ەرىكتى تىلشىلەر ليۋ ۇيلۇڭ، ياڭ تيڭتيڭ حابارلايدى. شارۋاشىلىق - ساۋدا ورتاسىن ۇزدىكسىز ساپالىلاندىرىپ، ”بەستى كەشىرىم ەتۋ، بەستى ازايتۋ“، ”تەكسەرۋدى كەشىرىم ەتۋدىڭ يگىلىگىن كورۋ“ جانە باتىس بولەكتى قاۋىرت اشۋ ساياساتتارىن اناعۇرلىم جاقسى تۇسىنۋگە كومەكتەسىپ، باجى تيىمدىلىك ساياساتىنىڭ اناعۇرلىم تەز، اناعۇرلىم جۇيەلى، اناعۇرلىم ٴدال تياناقتانۋىن ىلگەرىلەتۋ ٴۇشىن، قورعاس ٴنول ارالىق تەكشەسى «جەڭىلدىك ساياسات» ارناۋلى ايدارىن اشىپ، باجىدە تيىمدىلىك جاساۋ ساياساتىن ۇگىتتەۋ تەبىنىن ارتتىرىپ، كاسىپورىندارعا تيىمدىلىك جاساۋ ساياساتىنىڭ تىكەلەي جەتكىزىلۋ، تەز يگىلىگىن كورسەتۋ حيكاياسىن بايانداپ، كاسىپورىنداردىڭ دامۋ سەنىمىن بەكەمدەپ، ناقتى ەكونوميكانىڭ جوعارى ساپالى دامۋىنا دەم بەردى.

شارۋاشىلىق ـ ساۋدا ورتاسى − ٴبىر جەردىڭ ەكونوميكالىق دامۋىنىڭ ”جۇمساق كۇشى“، قورعاس مەملەكەت پەن اۆتونوميالى رايون جۇكتەگەن ٴتيىمدى ساياساتتى تياناق ەتىپ، وڭىرلىك ورىن، وتكەل، ساياسات، ەسىك اشۋ سياقتى ارتىقشىلىقتاردى تولىق ساۋلەلەندىرىپ، تاماشا شارۋاشىلىق ـ ساۋدا ورتاسى ارقىلى كاسىپورىنداردىڭ جوعارى ساپالى دامۋىنا دەم بەردى.

8 - ايدىڭ 16 ـ كۇنى ٴتىلشى قورعاس چيۋپي ساۋدا ـ ونەركاسىپ شەكتى سەرىكتەستىگىنە بارعاندا، جۇمىسشىلار ٴوندىرىس جەلىسىندە قاربالاس جۇمىس ىستەپ جاتىپتى، قازىر بۇل كاسىپورىن جىلىنا 15 ميلليون دانا تەرىنى ازوت بوياۋىمەن مانەرلەۋ قۋاتىنا يە، ورتا ازيا ەلدەرىنە بەت العان بۇل كاسىپورىن جىلىنا 800 مىڭ دانا تەرى كيىم ـ كەشەك ساتادى.

قورعاس چيۋپي ساۋدا ـ ونەركاسىپ شەكتى سەرىكتەستىگىنىڭ باس ديرەكتورى ليۋ يۇي ـ ان بىلاي دەدى: ”بىلعارى كيىمدەردىڭ قاۋىرت ساتىلاتىن مەزگىلى قىس ماۋسىمى، زات قاينارىنا كەپىلدىك ەتۋ ٴۇشىن، سەرىكتەستىك بيىل 5 ـ ايدا وندىرىسكە كىرىستى، قازىرگە دەيىن 20 مىڭعا جۋىق تاپسىرىس قابىلدادى، 80 نەن استام جۇمىسشى ٴوندىرىس جۇرگىزۋدە“.

ۇعىسۋعا قاراعاندا، الداعى 3 تە 5 جىلدا كاسىپورىن تەرى يلەۋ، مانەرلەۋ، بىلعارى كيىم - كەشەكتەردى ٴوندىرۋ،  بىلعارى كيىم - كەشەكتەردى حالىقارادا باسەكەلەستىرىپ ساتۋ كاسىبى، بىلعارى كيىم - كەشەكتەردى تاپسىرىس بويىنشا حالىقارالىق كورمەلەپ ساتۋ ورتالىعى سياقتى ساۋدالاۋ، مانەرلەۋ، ٴوندىرۋ، كورمەگە قويۋ، ساتۋ ٴبىر تۇلعالانعان بىلعارى كيىم - كەشەك تىگەتىن تۇتاس كاسىپ سالاسى تىزبەگى نىسانىن قۇرىپ، كاسىپ تىزبەگىنىڭ ٴارقايسى بۋىندارىنداعى كاسىپورىنداردى باۋلىپ، جەتىلدىرىپ، 10 ميلليارد يۋاندىق بىلعارى كيىم - كەشەك كاسىپ شوعىرىن جەتىلدىرىپ، 1 -، 2 -، 3 - كاسىپتەردىڭ توعىسپالى دامۋىن ىلگەرىلەتەدى ەكەن.

ليۋ يۇي ـ ان بىلاي دەدى: ”ٴبىز بىلعارى كيىم - كەشەك تىگۋدىڭ تۇتاس كاسىپ سالاسى تىزبەگىن كەمەلدەندىردىك، اسىرەسە، سۋسار باعىمشىلىعى، بىلعارىنى ازوتپەن بوياۋ، بىلعارىنى باسەكەلەستىرىپ ساتۋ سياقتى ماڭىزدى بۋىندار بويىنشا جوعارى ـ تومەنگى بۋىنداعى كاسىپ سالاسىن ىرگە تەبۋگە باۋراپ، 10 ميلليارد يۋاندىق كاسىپ سالاسى باقشا رايونىن قۇردىق“.

كاسىپورىندار جالپىلىق قورعامالى باجى رايونى مەن سەلبەستىك ورتالىعىنىڭ ”الدى دۇكەن، ارتى قامبا، الدى دۇكەن، ارتى زاۆود“ سىندى باسىمدىلىعىنان تولىق پايدالانىپ، تايلاند، كامبودجا سياقتى جەرلەردەن شيكىزات يمپورت ەتىپ، كەشەندى قورعامالى باجى رايونىنا اكەلىپ وڭدەيدى، وڭدەلگەن ونىمدەردى جۇڭگو - قازاقستان قورعاس حالىقارالىق شەكارالىق سەلبەستىك ورتالىعىندا كورمەلەپ ساتىپ، كاسىپورىننىڭ وندىرىستەگى وزىندىك قۇنىن ۇنەمدەپ قانا قالماستان، ٴتىپتى دە كوپ ورتا ازيا مەن رەسەيدىڭ ساۋداگەرلەرىن ساتىپ الۋعا باۋرايدى.

ليۋ يۇي - ان بىلاي دەدى: ”ٴبىز جالپىلىق قورعامالى باجى رايونى ىشىندە كاسىپورىن تابىس باجىسىنىڭ ’بەستى كەشىرۋ، بەستى ازايتۋ‘ جانە قورعامالى باجى بويىنشا مانەرلەۋ، قورعامالى باجى زات اينالىمى، قورعامالى باجى بويىنشا قامبادا ساقتاۋ سياقتى ٴتيىمدى ساياساتتاردان يگىلىكتەنۋدەن سىرت، توقىماشىلىق كاسىپورنى بولعان ٴبىز تاعى دا ەلەكتردەن تومەن باعادا  يگىلىكتەنەمىز. قورعاس قالاسى نىسانداردىڭ ىرگە تەبۋى بارىسىندا قارجى قوسۋ ارقىلى قىزمەت وتەۋ ورتالىعىنىڭ تۇتاس بارىستىق قىزمەت وتەۋىن جەبەپ، كاسىپورىنداردا تۇرىپ قىزمەت ىستەۋگە ارناۋلى ادام جىبەرىپ، كۋالىكتەردى ٴبىتىرۋ، جۇمىسشى قابىلداۋ جانە كورمەگە قاتىناسۋ، جينالىسقا قاتىناسۋ سياقتى بارىستاردا قاتىستى تاراۋلارمەن ىرىقتىلىقپەن ۇشتاسىپ، ٴبىزدىڭ ماسەلەنى شەشۋىمىزگە كومەكتەسىپ، ورتا ازيا جانە رەسەي بازارىن تەز ارادا اشۋىمىزعا دەم بەردى“.