6 - ايدىڭ 23 - كۇنى ساياحاتشىلار قاشقار بايىرعى قالاسى كورىنىس ءوڭىرىنىڭ شىعىس قاقپاسىندا قالا قاقپاسىن اشۋ سالتىن تاماشالادى. دۋان - ۋ دەمالىسىندا قاشقار بايىرعى قالاسىندا ساياحاتشىلار لەگى كۇرت ارتىپ، ساياحاتشىلار شار تاراپتان تولاسسىز كەلىپ، بايىرعى قالانىڭ كوشەسىندە قايشالىسىپ، وزگەشە ۇلتتىق سالت - سانانى سەزىندى.

□ سۋرەتتى دۋ جۋان تۇسىرگەن

□ انار بۇلت \ شينجياڭ گازەتىنىڭ ءتىلشىسى لي لي

ءتۇرلى ءتۇستى جىبەك جىپپەن الۋان ءپىشىندى قياق كۇرىش ءتۇيدى، كوك جۋسان مەن قامىس ءۇزىپ قاربالاستىققا ءتۇستى. جۋسان وردى، قياق كۇرىش ءتۇيدى، حوش ءيىستى دوربا جاسادى، تەاتردان ءلاززاتتاندى، ءيىستى القا جاسادى، ارعى زامان ولەڭ - جىرلارىن وقىدى، كەمەمەن كەشكى سەرۋەنگە شىقتى... دۋان - ۋ مەرەكەسى دەمالىسىندا رايونىمىزدىڭ جەر - جەرى مول مازمۇندى، الۋان ءتۇرلى مادەني قيمىل ورىستەتىپ، ءار ۇلت بۇقاراسى مەرەيلى دۋان - ۋ مەرەكەسىن بىرگە وتكىزدى.

اسەمونەر سارايىندا دۋان - ۋ مەرەكەسى قالاي وتكىزىلدى؟ 6 - ايدىڭ 22 - كۇنى تۇستەن بۇرىن ”كوركەمونەرمەن ارلەنگەن مەرەكە. دۋان - ۋ تاراۋى“ اتتى قيمىل شينجياڭ اسەمونەر سارايىندا وتكىزىلدى. ”ءتۇستى جىپتەر ەپپەنەن ورالدى اق بىلەككە، اسەم تۇيىنشەك شاشقا ءىلىندى جەتكىزسىن دەپ تىلەككە“. سۇڭ داۋىرىندەگى ادەبيەتشى سۋ شىنىڭ «حۋانشيشا . دۋان - ۋ» دەگەن ولەڭى قيمىلدىڭ نەگىزگى تاقىرىبىنا ەنگىزىلىپ، ساباق وتكەن وقىتۋشى قاتىناسۋشىلاردان دۋان - ۋ مەرەكەسىنىڭ پايدا بولۋى جانە ءداستۇرلى ادەت - عۇرىپ جونىندە سۇراۋ قويدى. الۋان ءتۇستى ءجىپ ەسىپ، حوش ءيىستى دوربا جاساۋدان سىرت، وقىتۋشىلار تاعى كوپشىلىكتىڭ ماڭدايىنا رەالگارلى اراق جاعىپ، كوپشىلىككە دۋان - ۋ مەرەكەسىندە باقىت تىلەدى.

”ءاۋپ! ءاۋپ!“، اكە - شەشەسىمەن بىرگە جاساعان ايداعار قايىعىن قولىنا العان 3 جاستاعى ۋيسال قۇدىرەتجان ايداعار قايىق ايداۋشىلاردىڭ ايقايلاي كۇش جيناۋىنا ەلىكتەدى. ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ورتا ازيا سولتۇستىك جولى ءمالىسى عىلىم - تەحنيكا باقشاسى الەۋمەتتىك اۋماعى ”دۋان - ۋ مەرەكەسىن بىرگە تويلاپ، ءوزارا تىلەك تىلەۋ“ تاقىرىبىنداعى قولونەر قيمىلىن وتكىزدى، تۇرعىندار بالالارىن ەرتىپ، جەڭىل ساز بالشىق، قاتتى كارتون قاعاز، بوياۋ قارىنداش، قاتتى جەلىم سياقتى ماتەريالدارمەن بۇكتەمەلى جەلپۋىش، ايداعار قايىق سياقتىلاردى جاسادى. ”بالاممەن بىرگە ايداعار قايىق جاساپ قۋانىشقا بولەندىم، دۋان - ۋ مەرەكەسى جونىندەگى بىلەرىمىز دە كوبەيە ءتۇستى“، - دەدى ۋيسالدىڭ شەشەشى چىمانگۇل ازەز.

6 - ايدىڭ 22 - كۇنى تۇستەن بۇرىن التاي ايماقتىق مۇراجايدا ”دۋان - ۋدىڭ ءمان - ماعىناسىن ءتۇسىنىپ، وتباسى - وتان سۇيىسپەنشىلىگىن نىعايتۋ“ تاقىرىبىنداعى 2023 - جىلعى دۋان - ۋ مەرەكەسى جارمەڭكە قيمىلى وتكىزىلدى. ءداستۇرلى كيىم كيگەن بالاقايلار «دۋان - ۋ: ايداعار قايىق تولقىتقان كوڭىل تەڭىزى»، «چۇي يۋان: قۇلپىرعان شىعىس وركەنيەتى»، «دۋان - ۋ اسەرى»، «دۋان - ۋ بالالار جىرى» سياقتى ولەڭ - جىرلاردى وقىپ، شاينەككە جەبە تاستاۋ، سۋسىز جەردە ايداعار قايىق ايداۋ سياقتىلاردى سەزىندى.

”شەكەلەرىنە بوياۋ جاعىپ، قولدارىن شايىپ مايدانعا كىردى“، 6 - ايدىڭ 21 - كۇنى كورلا سالت - سانا، مادەنيەت مۇراجايى ”حانفۋ كيىمىن كيىپ، بايىرعى اۋەنگە ەلىتىپ، مۇراجايدا دۋان - ۋ مەرەكەسىن وتكىزۋ“ جەلىلەس قيمىلىن وتكىزدى. بەيزاتتىق مادەني مۇرالاردى ءتۇسىندىرۋشى ۋاڭ سۇڭ اتا - انالار مەن بالالارعا جۇڭگوداعى ”ءيىستى تۇتانعىش مادەنيەتىنىڭ“ دامۋىن ءتۇسىندىرىپ، ءيىستى تۇتانعىشتىڭ تاريحىن، ءيىستى تۇتانعىشتىڭ تۇرلەرىن، سونداي - اق بايىرعى قوسپا ءيىستى تۇتانعىشتى جاساۋعا جۇمسالاتىن ماتەريالداردىڭ سالىستىرماسى، ۇنتاق يلەۋگە جۇمسالاتىن ۋاقىت پەن كۇش سياقتى مازمۇنداردى تانىستىردى. وسىدان سوڭ، كوپشىلىك ۇستازدىڭ جەتەكشىلىگىندە وزدەرىنىڭ ءيىستى تۇتانعىش تۋىندىلارىن جاساپ شىقتى.

قارامايلى قالاسى دۋان - ۋ مەرەكەسىنىڭ قويۋ مادەنيەت مازمۇنىن اسقاقتاتىپ، قالا تۇرعىندارىن جۇڭحۋانىڭ تاڭداۋلى ءداستۇرلى مادەنيەتىنىڭ باۋرامدىلىعىن سەزىنۋگە جەتەلەپ، قالا تۇرعىندارىنىڭ رۋحاني، مادەني ءومىرىن بايىتۋ ءۇشىن، 6 - ايدىڭ 20 - كۇنىنەن 26 - كۇنىنە دەيىن ”تاماشا دراما كورۋ“، ”تەاتر تىڭداۋ“، ”ەلەكتروندى مۋزيكا ساۋىعى“، ”ءدامدى تاعامداردان اۋىز ءتيۋ“، ”قياق كۇرىش سۇيىسپەنشىلىگىنە تولعان دۋان - ۋ“ تاقىرىبىنداعى مادەنيەت ارقىلى حالىققا تيىمدىلىك جاساۋ قيمىلىن ۇيىمداستىرىپ ورىستەتىپ، قالا تۇرعىندارىنىڭ شىت جاڭا تۇرعىدان دۋان - ۋ مادەنيەتىنىڭ كوركەمدىگىن سەزىنۋىنە مۇمكىندىك جاسادى.

”دۋان - ۋ سۇيىسپەنشىلىگى، كلاسسيك شىعارمالاردى وقۋ“ تاقىرىبىنداعى زەرتتەي ۇيرەنۋ قيمىلى، ”دۋان - ۋدا ءدارى ءيىسى بۇرقىرادى، جۇڭگوشا ەمشىلىك سابيلەردىڭ كوڭىلىن نارلەندىردى“ تاقىرىبىنداعى دۋان - ۋ مەرەكەسىندەگى زەرتتەي ۇيرەنۋ قيمىلى، ”ءار جىلى دۋان - ۋ مەرەكەسىن وتكىزىپ، ايدان امان، جىلدان ەسەن بولايىق“ تاقىرىبىنداعى قولمەن ايداعار قايىق جاساۋ، 3 ولشەمدى ستەرەولدى قايىق جاساۋ قيمىلى، ”ءبىزدىڭ مەرەكەمىز · داۋن - ۋ مەرەكەسى“ − قياق جاپىراعىنىڭ ءيىسى اڭقيدى، وتانعا سۇيىسپەنشىلىك سارقىلمايدى“ تاقىرىبىنداعى شينجياڭ ولەڭ - جىرلارى ارناماسى... دۋان - ۋ مەرەكەسى دەمالىسىندا شينجياڭ كىتاپحاناسى كوپتەگەن نەگىزگى تاقىرىپتىق قيمىل ورىستەتتى.

شينجياڭ كىتاپحاناسىنىڭ باستىعى ۋاڭ شۋگۋاڭ بىلاي دەدى: ”دۋان - ۋ مەرەكەسىنە مول تاريحي مادەنيەت مازمۇنى سىڭىرىلگەن ءارى بۇل بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى جاعىنان ادامزاتتىڭ بەيزاتتىق مادەني مۇرالارى ۋاكىلدىك تۋىندىلارى تىزىمىنە ەلىمىزدەن ەنگىزىلگەن تۇڭعىش مەرەكە. باي مازمۇندى مادەنيەت قيمىلدار ارقىلى كوپشىلىكتىڭ جۇڭگونىڭ ءداستۇرلى مەرەكە مادەنيەتى جونىندەگى تانىمىن نىعايتىپ، كوپشىلىككە دۋان - ۋ مەرەكەسىنىڭ وزگەشە مادەنيەت باۋراعىشتىعىن ۇعىندىرۋدى ءۇمىت ەتەمىز“.