ىلەدە كوكتەم لەبى ەسىپ، بار الاپ كوركەمدىگىمەن كوز ٴسۇرىندىردى

حابارىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا

4 - ايدىڭ 9 ـ كۇنى نارات ورىك گۇلى اڭعارىنداعى 30 مىڭ مۋدان استام جابايى ورىك اعاشى شەشەكتەدى. جون - جوتالار ورىك گۇلىمەن كومكەرىلىپ، توتەنشە كوركەم كورىنىس قالىپتاستىردى. وسى ٴبىر تاماشا كورىنىس شينجياڭنىڭ ٴىشى ـ سىرتىنان كەلگەن ساياحاتشىلاردى گۇل تاماشالاۋعا باۋرادى.

4 ـ ايدىڭ 10 ـ كۇنى مەملەكەت تاس جولى 218 ـ لەنياسىنىڭ كۇنەس اۋدانى اسىل تۇقىمدى قوي فەرماسىنىڭ جول بولىگىندە تورۋلاريا گۇلى كەڭ كولەمدە جايقالا اشىلىپ، جول جاعالاۋى مەن بەتكەيلەردەگى اق ٴتۇستى ۇساق گۇل قاۋاشاقتارى ۇزىننان - ۇزاق قۇلپىرا اشىلىپ تۇر. گۇل تاماشالاعان ساياحاتشىلار گۇل اراسىندا جايىلىپ جۇرگەن مال تابىندارىن كورىنىسكە الىپ سۋرەتكە ٴتۇسىپ ەستەلىك قالتىردى.

4 ـ ايدىڭ 13 - كۇنى شاپشال سىبە اۆتونوميالى اۋدانى جاعىستاي قالاشىعىنىڭ ۇلان - قايىر ەگىس اتىزى اراسىنداعى ورىك اعاشتارى اق، كۇلگىن ٴتۇستى گۇل اشىپ، اينالادان گۇلدىڭ حوش ٴيىسى اڭقىدى. ەگىس اتىزدارىندا ديقاندار ەگىس ۋاقىتىن مىقتى يگەرىپ، ٴىرى تۇرپاتتى اۋىل شارۋاشىلىق ماشينالارىمەن جەر جىرتىپ، تۇقىم سەبۋدە. كوك اسپان، اقشا بۇلت، قارلى تاۋ ٴوزارا جاراسىم تاۋىپ، كوكتەمگى ەگىس قاربالاستىعىنىڭ كوركەم كارتيناسىمەن كوز سۇرىندىرەدى. 

گۇل تەڭىزى اراسىنداعى جوعارى قارقىندى تاس جول 

 اتقا ٴمىنىپ گۇل تاماشالاعان ساياحاتشىلار

تاڭعى اراي

كوكتەمگى ەگىس

گۇل اشقان جابايى جاۋقازىندار

ورىك اعاشى اراسىندا جايىلىپ جۇرگەن قوي تابىنى

 جايقالا اشىلعان تورۋلاريا

گۇلدى ماۋسىم