ، «جايما ـ شۋاق دۇنيەنى» وقىپ، «ارماندى» كورىپ، كوكىرەك كەرنەگەن ىستىق ىنتامەن ٴداۋىر كوشىنە قوسىلدى؛ جاڭا داۋىرگە وتكەندە ادامدار «ۇلى داريا، الىپ وزەن» تەلە فيلمى، «سەرگەلدەڭ جەر شارى» كينو فيلمى بارىسىندا ٴىرى ەلدىڭ كەلبەتى مەن جاسامپازدىعىن سەزىندى.

75 جىلدان بەرى پارتيامىز حالىقتى وزەك ەتۋگە تاباندى بولىپ، حالىقتىڭ كوپ ساتىلى، الۋان ٴتۇرلى، كوپ جاقتى رۋحاني مادەنيەت قاجەتىن ۇزدىكسىز قاناعاتتاندىرىپ، بۇقارانىڭ مادەنيەت تۇرمىسىن كۇن سايىن بايىتىپ، مادەنيەت جۇمساق كۇشىن زور مولشەردە جوعارىلاتتى.

ادەبيەت ـ كوركەمونەر جاسامپازدىعى سارا تۋىندىلارى توپ ـ توبىمەن شىقتى _

«قىزىل ايەلدەر قوسىنى»، «بايىرعى قالاداعى كوكتەمگى كۇرەس»، «تيانيۇنشان اڭىزى»، «لۋشانعا ماحابباتتان» «سارى توپىراق»، «چيۋجۇيدىڭ سوتتاسۋى»، «A جاق، B جاق»، «چاڭجينحۋ كولىنە» دەيىن؛ «شۇيماۋ جانە ونىڭ قىزدارى»، «ۇيىمداستىرۋ بولىمىنە ٴبىر جاس كەلدى»، «بايلۋيۋاننان» «گۇلداۋرەن»، «ٴومىر كەشۋلەر»، «قارلى تاۋ، كەڭ ولكەگە» دەيىن... ادەبيەت ـ كوركەمونەر تۋىندىلارىن جاراتۋشىلار تۇرمىسقا ىشكەرىلەي بويلاۋعا، حالىققا تەرەڭ تامىر تارتۋعا تاباندى بولىپ، ٴبىر قىدىرۋ سارا تۋىندىلارى، سۇبەلى شىعارمالارى ارقىلى ٴداۋىردىڭ نەگىزگى تاقىرىبىنا جانە حالىقتىڭ ۇنىنە جاۋاپ قايتاردى.

مادەنيەتكە قىزمەت وتەۋ قۇرىلعىلارى ۇزدىكسىز كەمەلدەندى _

جاڭا جۇڭگو قۇرىلعان باستاپقى مەزگىلدە الەۋمەتتىك مادەنيەت قىزمەت وتەۋ قۇرىلعىلارى ەرەكشە تاپشى بولاتىن، 1949 ـ جىلى بۇكىل ەل بويىنشا 55 الەۋمەتتىك كىتاپحانا، 21 مۇراجاي عانا بار ەدى. 2023 ـ جىلدىڭ سوڭىندا بۇكىل ەل بويىنشا جالپى 3246 الەۋمەتتىك كىتاپحانا، 6833 مۇراجاي بار بولدى. ەلىمىزدىڭ الەۋمەتتىك مادەنيەت قۇرىلعىلارى قۇرىلىسى باياندى ىلگەرىلەۋشىلىككە قول جەتكىزىپ، بۇقارالىق مادەنيەت تۇرمىسىن بايىتۋعا پارمەندى تىرەك ازىرلەدى.

مادەنيەت كاسىپ سالاسى گۇلدەنىپ ـ كوركەيدى، دامىدى _

2003 ـ جىلدان باستاپ مادەنيەت ٴتۇزىلىسى رەفورماسىن تۇيىندە سىناق ەتۋدەن جاپپاي ورىستەتۋگە دەيىن مادەنيەت كاسىپ سالاسى جىلدام دامىپ، جاڭا كاسىپ كۇيى شاپشاڭ كوركەيدى. 2023 ـ جىلى بۇكىل ەلدەگى كولەمنەن جوعارى مادەنيەت جانە قاتىستى كاسىپ سالاسى كاسىپورىندارىنىڭ تيجارات كىرىسى 12 تريلليون 951 ميلليارد 500 ميلليون يۋان بولىپ، مادەنيەت قىزمەت وتەۋ كاسىبىنىڭ تىرەكتىك رولى كۇشەيىپ، مادەنيەت جاڭا كاسىپ كۇيى كاسىپتەرىنىڭ جەتەكتەۋ اسەرى كورنەكتى بولدى.

حالىق بۇقاراسىنىڭ رۋحاني مادەنيەت تۇرمىسىنداعى جاڭا تىلەگىن قاناعاتتاندىرۋ كوزدەلدى، جوعارى ساپالى مادەنيەتپەن قامداۋ حالىق بۇقاراسىنىڭ مادەنيەت جاعىنداعى تابىس سەزىمىن، باقىت سەزىمىن ۇزدىكسىز كۇشەيتتى.

تۋراشىلدىقتان اينىماي جاڭالىق اشتى

1979 ـ جىلى كولەمدى ۇلتتار ٴبي تەاترى «قۇلپىرعان جىبەك جولى» جۇڭگونىڭ باتىس سولتۇستىگىندە جارىق كوردى. قۇراستىرۋشىلار دۇنحۋاڭ موگاۋ ۇڭگىرىندەگى قابىرعا سۋرەتتەن جانە ٴتۇستى اشەكەيدەن شابىت شاقىرىپ، مىڭ جىلدىڭ الدىنداعى مادەنيەت اسىلىن ادامنىڭ جۇرەك قىلىن شەرتەتىن ساحنالىق تۋىندى ەتىپ دايىندادى.

بيىل 5 ـ ايدا «قۇلپىرعان جىبەك جولى» تۇڭعىش قويىلىمىنىڭ 45 جىلدىعىن قارسى الدى. وسى جىلدارى «قۇلپىرعان جىبەك جولى» ۇنەمى قويىلىپ، ۇنەمى جاڭالانىپ، جىبەك جولى كەلبەتى مەن دۇنحۋاڭ مادەنيەتىن 40تان استام ەلگە جانە وڭىرگە تاراتىپ، دۇنيە جۇزىنە ۇشان تەڭىز جۇڭحۋا وركەنيەتىن كورسەتتى.

مەملەكەتتىڭ رۋحى مادەنيەت ارقىلى جەتىلىپ، مادەنيەت ارقىلى سومدالادى. 75 جىلدان بەرى ەلىمىز جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ، دامىتۋ جۇيەسىن كۇش سالا قۇرىپ، مادەني ەسكەرتكىشتەردى قورعاۋ، پايدالانۋ جانە مادەنيەت مۇرالارىن قورعاۋ، جالعاستىرۋ قىزمەتىن بەلسەنە ىلگەرىلەتىپ، جۇڭحۋا مادەنيەتىنىڭ سىرتقا شىعۋىن سەنىمدى، اشىق بەينەمەن اناعۇرلىم ويداعىداي ىلگەرىلەتتى، جۇڭحۋا مادەنيەتى شىت جاڭا جاڭا ٴداۋىر كەلبەتىن ايگىلەدى.

ۇرپاقتان ـ ۇرپاققا جالعاستىرىپ، جۇڭحۋا ۇلتىنىڭ مادەنيەت تامىرلاستىعىن ويداعىداي قورعادى _

تاياۋدا ”بەيجيڭ ورتا ٴوس سىزىعى _ جۇڭگو ارمانداعىداي استانا ٴتارتىبىنىڭ تاماشا تۋىندىسىن“ دۇنيە جۇزىلىك مادەنيەت مۇراسىنا ٴوتىنىش ەتۋ ٴساتتى بولىپ، ەلىمىزدىڭ 59 ـ تۇردەگى دۇنيە جۇزىلىك مادەنيەت مۇراسىنا اينالدى.

جاڭا جۇڭگو قۇرىلعاننان بەرى ەلىمىزدىڭ مادەنيەت مۇرالارىن قورعاۋ سالاسى ۇزدىكسىز كەڭەيىپ، قورعاۋ جۇيەسى بارعان سايىن كەمەلدەنىپ، قورعاۋ ونىمدىلىگى كۇن سايىن كورنەكتىلەنىپ، قورعاۋ تانىمى ۇزدىكسىز كۇشەيدى. كەزەكتە ەلىمىزدە 5058 مەملەكەتتىك ٴتۇيىندى مادەني ەسكەرتكىشتەردى قورعاۋ ورنى بار بولىپ، 1961 ـ جىلى جاريالاعان 1 ـ توپتاعى 180 مەملەكەتتىك ٴتۇيىندى مادەني ەسكەرتكىشتەردى قورعاۋ ورنىمەن سالىستىرعاندا 20 ەسەدەن استام ارتتى؛ مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك سيپاتتى نىسانى 1557، 43 نىسان بىرلەسكەن مەملەكەتتەر ۇيىمىنىڭ وقۋ ـ اعارتۋ، عىلىم، مادەنيەت ۇيىمى بەيزاتتىق مادەنيەت مۇرالار تىزىمدىگىنە، تىزىمىنە كىرگىزىلىپ، دۇنيە جۇزىندە ٴبىرىنشى ورىندا تۇردى.

كونەنى جاڭعىرتىپ جاڭا داۋىردەگى مادەنيەت بورىشىن ارقالادى _

شەبەر ويعا تولى ارحەولوگيالىق سىر اشۋ ويىنى، مادەنيەت جاسامپازدىعىنا تولى ٴدامدى بالمۇزداق... قازىرگى تاڭداعى جۇڭگودا ”مادەنيەت ـ مۇراجاي ورلەۋى” كوتەرىلىپ، ”مادەنيەت جاسامپازدىق اۋقىمى“ كۇشەيدى.

ەسكىلىكتى جويىپ، جاڭالىققا كوشىپ داۋىرمەن بىرگە العا ىلگەرىلەۋ _ جۇڭحۋا وركەنيەتىنىڭ ماڭگىلىك رۋحاني قاسيەتى.

1972 ـ جىلى حۋنان چاڭشاداعى جۇرت نازارىن اۋدارعان ماۋاڭدۇي حان پاتشالىعى قابىرىنىڭ بايقالۋى جانە قازىلۋىنان «مەملەكەت اسىلى»، «ارعى زامان كىتابىنداعى جۇڭگو»، «مەملەكەت اسىلدارى سويلەر بولسا» سياقتى مادەنيەت ـ مۇراجاي نومىرلەرىنىڭ جاسامپازدىقپەن ەلگە تانىلۋىنا دەيىن؛ مەملەكەتتىك مادەني ەسكەرتكىشتەردى قورعاۋدان، پايدالانۋدان ۇلگى كورسەتۋ اۋماعىن قۇرۋدان جەر ـ جەردىڭ بەيزاتتىق مادەنيەت شەبەرحانالارىنان 6700دەن استامىن سالۋىنا قولداۋ كورسەتۋگە دەيىن... جۇڭحۋانىڭ تاڭداۋلى ٴداستۇرلى مادەنيەتى جاڭالىق اشۋ، جاسامپازدىق جاراتۋ سەبەپتى تەبىندەگەن ومىرشەڭدىك قۋاتىن، جاسامپازدىق قۋاتىن، ىقپال قۋاتىن ايگىلەدى.

جەلكەن جايا تەڭىزگە شىعىپ، ادامزات وركەنيەتىنە تىڭ دا اناعۇرلىم زور ۇلەس قوستى _

2023 ـ جىلى 5 ـ ايدا جۇڭگو مەن ورتا ازياداعى 5 ەلدىڭ باسشىلارى ”چاڭ ـ اندا تاعى قول الىستى“. ورتا ازيا ەلدەرىنىڭ مەملەكەت باسشىلارىنا ۇسىنعان تارتۋ ـ تارالعىلار ىشىندە ٴبىر ”حىزۇن“ بار ەدى. باتىس جوۋ داۋىرىندەگى حىزۇنعا ويىپ جازىلعان ”جايزى جۇڭگودان“ دۇنيە ٴجۇزى ”قالايشا جۇڭگو بولاتىنىن“ ٴتىپتى دە ٴتۇسىندى.

جاڭا جۇڭگو قۇرىلعان العاشقى مەزگىلدە ەلىمىز نەگىزىنەن سوتسياليستىك ەلدەرمەن جانە ازيا، افريكا، لاتىن امەريكاسىنداعى دوس ەلدەرمەن مادەنيەت اۋىس ـ كۇيىسىن جاسادى؛ رەفورما جاساپ، ەسىك اشقاننان كەيىن، ەلىمىزدىڭ سىرتقا باعىتتالعان مادەنيەت اۋىس ـ كۇيىسى ۇزدىكسىز كەڭەيدى جانە تەرەڭدەدى؛ اسىرەسە، پارتيا 18 ـ قۇرىلتايىنان بەرى مادەنيەت اۋىس ـ ٴتۇيىسى، مادەنيەت ساۋداسى جانە مادەنيەتكە قارجى قوسۋ قاتار جۇرگىزىلگەن ”مادەنيەتتى سىرتقا شىعارۋ“ جۇڭحۋا مادەنيەتىنىڭ ىقپال كۇشىن كۇن سايىن كۇشەيتتى.

ساندى مالىمەتتە كورسەتىلۋىنشە، 2009 ـ جىلدان 2021 ـ جىلعا دەيىن ەلىمىزدىڭ مادەنيەت قىزمەت وتەۋىنىڭ يمپورت ـ ەكسپورت كولەمى 17 ميلليارد 700 ميلليون دوللاردان 124 ميلليارد 400 ميلليون دوللارعا ارتقان. «لاڭيا باڭ»، «كەلىنشەكتىڭ تاماشا ٴداۋىرى» قاتارلى كينو ـ تەلەۆيزيا تەاترى، توراپ ادەبيەتى شىعارمالارى شەتەلدەردەن قىرۋار ”جان كۇيەر“ جيناپ، شەتەلدەگى جۇڭگو ٴتىلىن ۇيرەنگەندەر 25 ميلليوننان اسىپ، جۇڭگو ٴتىلىن ۇيرەنگەندەر جانە قولدانعاندار جالپى 200 ميلليونعا تايادى... مادەنيەتتىڭ دانەكەر بولۋىمەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تەرەڭ، باياندى مادەنيەت كۇشى قوسىلدى.

سەنىم ورناتىپ، رۋح سومدادى

التىن كۇزدە، جۇڭگو كوممۋنيستىك پارتياسىنىڭ تاريح كورمە سارايى قىرۋار كورمە ارالاۋشىنى قارسى الدى. 2021 ـ جىلى 6 ـ ايدىڭ 18 ـ كۇنى اشىلعاننان بەرى نەشە ميلليون ادام (رەت) كورەرمەن قابىلدادى.

عاسىرلىق شۇعىلالى ەستەمەلەردى ارقالاپ، جاڭا ٴداۋىردىڭ ايبىندى كۇيىن ايگىلەگەن سارايداعى ناقتى زاتتاردا، كورمە تاقتالارىندا، سۋرەتتەردە جۇڭگو كوممۋنيستەرىنىڭ وزگەشە رۋحاني بەلگىسى ەستەلىككە الىنعان.

جيڭگاڭشان رۋحى، ۇزاق جورىق رۋحى، ”ەكى بومبى، ٴبىر سەرىك“ رۋحى، ەرەكشە رايون رۋحى، تاسقىنعا قارسى اتتانۋ رۋحى، جەر سىلكىنىسىنە قارسى اتتانىپ، اپاتتان قۇتقارۋ رۋحى، كەدەيلىكتەن ارىلتۋدان قامال الۋ رۋحى... پارتيا قۇرۋ ۇلى رۋحىنان باستاۋ العان جۇڭگو كوممۋنيستەرىنىڭ رۋحاني شەجىرەسى جۇڭحۋا ۇلتىنىڭ كوڭىل القابىن نارلەندىرۋدە.

75 جىل ەكپىندەي ىلگەرىلەدى، 75 جىلدا قاھارماندار توپ ـ توبىمەن شىقتى.

ٴومىرىنىڭ الدىڭعى ۇشتەن ەكىسىندە مىلتىق ۇستاپ حالىقتى قورعاعان، ٴومىرىنىڭ سوڭعى ۇشتەن بىرىندە كەتپەن ۇستاپ حالىقتى باقىتقا كەنەلتكەن، مەملەكەتتى قۇرۋعا قاتىناسقان گەنەرال گان زۋچاڭ، ”20 جىل از ٴومىر سۇرسەم دە، ٴىرى مۇناي الابىن اشۋعا جانىمدى سالامىن“ دەيتىن مۇناي جۇمىسشىسى ۋاڭ جينشي، ”ەڭ ارداقتى قاسيەت حالىقتى ٴسۇيۋ“ دەگەن شيزاڭعا كومەككە كەلگەن كادر كۇڭ فانسىن، قالتقىسىز مەيىر ـ ماحابباتىمەن جانە اقىل ـ پاراساتىمەن تالاي اۋىل ـ قىستاق قىز بالالارىنىڭ ومىرلىك ارمانىن نۇرلاندىرعان ”مەكتەپ باستىعى“ جاڭ گۇيمي... قۇربان بەرۋ، كۇرەس جاساۋ، جاسامپازدىق جاراتۋ، توڭكەرىس جىلدارىندا ”ادىلەت جولىندا باسىن ٴباي تىگۋ بۇگىننىڭ ٴىسى“ بولۋدان رەفورما جىلدارىندا ”كەدەيلىك سوتسياليزم ەمەس“ دەگەنگە، ونان جاڭا داۋىردەگى ”جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ٴسوزسىز، جۇزەگە اسىرۋعا بولادى“ دەگەنگە دەيىن جاڭا جۇڭگوداعى قاھارمان ۇلگىلەر ٴىس جۇزىندىك ارەكەتتەرى ارقىلى جۇڭحۋا ۇلتىنىڭ ٴمورالدىق قاسيەتىن ايگىلەدى جانە ساۋلەلەندىردى.

ادامدا رۋح بولماسا، ەڭسە كوتەرىپ تۇرا المايدى، مەملەكەتتە رۋح بولماسا، قۇدىرەتتەنە المايدى.

75 جىلدان بەرى پارتيامىز زاتتىق وركەنيەت پەن رۋحاني وركەنيەتتىڭ سايكەستى دامۋىنا باستان ـ اياق باسا ٴمان بەرىپ، ٴبىر جاعىنان، زاتتىق وركەنيەتتى، ەندى ٴبىر جاعىنان، رۋحاني وركەنيەتتى مىقتى يگەرۋگە تاباندى بولىپ، ەكونوميكانىڭ تەز دامۋىن ىلگەرىلەتۋمەن بىرگە، سوتسياليستىك وزىق مادەنيەتتىڭ گۇلدەنىپ ـ كوركەيۋىن جەبەپ، وتانشىلدىق، كوللەكتيۆشىلدىك، سوتسياليستىك تاربيەنى كۇشەيتىپ، مۇرات ورناتىپ، جىگەردى شىڭداپ، جىگەر ـ قايراتتى بەكەمدەدى.

ۇلى ٴىس تىندىرۋ ۇلى رۋحقا مۇقتاج. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ٴۇشىن، ٴسوز جوق، جۇڭگو رۋحىن اسقاقتاتىپ، جۇڭگو كۇش ـ قۋاتىن ۇيىستىرۋ كەرەك.

”باي دا قۇدىرەتتى، دەموكراتيالى، وركەنيەتتى، جاراسىمدى بولۋ، ەركىندىك، تەڭدىك، ادىلدىك، زاڭمەن باسقارۋ، وتاندى ٴسۇيۋ، كاسىپتى قادىرلەۋ، ادال، تاتۋ ـ ٴتاتتى بولۋ“ 24 ارىپتىك تالاپ سوتسياليستىك وزەكتى قۇن كوزقاراسىنىڭ نەگىزگى مازمۇنىن ايقىندادى، بۇل پارتيانىڭ ۇزاق ۋاقىت امالياتتا ايگىلەگەن وزەكتى قۇن كوزقاراسىن عىلمي قورىتىندىلاۋ بولىپ، جۇڭگو رۋحىنا تىڭ قۋات ۇستەدى.

حالىقتا سەنىم بولسا، مەملەكەتتە كۇش ـ قۋات، ۇلتتا ٴۇمىت بولادى.

پارتيانىڭ جاسامپاز نازارياسى ”جاي بۇقارا وتباسىنا جەدەل جەتكىزىلىپ“، جاڭا داۋىردەگى وركەنيەت امالياتى ورتالىقتارى جۇڭحۋانىڭ بايتاق دالاسىندا تياناقتانىپ گۇل اشىپ، مادەنيەت ارقىلى ادام تاربيەلەپ، سالت ـ ساناعا اينالۋىنا مۇمكىندىك جاسادى.

جۇڭحۋا مادەنيەتىنىڭ ماڭىزدى بەلگىسىن قالىپتاستىرىپ، ۇلى قورعان، ۇلى كانال، ۇزاق جورىق، حۋاڭحى وزەنى، چاڭجياڭ مەملەكەتتىك مادەنيەت باقشاسى قۇرىلىسىنىڭ مادەنيەت جۇلگەسىن تۇتاستىرىپ، سەنىمدى ايگىلەدى.

ينتەرنەت وركەنيەتى قۇرىلىسىن ىلگەرىلەتىپ، ينتەرنەتتەگى نەگىزگى قوعامدىق پىكىر شەبىن كەڭەيتىپ، ينتەرنەت كەڭىستىگى مادەنيەتىن جەتىلدىرۋدى كۇشەيتىپ، ينتەرنەت ەكولوگياسىن جونگە سالۋدى تەرەڭدەتىپ، ”زور اعىن“ ارقىلى تىڭ وڭ ەنەرگيا قاۋلاتتى.

...

ٴزاۋلىم عيماراتتار ەلىمىزدىڭ بايتاق دالاسىندا قاز ـ قاتار بوي سوزعاندا، جۇڭحۋا ۇلتىنىڭ رۋحاني عيماراتى دا ايبىندى تۇردە ەڭسە كوتەردى.

توسۋعا كەلمەيتىن ۇلى گۇلدەنۋ جولىمەن ۇدەرە العا تارتقان جاڭا داۋىردەگى جۇڭگو تاريحتىڭ سيا تولى قالامىمەن جۇڭحۋا مادەنيەتىنىڭ تىڭ داستانىن جازۋدا.

(شينحۋا اگەنتتىگىنىڭ 9 ـ ايدىڭ 17 ـ كۇنى بەيجيڭنەن بەرگەن حابارى)