ٴتىلشىمىز سۋ مين، ەرىكتى ٴتىلشى جيا نان حابارلايدى. 3 ـ ايدىڭ 27 ـ كۇنى وبلىسقا توتە قاراستى ورىنداردىڭ پارتيا مۇشەلەرىن تاربيەلەۋ قىزمەتىنە جاۋاپتى تىرەكتىلەردى ارناۋلى تاقىرىپتىق تاربيەلەۋ كۋرسى ساباق باستادى، پارتيا مۇشەلەرىن تاربيەلەۋ قىزمەتىنە جاۋاپتى 562 تىرەكتى ”جەلىدە + جەلىدەن تىس“ تاسىلمەن كۋرسقا قاتىناستى.

وسى رەتكى كۋرس پارتيا 20 - قۇرىلتايىنىڭ رۋحىن ارقاۋ ەتىپ، نازاردى پارتيا مۇشەلەرىن تاربيەلەۋ، باۋلۋ، جاڭا اقپارات قۇرالدارى ۇگىتى، ۇيرەنۋ كەسكىن قورىن اشۋ، پارتيا مۇشەلەرىن (الىس ارالىقتان) تاربيەلەۋ پۋنكت - تۇيىندەرى قۇرىلىسى، «ٴتورت شاعىن» ۇيرەنۋ، قولدانۋ قيمىلى سياقتى قىزمەتتەرگە شوعىرلاندىرىپ، اۆتونوميالى رايوننىڭ، اۆتونوميالى وبلىستىڭ پارتيا مۇشەلەرىن تاربيەلەۋ قىزمەتىندەگى تىرەكتىلەر مەن ٴبىر ٴبولىم اۋدان، قالالاردىڭ نەگىزگى ساتىلارىنداعى پارتيا مۇشەلەرىن تاربيەلەۋ قىزمەتىندەگى تاجىريبەسى مول تىرەكتىلەردى كۋرسانتتارعا ساباق وتۋگە جانە تاجىريبەلەرىمەن بولىسۋگە ۇسىنىس ەتتى. ساباق ٴوتۋ فورماسى جاعىندا، «نە كەم بولسا سونى تولىقتاۋ، نە قاجەت بولسا سونى ۇيرەنۋ» پرينسيبى بويىنشا، ارناۋلى تاقىرىپتا جەتەكشىلىك ەتۋدى نەگىز ەتىپ، ناق مايداندا وقىتۋ، مىسالمەن وقىتۋ، بەينە ەكران ارقىلى وقىتۋ سياقتى باي مازمۇندى، الۋان ٴتۇرلى وقىتۋ فورماسىن قولداندى ٴارى قىزىل ٴان ايتۋ، پارتيا ۋستاۆىن مانەرلەپ وقۋ، وداق قوسىمشا قيمىلى سياقتى مازمۇنداردى كىرىستىرىپ، وقىتۋدىڭ باۋراۋ قۋاتى مەن ناقتى ونىمدىلىگىن ارتتىرىپ، تاربيەلەنۋشىلەردىڭ ۇيرەنۋىنە، تابىسقا جەتۋىنە مۇمكىندىك جاسادى.

وسى رەتكى كۋرستا مىنالار تالاپ ەتىلدى: كۋرسقا قاتىناسقان كۋرسانتتار پارتيا مۇشەلەرىن تاربيەلەۋ قىزمەتىنىڭ ۇيىمداستىرۋشىسى، اتقارۋشىسى جانە ىلگەرىلەتۋشىسى رەتىندە، ىشكەرىلەي ۇيرەنۋ، جەتە ٴتۇسىنۋ جاعىنا كۇش سالىپ، تاربيەلەۋ مەن قىزمەت امالياتىنىڭ ۇشتاسۋ ٴتۇيىنىن ٴداپ باسىپ تاۋىپ، مىعىم قابىلەتكە جاتتىعىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، مىندەت اتقارۋ قابىلەتىن، دەڭگەيىن ۇزدىكسىز جوعارىلاتىپ، جەرگىلىكتى جاعدايعا قاراي ٴوز جەرىنىڭ ەرەكشە قيمىلىن، نىسانىن، تاربيەلەۋدەگى كورىنەۋ تۇيىندەرىن قالىپتاستىرىپ، پارتيالى كادرلاردىڭ ۇنەمى تاربيە الۋىنا، حالىق بۇقاراسىنىڭ ۇزاق ۋاقىت يگىلىككە كەنەلۋىنە مۇمكىندىك جاساپ، رۋحتى ونان ارى سومداپ، كورىكتى ىلە قۇرۋدىڭ قۇدىرەتتى كۇشىن ۇيىستىرۋى كەرەك.

5 كۇندىك تاربيەلەۋ بارىسىنداعى جەلىدە تاربيەلەۋدە تىڭشۇن ٴماجىلىسحاناسى ارقىلى 25 بولىمشە ساباقحانا اشىلدى، 462 پارتيا مۇشەسى كۋرسقا قاتىناستى.