كوركەم دە عاجايىپ قۇلجا - موڭعۇلكۇرە تاس جولى

ٴوزى كولىك جۇرگىزىپ ساياحاتتاۋشىلار كۇنىنە ورتا ەسەپپەن 8500 ماشينا - رەتكە جەتتى ساياحاتشىلار جول بويى كوركەم كورىنىستەن مەيلىنشە ٴلاززات الادى

ماقالاسىن جازىپ، سۋرەتتەردى تۇسىرگەن تىلشىلەرىمىز لاي يۇينيڭ، جاڭ چيڭحۋا

كوركەم دە عاجايىپ قۇلجا - موڭعۇلكۇرە تاس جولى ٴتىپتى دە كوپ ٴوزى كولىك جۇرگىزىپ ساياحاتتاۋشىلاردى كوركەم كورىنىستەن ٴلاززات الۋعا باۋراۋدا. شاپشال اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ ساندى مالىمەتىندە كورسەتىلۋىنشە، 7 - ايدىڭ 1 - كۇنىنەن 23 ـ كۇنىنە دەيىن قۇلجا - موڭعۇلكۇرە تاس جولىندا ٴار كۇنى ورتا ەسەپپەن 8500 رەت اۆتوموبيل قاتىناعان، بيىل 5 - ايدىڭ 15 - كۇنى قۇلجا - موڭعۇلكۇرە تاس جولىندا جازعى قاتىناس قالپىنا كەلتىرىلگەننەن بەرى 450 مىڭ رەت اۆتوكولىك قاتىناعان.

سولتۇستىكتە قۇلجا قالاسىنىڭ ىلە وزەنى 1 - كوپىرىنەن باستالىپ، شاپشال اۋدانىن باسىپ ٴوتىپ، وڭتۇستىكتە موڭعۇلكۇرە اۋدانىنا باراتىن قۇلجا - موڭعۇلكۇرە تاس جولىنىڭ ەكى جاعالاۋىنداعى كەڭ كوسىلگەن جايىلىم، جاپ - جاسىل بايىرعى ورمان، قارلى تاۋلار مەن قاتەرلى جالاما جارتاستار ٴوزى كولىك جۇرگىزىپ ساياحاتتاۋشىلارعا قىزىقتى دا تاڭعاجايىپ، قاتەرلى دە اسەرلى كەشىرمە سيلاۋمەن بىرگە، ولار مۇندا ٴبىر جىلدىڭ ٴتورت ماۋسىمىنىڭ كوركەم كورىنىسىن دە تاماشالاي الادى.

 اسقار تاۋ، ٴزاۋلىم قۇزداردى ەندەي وتكەن قۇلجا - موڭعۇلكورە تاس جولى

 جالاما جارتاستاعى تار جول 

 قايشالىسقان اۆتوكولىك كەرۋەنى 

 اۆتوكولىك توقتاتۋ الاڭى 

 اقشوقى جول بولەگىندە سەيىلدەگەن ساياحاتشىلار

 ساياحاتشىلار ٴبورىلى اڭعارىندا سۋرەتكە ٴتۇسىپ ەستەلىك قالدىرۋدا

اقشوقى باۋرايىنداعى قۇلپىرا اشىلعان دالا گۇلدەرى 

اينالما جولداعى اۆتوكولىكتەر