”كەشكى ساقشى ىستەرى“ قيمىلى بويىنشا قورعاۋ قىزمەتى ٴتىپتى دە جاقسى ىستەلدى

ىلە وبلىسىنا توتە قاراستى ورىندارداعى قوعام حاۋىپسىزدىگى ورگاندارىنىڭ جازعى تۇنگى اماندىق ساقتاۋ 

ارەكەتى بۇقارانىڭ  حاۋىپسىزدىك سەزىمىن ارتتىردى

سۋرەتتە: ارناۋلى وڭاۋ قيمىلىنا قاتىناسقاندار ناق مايداندى تەكسەرۋدە.    سۋرەتتى كاميلا تۇسىرگەن

ٴتىلشىمىز كاميلا، ليۋ دۇڭيۋە، ەرىكتى ٴتىلشى جياۋ چۋان حابارلايدى. قوعام اماندىعى ورتاسىن ونان ارى جاقسارتىپ، بۇقارانىڭ ٴومىرى مەن مال ـ مۇلكىنىڭ اماندىعى مەن الەۋمـەتتىك حاۋىپسىزدىـكـتى شىنايى قـورعـاۋ ٴۇشىن، اۆتونوميالى رايوندىق قوعام حاۋىپسىزدىگى مەڭگەرمەسىنىڭ جازعى تۇنگى اماندىقتى ارالاپ تەكسەرۋ، ۇگىت جۇرگىزۋ، ساقتانۋ، جونگە سالۋ ارەكەتىنىڭ ٴبىر تۇتاس ورنالاستىرۋىنا ساي، 8 - ايــدىڭ 9 - كۇنى ىلە وبلىسىنا توتە قاراستى ورىندارداعى قوعام حاۋىپسىزدىگى ورگاندارى جازعى تۇنگى اماندىقتى ارالاپ تەكسەرۋ، ۇگىت جۇرگىزۋ، ساقتانۋ بويىنشا 2 ـ رەتكى شوعىرلى ٴبىر تۇتاس ارەكەتىن ٴبىر ۋاقىتتا ورىستەتىپ، كۇشتى ايبىنمەن قىلمىس جاساۋشىلاردى سەسكەندىرىپ، كومەسكى قاتەرلەردى مۇقيات  شارلاپ، تەكسەرىپ، جويىپ، شوعىرلى ۇگىت جۇرگىزىپ، قورعانىس شەبىن بەكەمدەپ، بۇقارانىڭ حاۋىپسىزدىك سەزىمى مەن رازىلىق دەڭگەيىن ۇزدىكسىز جوعارىلاتتى.

”حاۋىپسىز تاراتۋ بەلگىسى،ٴسوزسىز، انىق، كورىنەۋ بولۋى كەرەك“. ”الدامكوستىكتىڭ ٴتۇرى كوپ، الدامكوستىككە قارسى تۇرۋ بىلىمدەرىن ويداعىداي ۇيرەنگەندە، قولدانعاندا عانا  ’اقشا قاپشىعىن‘ جاقسى قورعاۋعا بولادى“ قۇلجا قالاسىنداعى ساۋدا دۇكەندەرىندە، كورىنىس وڭىرلەرىندە ارناۋلى رەتتەۋ - وڭاۋ قيمىلىنا قاتىناسقان حالىق (كومەكشى) ساقشىلارى اماندىق ساقتاۋ جاعىنداعى كومەسكى قاتەرلەردى اداقتاۋدى ۇزدىكسىز ورىستەتىپ، ماسەلە بايقالعاندا دەرەۋ رەتتەپ - تۇزەتتى. بۇل رەتكى قيمىلدا شاراپحانا، KTV، جۋىنۋ، ۋقالاۋ ورىندارى، جەكەلىك كينوحانا، مەيمانحانا، قوناق ٴۇي سياقتى كوڭىل اشۋ قىزمەت وتەۋ ورىندارى ٴتۇيىن ەتىلىپ، ”تۇتقيىل سوققى بەرۋ“، ”جان - جاقتى تەكسەرۋ“، ”تور جايۋ“ ۇلگىسىمەن، ”سارى الاپات، قۇمار، ەسىرتكى“ سياقتى زاڭعا قايشى قىلمىستىق ارەكەتتەردى قاتاڭ تەكسەرىپ، قوعامدىق سالتتى ٴونىمدى جاقسارتتى. سونىمەن بىرگە، بۇقارا ”كورە الاتىن، وڭاي تۇسىنە الاتىن، ەستە بەرىك ساقتايتىن“ تاسىلدەر ارقىلى الدامكوستىكتەن، ۇرلىقتان، سۋعا تۇنشىعۋدان، ٴورت اپاتىنان ساقتانۋعا قاتىستى حاۋىپسىزدىك بىلىمدەرى ۇگىتىن ورىستەتىپ، شارلاۋ، ساقتانۋ - تىزگىندەۋ، ۇگىتتەۋ قىزمەتىن كوشە - كوشەنىڭ باس - اياعىنا دەيىن كەڭەيتىپ، بۇقاراعا تىنىشتىقتىڭ ٴوز جانىندا ەكەنىن شىنايى سەزىندىردى.

”التشۋار كوشەسى كورىنىس رايونىنا كەشتە كەلسەڭىز ەرەكشە دۋماندى بولادى ەكەن، شارلاۋشى ساقشىلار بىزگە ٴتۇرلى زاڭ بىلىمدەرىن ۇگىتتەدى، سونداي - اق ىستىق ىقىلاسپەن كومەك كورسەتتى. ولاردىڭ قورعاۋىندا كورىنىس ٴوڭىرى كەشكى بازارىنىڭ ٴتارتىبىن ونان ارى كۇشەيتىپتى، ٴبىزدى شىنىمەنەن حاۋىپسىزدىك سەزىمىنە بولەدى“ دەدى شاڭحايدان كەلگەن ساياحاتشى جۋ ليتيڭ.

وسى مەزگىلدە ىلە وبلىسىنا توتە قاراستى ورىندارداعى ٴار دارەجەلى قوعام حاۋىپسىزدىگى ورگاندارى ادام، اۆتوموبيل، جول، كاسىپورىن سياقتى ٴتۇيىندى فاكتورلاردى ٴجىتى قاداعالاپ، تەكسەرۋ ورىندارىن عىلمي ورنالاستىرىپ، اراق ٴىشىپ، ماس بولىپ كولىك جۇرگىزۋ، كوشەدە اۆتوكولىكتى جىلدام جۇرگىزۋ، ارتىق ادام الىپ، ارتىق جۇك تيەۋ، ٴنومىر تاقتاسىنا، كۋالىككە ساياتىن اۋىر قاتىناس زاڭىنا قايشى ارەكەتتەردى كۇش سالا تەكسەرىپ ٴبىر جاقتى ەتىپ، قاتىناس حاۋىپسىزدىگى جاعىنداعى حاۋىپ - قاتەرلەردى شىنايى جويدى.

”وسى رەتكى جازعى تۇنگى اماندىق ساقتاۋ ارەكەتىنە ىلە وبلىسىنا توتە قاراستى ورىندارداعى قوعام حاۋىپسىزدىگى ورگاندارى 100 ساقشى كۇشىن شىعارىپ، مىندەت وتەۋگە قاتىناستىرىپ، تۇنگى تەكسەرۋگە ساقشىلاردىڭ قاتىناسۋ مولشەرىن، تەكسەرىپ ٴبىر جاقتى ەتۋ مولشەرىن جاپپاي جوعارىلاتىپ، زاڭعا قايشى ٴتۇرلى قىلمىستىق ارەكەتتەرگە پارمەندى سوققى بەردى. ٴبىز نازاردى ’سوققى بەرۋ، ساقتانۋ، باسقارۋ، تىزگىندەۋ‘ سىندى ٴتۇرلى قىزمەت شارالارىنا ۇزدىكسىز شوعىرلاندىرىپ، ەڭ زور قۇلشىنىسپەن حاۋىپسىز، ٴتارتىپتى قوعام اماندىعى ورتاسىن قالىپتاستىرامىز“ دەدى ىلە وبلىستىق قوعام حاۋىپسىزدىگى مەكەمەسى اماندىق ساقتاۋ بولىمشە اترەتى قوعامدىق ساقتانۋ، تىزگىندەۋ ۇلكەن اترەتىنىڭ باستىعى لي شياڭدۇڭ.