قۇلجا - موڭعۇلكۇرە تاس جولىنىڭ قارى تازالانىپ، بوگەتتەرى اشىلىپ، قاتىناستىڭ ىركىلىسسىزدىگىنە كەپىلدىك ەتىلدى
مەجەمەن 5 - ايدىڭ سوڭىندا اۆتوكولىك قاتىنايدى سۋرەتىن تارتىپ، حابارىن جازعان تىلشىلەرىمىز لاي يۇينيڭ، جاڭ چيڭحۋا
4 - ايدىڭ 21 - كۇنى قۇلجا - موڭعۇلكۇرە تاس جولىنىڭ اقشوقى بولىگىندە ىلە تاس جول ىستەرىن دامىتۋ ورتالىعى شاپشال جول قورعاۋ ورنىنىڭ قىزمەتكەرلەرى ٴىرى تۇرپاتتى قار تازالاۋ ماشيناسىن ۇيىمداستىرىپ، جولداعى قالىڭ قاردى تازالاپ، قۇلجا - موڭعۇلكۇرە تاس جولىندا قاتىناستىڭ ۋاعىندا قالپىنا كەلۋىنە كەپىلدىك ەتتى.
قار كۇرەۋ - قار سىپىرۋ ماشيناسى بىرلەسىپ تازالاۋدا
10 نەشە كۇندىك قار تازالاۋ، بوگەتتەردى اشۋ قىزمەتى ارقىلى قازىر شاپشال جول قورعاۋ ورنىنىڭ قىزمەتكەرلەرى اقشوقى جول بولىگىن اشتى. قۇلجا - موڭعۇلكۇرە تاس جولىندا بيىل 5 - ايدىڭ سوڭىندا قاتىناس قالپىنا كەلەدى.
قۇلجا - موڭعۇلكۇرە تاس جولى ”كىشكەنە مايتاۋ - كۇشار تاس جولى“ دەگەن تاماشا اتقا يە، سولتۇستىگى قۇلجا قالاسىنان باستالىپ، شاپشال سىبە اۆتونوميالى اۋدانىن باسىپ وتەدى، وڭتۇستىگى موڭعۇلكۇرە اۋدانىنا بارادى، جالپى ۇزىندىعى 122 كيلومەتر، تاۋلى ٴوڭىردىڭ ەرەكشە كليماتىنىڭ جانە كۇردەلى جول جاعدايىنىڭ ىقپالىنا ۇشىرايتىندىقتان، بۇل تاس جول ٴار جىلى 10 - ايدىڭ ورتا شەنىنەن كەلەسى جىلى 5 - ايدىڭ سوڭىنا دەيىن جابىلادى.
قۇلجا - موڭعۇلكۇرە تاس جولى
قار تازالاۋ جابدىقتارىن تەكسەرىپ، رەمونتتاۋ
قىزمەتكەرلەر تۇسكى استارىن ىشۋدە
بۇركىپ تازالانعان قاسات قار
قۇز - قيالى جول بولىگىنىڭ قارىن تازالاۋ
قار تازالاۋ ماشيناسى قاسات قاردى بۇزىپ وتۋدە
قار تازالاۋ ماشيناسى قاسات قاردى تاۋ قۇزىنا قۇلاتا تازالاۋدا