11 تاراۋ قۇجات شىعاردى

ٴداستۇرلى باسىمدىققا يە ازىق - تۇلىك ٴوندىرۋ رايونى مەن جەرگىلىكتى ەرەكشەلىككە يە ازىق - تۇلىك كاسىپ سالاسىن جەتىلدىرەدى 

شينحۋا اگەنتتىگىنىڭ 3 - ايدىڭ 29 - كۇنى بەيجيڭنەن بەرگەن حابارى (تىلشىلەر ۋاڭ يۇيحاۋ، جاڭ شينشين). ٴتىلشىنىڭ 3 - ايدىڭ 29 - كۇنى ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، ونەركاسىپ جانە ينفورماتسيالاندىرۋ مينيسترلىگى، مەملەكەتتىك دامۋ جانە رەفورما كوميتەتى، عىلىم - تەحنيكا مينيسترلىگى سياقتى 11 تاراۋ تاياۋدا «ٴداستۇرلى باسىمدىققا يە ازىق - تۇلىك ٴوندىرۋ رايونى مەن جەرگىلىكتى ەرەكشەلىككە يە ازىق - تۇلىك كاسىپ سالاسىن جەتىلدىرۋ جونىندەگى جەتەكشى پىكىردى» بىرلەسىپ باسىپ تاراتىپ، 2025 - جىلعا بارعاندا ٴداستۇرلى باسىمدىققا يە ازىق - تۇلىك ٴوندىرۋ رايوندارىنىڭ كولەمىن ۇزدىكسىز زورايتىپ، وڭىرلىك قامتۋ كولەمىن ونان ارى كەڭەيتىپ، جەرگىلىكتى ەرەكشەلىككە يە ازىق - تۇلىك كاسىپ سالاسىنىڭ دامۋ ساپاسى مەن ونىمدىلىگىن ۇزدىكسىز جوعارىلاتۋدى العا قويعان.

جەتەكشى پىكىردە ٴداستۇرلى باسىمدىققا يە ازىق - تۇلىك وندىرەتىن رايوندار مەن جەرگىلىكتى ەرەكشەلىككە يە ازىق - تۇلىك كاسىپ سالاسىنىڭ دامۋ نىساناسى ايقىندالدى. 2025 - جىلعا بارعاندا، ”10 ميلليارد يۋان دارەجەسىندەگىلەر باستاماشى، 100 ميلليارد يۋان دارەجەسىندەگىلەر كاسىپ شوعىرى، ٴبىر تريلليون يۋان دارەجەسىندەگىلەر كاسىپ سالاسى بولعان“ جەرگىلىكتى ەرەكشەلىككە يە ازىق - تۇلىك دامۋ جاعدايىن نەگىزىنەن قالىپتاستىرىپ، جىلدىق تيجارات كىرىسى 100 ميلليارد يۋاننان اساتىن ٴداستۇرلى باسىمدىققا يە ازىق - تۇلىك وندىرەتىن 5 كاسىپورىندى، جىلدىق تيجارات كىرىسى 10 ميلليارد يۋاننان اساتىن 25 باستاماشى تىرەكتى كاسىپورىندى جەتىلدىرىپ، بۇكىل ەلگە ايگىلى جەرگىلىكتى ەرەكشەلىككە يە ازىق - تۇلىك ماركالارى مەن جەرگىلىكتى ەرەكشەلىككە يە جەڭىل تاعامداردىڭ ونەركاسىپتەنۋىندەگى تيپتىك مىسالداردان ٴبىر توبىن قالىپتاستىرۋ كەرەك.

وسى نىسانالاردى ارقاۋ ەتە وتىرىپ، جەتەكشى پىكىر ساپالى شيكىزاتپەن قامتاماسىز ەتۋ، كاسىپ سالاسى شوعىرى قۇرىلىسى، تەحنيكالىق جابدىقتاردى جوعارىلاتۋ، ساپا حاۋىپسىزدىگىن قامتاماسىز ەتۋ، ەرەكشە ماركالاردى جەتىلدىرۋ، دامۋ تاسىلىنە بۇرىلىس جاساۋ، سونداي - اق كاسىپ كۇيى ۇلگىسىندە جاڭالىق اشۋ سىندى 7 جاقتاعى قىزمەت جونىندە 20 ٴتۇرلى مىندەت ورنالاستىردى.

ساياساتتىق قولداۋدى اناعۇرلىم كۇشەيتۋ ٴۇشىن جەتەكشى پىكىردە مىنالار ايقىن بەلگىلەندى: قازىرگى قارجى ارناسىنان تولىق پايدالانىپ، مەملەكەتتىڭ ٴوندىرىستى توعىستىرۋ سەلبەستىك تۇعىرىنىڭ رولىن ساۋلەلەندىرىپ، فينانس قۇرىلىمدارىن جەرگىلىكتى ەرەكشەلىككە يە ازىق - تۇلىك وندىرەتىن كاسىپورىنداردىڭ دامۋىنا دەم بەرۋگە جەتەكتەۋ؛ اۋىل شارۋاشىلىعى ونىمدەرىنىڭ ارتقان قۇن باجىسىن، يمپورت وبيەكتىلەرىنىڭ باجى سوماسىن تەكسەرىپ ۇستاپ قالۋدى تۇيىندە سىناق ەتۋ سياقتىلاردى ورنىقتى ىلگەرىلەتۋ كەرەك.

ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى مىنانى ٴبىلدىردى: جەتەكشى پىكىر وسى زامانعى ازىق - تۇلىك كاسىپ سالاسى جۇيەسىن قۇرۋدى كوزدەپ، ازىق - تۇلىك ونەركاسىبىنىڭ تۇتاس كاسىپ تىزبەگىن ارقاۋ ەتىپ، جوعارى، تومەنگى تىزبەكتەرگە سايكەستى كۇش سالۋدى ىلگەرىلەتتى، سونىمەن بىرگە ايگىلى ماركا قۇرىلىسى جاعىندا ۇزدىكسىز كۇش سالىپ، جەرگىلىكتى ەرەكشەلىككە يە ازىق - تۇلىك كاسىپ سالاسىنىڭ جاڭالىق اشۋدى جەتەكشى ەتىپ، جوعارى دەڭگەيگە كوتەرىلۋىن ىلگەرىلەتتى.