10 كۇندە وڭتۇستىك، سولتۇستىك شينجياڭدى تۇگەل ساياحاتتاپ بولۋعا بولاتىن بولدى

”ۇشاقپەن شينجياڭدى ساياحاتتاۋ“ ٴونىمى 7 ـ ايدىڭ باسىندا جەلىگە شىعارىلادى

سۋرەتتە: 6 - ايدىڭ 24 - كۇنى قۇلجا قالاسى قازانشى ۇلتتىق سالت - سانا ساياحات رايونىنداعى ساياحاتشىلار.   ۋاڭ ليلي فوتوسى

وڭتۇستىك، سولتۇستىك شينجياڭداعى ٴۇرىمجى قالاسىن، قاشقار قالاسىن، قۇلجا قالاسىن جانە تيانشان بوعدا كولى كورىنىس رايونىن، نارات كورىنىس رايونىن، قاناس كورىنىس رايونىن ٴبىر جولدا ساياحاتتاۋعا قانشا كۇن كەتەدى؟ ادەتتە اۆتوكولىكپەن ساياحاتتاۋعا 20 كۇندەي ۋاقىت كەتەدى، ال ”شينجياڭدى ۇشاقپەن ساياحاتتاۋ“ بويىنشا ساياحاتتاعاندا نە بارى 10 كۇن كەتەدى.

”’شيڭجياڭ ٴنومىرلى ارناۋلى ۇشاقپەن شينجياڭدى ساياحاتتاۋ‘ جەلىلەس ونىمدەرى 7 - ايدىڭ باسىندا جەلىگە شىعارىلادى، ٴۇرىمجىنى وزەك ەتىپ، قاشقار، قۇلجا، سونداي - اق قاناس سياقتى كورىنىس رايوندارى مەن شينجياڭداعى كوپتەگەن مەملەكەتتىك 5A دارەجەلى كورىنىس رايوندارىن ٴبىر - بىرىمەن تۇتاستىرىپ، ’تەز جەتىپ، اسىقپاي ساياحاتتاۋ‘ سىندى كەڭىستىك ساياحات تورىن قالىپتاستىرادى، سونداي - اق ساياحات تۇيىندەرى كوپ بولۋ سەبەبىنەن ساياحاتشىلاردىڭ سەزىنۋ دارەجەسىنىڭ تومەندەۋى، ۋاقىت ۇتۋ ٴۇشىن تەز ساياحاتتاۋ سەبەپتى ’شالا - شارپى ساياحاتتاۋ‘ جاعدايى تۋىلمايدى، جازعى دەمالىس كەزىندە تۇتىنۋ دارەجەسىٴبىرشاما جوعارى ساياحاتشىلار ٴۇشىن بۇل ەڭ جاقسى تالعام ەسەپتەلەدى“ دەدى 6 ـ ايدىڭ 26 ـ كۇنى شينجياڭ ٴوندىرىس ـ قۇرىلىس بيڭتۋانى جۇڭگو جاستار ساياحات مەكەمەسىنىڭ باس جوراسى سۇن ليڭجيان.

شينجياڭنىڭ جەرى كەڭ، كورىنىس رايوندارىنىڭ ارالىعى ٴبىرشاما شالعاي، ”جولدىڭ الىس، ساياحاتتىڭ قىسقا بولۋى“ ەجەلدەن شينجياڭ ساياحاتىنا تۇساۋ بولىپ كەلگەن قيىن ماسەلەلەردىڭ ٴبىرى ەدى. وسى رەت ۇسىنىلىپ وتىرعان ”ۇشاقپەن شينجياڭدى ساياحاتتاۋ“ ٴونىمى وڭتۇستىك، سولتۇستىك شينجياڭدى اينالىپ ۇشىپ، 10 كۇن ىشىندە تيانشان بوعدا كولى، قاشقار بايىرعى قالاسى، نارات، سايرام كولى، قاناس سىندى 5 ۇلكەن مەملەكەتتىك 5A دارەجەلى كورىنىس رايونى مەن شينجياڭ حالىقارالىق ۇلكەن بازارى، قاراكول سياقتىلاردى ارالاپ، اسىلىندە شينجياڭعا 2 رەت كەلگەندە عانا جاقسىلاپ ساياحاتتاۋعا بولاتىن جاعدايدى ٴونىمدى شەشۋ جوباسى بولدى. 20 ادامدىق وزگەشە جوعارى دارەجەلى قوناق ٴۇي، سيلى قوناقتارعا جاڭاشا كەشىرمە كەشىرتۋ، تۇيىندەردى  ساڭلاۋسىز ۇشتاستىرۋ، ساپالى اۆياتسيا قىزمەت وتەۋى سياقتىلار وسى جەلىلەس ونىمدە ارناۋلى يگىلىكتەنەتىن تۇرلەر.

قازىر شينجياڭ بۇكىل ەل بويىنشا قامتۋ كولەمى ەڭ كەڭ، تارماق لەنيا اۋەجايلارى ەڭ كوپ اۋەجاي تورابىن قالىپتاستىردى، اۋەجايدىڭ سانى 24 كە جەتىپ، حالىقتىق تاسىمال اۋەجايلارىنىڭ سانى بۇكىل ەل بويىنشا الدىڭعى ورىندى يەلەيدى. قاناس، نارات سياقتى كورىنىس رايوندارىندا دا اۋەجاي سالىنىپ، وڭتۇستىك، سولتۇستىك شينجياڭدى ارالاي ۇشۋ، توتە ۇشۋ شارت ـ جاعدايى ازىرلەندى.

”’ۇشاقپەن شينجياڭدى ساياحاتتاۋ‘ ٴونىم ماركاسىن  كۇش سالا جاراتۋ بارىسىندا، ٴونىم ماركاسىن ’شينجياڭ جاقسى جەر‘ تۇلعالىق ماركاسىمەن توعىستىرۋعا دەن قويىپ، شينجياڭ ەرەكشەلىگىن كورنەكتىلەندىرىپ، ابزالدىقتارىمەن ٴبىرىن ـ ٴبىرى تولىقتايتىن مادەنيەت پەن ساياحات توعىسقان تيجارات ۇلگىسىن جەدەل قالىپتاستىرامىز.“ سۇن ليڭجيان بىلاي دەدى: بۇل ٴونىمدى جوبالاعان كەزدە بەيزاتتىق مادەني مۇراعاتتار قيمىلى، ونەر كورسەتۋ سياقتى مادەنيەت فاكتورلارىن كوبىرەك قوستىقٴارى شينجياڭنىڭ جەلىلەس ٴدامدى تاعامدارىنان ٴلاززات الۋ سياقتىلاردى دا جولعا قويدىق.

”’ۇشاقپەن شينجياڭدى ساياحاتتاۋ‘ ٴونىمى ٴار جىلى 7 - ايدان 10 - ايعا دەيىن ىسكە قوسىلادى، قازىر بازاردىڭ اڭىسى جاقسى، ەل ىشىندەگى كوپتەگەن ينتەرنەت جەلىسىندەگى ساياحات تۇعىرلارىنىڭ جانە كوپتەگەن ايگىلى ساياحات كاسىپورىندارىنىڭ ٴوتىمدى ونىمىنە اينالدى. ٴبىز جوعارى دەڭگەيدەگى ساياحات بازارىن اشۋعا دەن قويىپ، ساياحات بايلىعىن ۇزدىكسىز بىرىكتىرىپ، ساياحات ونىمدەرىندە جاڭالىق اشىپ، وسى ٴونىمنىڭ قىزمەت وتەۋ ورەسى مەن ايگىلى ماركانىڭ ىقپال كۇشىن ۇزدىكسىز جوعارىلاتۋ، سونىمەن بىرگە، كاسىپورىنداردىڭ ايگىلى ماركالاردى سومداۋ جانە جالپىلاستىرۋ تەبىنىن كۇشەيتىپ، شينجياڭ ساياحات ايگىلى ماركالارىنىڭ ىقپالى مەن داڭقىن ۇزدىكسىز جوعارىلاتامىز“ دەدى سۇن ليڭجيان.

(شينجياڭ گازەتىنىڭ 6 - ايدىڭ 28 - كۇنگى سانىنان)