ماقالاسىن جازىپ، سۋرەتىن تۇسىرگەن ەرىكتى تىلشىلەر جاڭ ۋىنتيڭ، ايقىن ورىنبەك، كاۋسار بەرىكتۇر

4 - ايدىڭ 20 - كۇنى كۇنەس اۋدانىنىڭ نارات ساحاراسىندا كوكتەمنىڭ اسەم كورىنىسى قالىپتاستى. جاسىل جەلەك جامىلعان ساحارا الىستاعى اق باس شىڭ، جاسىل شىرشا، اق مامىق بۇلتتارمەن توعىسىپ تاماشا كورىنىس قالىپتاستىردى.

اقشا بۇلتتاردان وتكەن كۇن ساۋلەسى جاسىل تاۋلار مەن قارلى شىڭداردى اق ساعىمعا بولەپ، تيانشان تاۋى قويناۋىنداعى كوكتەمنىڭ تىرشىلىك تىنىسى مەن كىرشىكسىزدىگىن تولىق ايگىلەپ جاتقانداي.

قازىر ناراتتىڭ قارى كەتىپ، كۇللى تىرشىلىك تۇلەجىپ، بارشا الەم جاسىل جەلەك جامىلىپ، ماي بوياۋلى سۋرەتتەي قۇلپىرا تۇسكەن. 

4 - ايدىڭ 21 - كۇنى كەشكى ارايعا شومعان تاۋلاردىڭ كورىنىسى كوز تارتادى. كۇن ەڭكەيە باتار كۇننىڭ القىزىل ساۋلەسى ساحارانى نۇرلاندىرىپ، اق باس شىڭدار مەن  قالىڭ ورماندى اقشا بۇلت تورلاپ، تاۋ اڭعارلارىن سەلدىر تۇمان باسىپ، بايابان دالا جىم - جىرتتىققا شومدى. جاسىل شالعىندى قۋالاي ورىسكە شىققان مال تابىنى، تاۋ قويناۋىنداعى مالشىلاردىڭ تۇراعى ساحارانىڭ كۇندەلىكتى تىرشىلىك كەلبەتى مەن ايبىندى سۇلۋلىعىن ايگىلەي تۇسكەن.

 جاسىل جەلەك جامىلعان ساحارا الىستاعى اق باس شىڭ، قارلى تاۋ، جاسىل قاراعاي جانە اق مامىق بۇلتتارمەن توعىسىپ تاماشا كورىنىس قالىپتاستىردى 

باتار كۇننىڭ ارايى 

ساحاراداعى مال تابىنى 

مالشىلار تۇراعى

اقشا بۇلت

الاۋلاعان كەشكى اراي

كوكتەم شۋاعىنا شومىلعان نارات ساحاراسى