ىلەنىڭ جەر - جەرى مادەنيەتپەن نارلەندى

- ىقىلاستى تاپسىرمانى ەستە بەرىك ساقتاۋ جونىندەگى جەلىلەس حابار − شينجياڭدى مادەنيەتپەن نارلەندىرۋدى ىشكەرىلەي اتقاردى

ۋاڭ جىحۋا (ٴوز ٴتىلشىمىز)

2022 - جىلى 7 - ايدىڭ 12 - كۇنىنەن 15 - كۇنىنە دەيىن، باس شۋجي شي جينپيڭ شينجياڭدى كوزدەن كەشىرگەندە ٴار ۇلت كادر - جۇرتشىلىعىمەن امانداسىپ، حال سۇراپ، ماڭىزدى ٴسوز سويلەپ، ماڭىزدى نۇسقاۋ بەرىپ، ”شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ كەرەك“ دەپ باسا دارىپتەدى. باس شۋجي بىلاي دەپ اتاپ كورسەتتى: ”جۇڭحۋا وركەنيەتى كەنىشتى دە شۇرايلى وركەنيەت، ارىدان جالعاسقان، ٴار ۇلتتىڭ تاڭداۋلى مادەنيەتىنىڭ الۋان بۇلاعىنىڭ جينالۋىنان قالىپتاسقان“، ”جۇڭحۋا وركەنيەتى − شينجياڭداعى ٴار ۇلت مادەنيەتىنىڭ ٴتۇپ تامىرى“.

مادەنيەتتى شىنايى مويىنداۋ - ەڭ تەرەڭ قاتپارلى مويىنداۋ سانالادى. ىلە - ەجەلدەن كوپ ۇلت شوعىرلى قونىستانعان جەر ٴارى كوپ ٴتۇرلى مادەنيەت ارالاسقان، ىشتەسكەن، توعىسقان ساحنا. باس شۋجي شي جينپيڭ نۇسقاعان باعىتتا ىلە وبلىسى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋدەن جازباي، جۇڭحۋانىڭ تاڭداۋلى ٴداستۇرلى مادەنيەتىن بارىنشا ساۋلەلەندىرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، رۋحاني مادەنيەت ونىمدەرىمەن قامداۋ ساپاسىن كورنەكتى جوعارىلاتىپ، ۇيىستىرۋ قۋاتىن، باۋراۋ قۋاتىن بارىنشا جوعارىلاتىپ، جالىندى دا ومىرشەڭ، سيىسىمدى مادەنيەتتىڭ جاڭا بەينەسىن ايگىلەدى.

جاڭا عانا اياقتالعان 6 - ايدىڭ ”مادەنيەت كەستەسىنە“ كوز سالساق، ٴبىرقىدىرۋ ەرەكشەلىگى ايقىن، تارتىمدى مادەنيەت - ساياحات ەرەكشە قيمىلى ادامدارعا ىلەنىڭ مادەنيەت كوركەمدىگىن سەزىندىرەدى.

6 - ايدىڭ 9 - كۇنى 2023 - جىلعى ”جاڭا انمەن شينجياڭدى جىرلاۋ“ − تاڭداۋلى ٴتول شىعارما لارٴان كونسەرتىنىڭ شينجياڭدى جانە بيڭتۋاندى ارالاۋ قويىلىمى 3 - بەكەت ىلەگە كەلگەندە، ىلەدەگى كورەرمەندەردى شينجياڭ ٴبيى مەن شينجياڭنىڭ حالىقتىق مۋزيكا كوركەمونەر جاۋھارىنىڭ شىت جاڭا مازمۇنمەن ٴلاززاتتاندىردى.

6 ـ ايدىڭ 11 ـ كۇنى «ساحارادا ديدارلاسىپ، ىلەنى بيمەن تەربەيىك» اتىنداعى ىلە وبلىسىنا توتە قاراستى ورىنداردىڭ جانە بيڭتۋان 4 ـ شىسىنىڭ 2 ـ كەزەكتى الاڭ ٴبيى جارىسى كۇنەس اۋدانىنىڭ نارات ساحاراسىندا سالتاناتپەن وتكىزىلدى.

 6 - ايدىڭ 20 - كۇنىنەن 26 - كۇنىنە دەيىن ىلە وبلىستىق كىتاپحانا ”انار گۇلى كوز جاۋىن الاتىن مامىر ايى“ اتىنداعى قياق كۇرىش مەرەكەسى ولەڭ وقۋ قيمىلىن وتكىزدى.

6 - ايدىڭ 18 - كۇنىنەن 27 - كۇنىنە دەيىن، قۇلجا قالاسى جينليڭ مادەنيەت قيمىل ورتالىعى ”كوگارشىن جانە الەم“ اتىنداعى دىڭ شيڭچي كوركەمونەر تۋىندىلارى كورمەسىن وتكىزدى.

6 - ايدىڭ 1 - كۇنىنەن 30 - كۇنىنە دەيىن قورعاس اۋدانىنىڭ تۇڭعىش كەزەكتى جۇپار ٴشوپ قارلى تاۋ مۋزيكا مەرەكەسى ٴبىر ايعا جالعاسىپ، ٴار ۇلت بۇقاراسىنا تاماشا مۋزيكا سالتاناتىن سيلادى.

6 ـ ايدىڭ 22 ـ كۇنىنەن 24 ـ كۇنىنە دەيىن، چاپچال سىبە اۆتونوميالى اۋدانىنىڭ تۇڭعىش كەزەكتى تيانشان قىزىل تەڭىز شايانى ٴدامدى تاعامدار، مۋزيكا مەرەكەسى باستالدى.

6 - ايدىڭ 21 - كۇنىنەن 30 - كۇنىنە دەيىن، كۇيتۇن قالاسىنىڭ تۇڭعىش كەزەكتى موتوتسيكل مادەنيەت ـ ساياحات مەرەكەسى جانە مايتاۋ ـ كۇشار تاس جولىندا اۆتوكولىك قاتىناۋ مەرەكەسى سياقتى جەلىلەس قيمىلدار وتكىزدى.

سارا تۋىندى جاسامپازدىعى ىلە ادەبيەت - كوركەمونەرىنىڭ دامۋ دەڭگەيىن ايگىلەدى. كولەمدى ٴتول مۋزيكالى ٴان - ٴبي تەاترى «جيەيوۋ حانشا» مەملەكەتتىك كوركەمونەر قورىنىڭ 2022 - جىلعى تاراتۋ، اۋىس - كۇيىس جاساۋ، جالپىلاستىرۋ، قارجىلاي كومەكتەسۋ نىسانى، ىلە وبلىسىنىڭ ”شينجياڭدى مادەنيەتپەن نارلەندىرۋ“ كوركەمونەر سارا تۋىندىسى رەتىندە، 2022 - جىلى الەۋمەتتىك يگىلىك سيپاتتى حالىققا تيىمدىلىك جاساۋ كونسەرتى تۇرعىسىنان 50 نەشە رەت قويىلدى. بيىل كوكتەمدە «جيەيوۋ حانشا» ىلگەرىندى - كەيىندى جياڭسۋ، شاڭحاي، شينجياڭ سياقتى جەرلەردە جەلىدە جانە جەلىدەن تىس 17 رەت ويىن قويىلدى؛ ”1 - مامىر“ حالىقارالىق ەڭبەكشىلەر مەرەكەسى كەزىندە «جيەيوۋ حانشا» تەاترىنان قازانشى، التىشۋار كوشەسى، توكەي قۇمدىعى سياقتى كورىنىس وڭىرلەرىندە ٴۇزىندى قويىلىپ، قىزۋ اڭىس قوزعاپ، ماداقتاۋعا يە بولدى.

كولەمدى ناقتى كورىنىستىك كونسەرت نومىرلەرى «ناراتتى كۇزەتۋ»، «ىلە گەنەرالى» سياقتى سارا تۋىندىلار ساياحاتشىلارعا جۇڭحۋا مادەنيەتىنىڭ مايەكتى ٴمانىن تەرەڭ سەزىندىردى؛ «ىلە وزەنى. عاسىر ٴۇنى» ۇلتتىق تۇتىكتى - ىشەكتى اسپاپتار مۋزيكا ساۋىعى قاراپايىم بۇقاراعا  كورسەتىلدى؛ ”شابىت“ توبى ”مەملەكەتتىك ۇلتتىق اسپاپتاركونسەرتىنە“ كىردى. وسىنداي كوركەمونەر سارا تۋىندىلارىنىڭ جارىققا شىعۋى ٴتىپتى دە كوپ كورەرمەنگە ىلەنىڭ وزگەشە تارتىمدى مادەني باۋراۋ قۋاتى مەن گۋمانيتارلىق سالت - ساناسىن ايگىلەدى. 

ىلە وزەنى كىتاپحاناسى       ليۋ چىڭگاڭ فوتوسى

 كۇرە قالاشىعى يانبۇلاق قىستاعى ۇلتتىق ٴان - بيمەن قوناقتاردى قارسى الدى                 لاي يۇينيڭ، جاڭ چيڭحۋا فوتوسى

 مۇراجايدىڭ نۇسقا كورمەسى      سۋرەتتى ۋاڭ جىحۋا تۇسىرگەن

 الاڭ ٴبيى جارىسى             لاي يۇينيڭ فوتوسى 

 «ىلە وزەنى. عاسىرٴۇنى» ۇلتتىق تۇتىكتى - ىشەكتى     اسپاپتار مۋزيكا كەشى            ۋاڭ جىحۋا فوتوسى