شينحۋا اگەنتتىگىنىڭ 11 ـ ايدىڭ 25 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «استىق ۇنەمدەۋ جانە ازىق ـ تۇلىك ىسىراپشىلدىعىنا قارسى تۇرۋ ارەكەت جوباسىن» باسىپ تاراتتى ٴارى حابارلاندىرۋ تاراتىپ جەر ـ جەردەن، تاراۋلاردان ٴىس جۇزىندىك جاعدايمەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

جوبادا ايقىندالعان باس نىسانا مىنالار: ٴونىمدى ارتتىرۋدا، ٴسوز جوق، ۇنەمدەۋدىڭ، تەجەۋدىڭ ٴوزى ٴونىمدى ارتتىرۋ دەگەن تانىمدى بەرىك ورناتىپ، ۇزاق ۋاقىت ەڭبەك كورسەتۋگە، قاجىماي ـ تالماي ۇدايىلاندىرا يگەرۋگە، قاداعالاۋعا تاباندى بولىپ، نازاردى ٴتۇيىندى سالالار مەن شەشۋشى بۋىندارعا شوعىرلاندىرىپ، استىق پەن ازىق ـ تۇلىكتىڭ زايا بولۋىن، ىسىراپ بولۋىن شىن مانىندە ازايتۋ. 2027 ـ جىلدىڭ سوڭىنا جەتكەندە، استىق پەن ازىق ـ تۇلىكتى ۇنەمدەۋدىڭ باياندى مەحانيزمى اناعۇرلىم اقاۋسىزدانىپ، استىق شىعىنى مەن ازىق ـ تۇلىك ىسىراپشىلدىعىن ساناققا الۋ، تەكسەرۋ ٴتۇزىمى، ولشەم جۇيەسى جانە كورسەتكىش جۇيەسى ۇزدىكسىز كەمەلدەنىپ، استىق ٴوندىرۋ، ساقتاۋ، تاسىمالداۋ، وڭدەۋ شىعىن مولشەرى حالىقارالىق ورتاشا دەڭگەيدەن تومەنگى دەڭگەيدە تىزگىندەلىپ، اس ـ سۋ كاسىبى، ورگان اسحاناسى، مەكتەپ اسحاناسى، كاسىپورىن اسحاناسى سياقتىلاردا ٴار ۋاققى استاعى ادام باسىندىق ورتاشا ازىق ـ تۇلىك ىسىراپشىلدىعى كورنەكتى ازايىپ، اس ـ سۋ ىسىراپشىلدىعى ٴونىمدى تەجەلەدى. ٴۇرتىس قۇلشىنۋ جانە جالپى حالىقتىڭ ات سالىسۋى ارقىلى استىق ۇنەمدەۋدىڭ، ىسىراپشىلدىققا قارسى تۇرۋدىڭ تۇتاس قوعامدا سالتقا اينالۋى ىلگەرىلەتىلەدى.

جوبادا مىنا جاقتاردا ورنالاستىرۋ جاسالدى: ٴبىرىنشى، استىق ۇنەمدەۋ، شىعىندى ازايتۋ ارەكەتى، مۇندا استىقتى ماشينامەن جيناۋداعى شىعىندى ازايتۋدى كۇشەيتىپ، استىق ساقتاۋداعى شىعىندى، زياندى ازايتۋ، استىق تاسىمالىنداعى شىعىندى ازايتۋدى كۇشەيتۋ، استىق وڭدەۋدەگى شىعىندى ازايتۋ تالاپ ەتىلدى. ەكىنشى، جالپى حالىقتىڭ استىق ۇنەمدەۋ تانىمىن جوعارىلاتۋ ارەكەتى، مۇندا وتباسىلاردىڭ جانە جەكەلەردىڭ ازىق ـ تۇلىك ىسىراپشىلدىعىن ازايتىپ، جەتەكتەۋدى، ارناعا ٴتۇسىرۋدى كۇشەيتۋ، جاستار مەن ورەندەرگە تاربيەنى جانە ۇقىپتى دا ۇنەمشىل وتباسى سالتى قۇرىلىسىن كۇشەيتۋ تالاپ ەتىلدى. ٴۇشىنشى، اس ـ سۋ كاسىبىنىڭ ىسىراپشىلدىققا قارسى تۇرۋ ارەكەتى، مۇندا ”اس اسىرماۋ ارەكەتىن“ تەرەڭدەتۋ، زاڭعا قايشى ارەكەتتەردى جازالاۋدى كۇشەيتۋ، كاسىپ تەجەمىن جەبەۋ تالاپ ەتىلدى. ٴتورتىنشى، مەكەمە ـ ورىندار اسحانالارىنىڭ ىسىراپشىلدىققا قارسى تۇرۋ ارەكەتى، مۇندا ورگان اسحانالارىنان ىسىراپشىلدىققا قارسى تۇرۋ، مەكتەپ اسحانالارىنان ىسىراپشىلىققا قارسى تۇرۋ، كاسىپورىن اسحانالارىنان ىسىراپشىلدىققا قارسى تۇرۋ تالاپ ەتىلدى. بەسىنشى، شىعىندى، ىسىراپ بولۋدى ساناققا الۋدى، تەكسەرۋدى كۇشەيتۋ، مۇندا، ساناققا الۋ، تەكسەرۋ ٴتۇزىمىن ورناتۋ، كەمەلدەندىرۋ، سالالار بويىنشا ارناۋلى ساناققا الۋ، تەكسەرۋ ورىستەتۋ تالاپ ەتىلدى. التىنشى، قامتاماسىزداندىرۋ شارالارى، مۇندا ۇيىمداستىرىپ اتقارۋدى كۇشەيتۋ، ۇگىت سەرپىنىن ارتتىرۋ، حالىقارالىق سەلبەستىكتى كۇشەيتۋ تالاپ ەتىلدى.