شينجياڭ ىلە قازاق اۆتونوميالى وبلىسى قۇلجا اۋدانىنداعى تيانشان گۇلدى القابى مەملەكەتتىك اۋىل شارۋاشىلىعى كاسىپ سالاسى باقشاسىنداعى گۇل اتىزىندا ساياحاتشىلار سۋرەتكە تۇسۋدە.

شينحۋا اگەنتتىگىنىڭ ٴتىلشىسى ديڭ لەي فوتوسى

جاز كىرگەننەن بەرى شينجياڭنىڭ جەر ـ جەرىندە گۇل تاماشالاۋ ساياحاتى، ۇلتتىق سالت ـ سانا ساياحاتى، قۇمدى ٴشول ساياحاتى، زەرتتەۋ ـ ۇيرەنۋ ساياحاتى، دالادا تۇنەۋ ساياحاتى سياقتى ساياحات تۇرلەرى ىركەس ـ تىركەس جارىققا شىقتى ٴارى ”ساياحاتشىلاردى شينجياڭعا باۋراۋ“ ٴتيىمدى ساياساتى،  مادەنيەت ـ ساياحات تۇتىنۋ بەلەتىن تاراتۋ سياقتىلاردىڭ العا قويىلۋى، مادەنيەت ـ ساياحات بازارىنىڭ تۇتىنۋ كومەسكى كۇشىن قاۋلاتتى. ناراتتاعى”اقوزەن جايلاۋىنان“ بايىرعى قالا قاشقارعا دەيىن، ”اتلانت مۇحيتىنىڭ ەڭ سوڭعى ٴبىر تامشى كوز جاسى“  سايرام كولىنەن تاكلاماكاندى اينالۋ اۆتوموبيل جارىسىنا دەيىن، تيانشاننىڭ تۇستىگى مەن تەرىستىگىندەگى ەرەكشە تابيعات كورىنىسى جانە باي مازمۇندى، الۋان ٴتۇرلى گۋمانيتارلىق سالت - سانا دۇنيە ٴجۇزىنىڭ جەر - جەرىنەن كەلگەن ساياحاتشىلارعا كورسەتىلدى.

2023 - جىلى شينجياڭ ساياحاتىندا جەدەل ارتۋ بەتالىسى جارىققا شىقتى. ٴۇشىنشى جاقتىڭ ساياحات ساناق ۇلكەن ساندى مالىمەت تۇعىرى جانە ۇلگى الىپ تەكسەرۋ جالپىلىق مەجەسىنە قاراعاندا: 2023 - جىلى 1 - ايدان 4 - ايعا دەيىن بۇكىل شينجياڭ بويىنشا 51 ميلليون 193 مىڭ 900 ادام - رەت ساياحاتشى قابىلدانىپ، سايكەس مەزگىلدەگىدەن %29.56 ارتقان؛ ساياحات كىرىسى 42 ميلليارد 640 ميلليون يۋان بولىپ، سايكەس مەزگىلدەگىدەن %60.59 ارتقان.