تـىـلـشىلـەرىـمىز لـۋ جـۇڭ، يان جيە حابارلايدى. شينجياڭ بيانجياڭ قوناق ٴۇيى مەملەكەتتىڭ بازاردان ساتىپ الۋ ساۋدا ٴتاسىلى سىناق ٴتۇيىنى (قۇلجا) قىزمەت وتەۋ ورتالىعىنىڭ كەلىسىمگە قول قويۋ جانە ماڭدايشالىق اشۋ سالتى 9 - ايدىڭ 11 - كۇنى قۇلجا قالاسىنىڭ شەكارا اتتاعان ەلەكتروندى ساۋدا كاسىپ باقشاسىندا وتكىزىلدى، شينجياڭ بيانجياڭ قوناق ٴۇيى شەكتى جاۋاپكەرشىلىك سەرىكتەستىگى قۇلجا قالاسى نيڭحى كاسىپ سالاسىن دامىتۋ شەكتى جاۋاپكەرشىلىك سەرىكتەستىگىمەن كەلىسىمگە قول قويىپ، شينجياڭ بيانجياڭ قوناق ٴۇيى مەملەكەتتىڭ بازاردان ساتىپ الۋ ساۋدا ٴتاسىلى سىناق ٴتۇيىنى (قۇلجا) قىزمەت وتەۋ ورتالىعى رەسمي ماڭدايشالىق اشتى.

بازاردان ساتىپ الۋ ساۋدا ٴتاسىلى دەگەنىمىز سىرتقى ساۋدا تيجاراتشىلارى رۇقسات ەتىلگەن بازارلار شوعىرلانعان رايوننان تاۋار ساتىپ الاتىن، ٴار تالوندا مالىمدەلگەن زات قۇنى 150 مىڭ امەريكا دوللارى ىشىندە (150 مىڭ امەريكا دوللارىن قامتيدى) بولاتىن ٴارى ساتىپ الاتىن ورىندا ەكسپورت رەسمياتىن وتەيتىن ساۋدا ٴتاسىلىن كورسەتەدى. بۇل ٴتاسىل − مەملەكەتتىك كەڭەس ٴتۇيىندى قولداپ وتىرعان سىرتقى ساۋدانىڭ جاڭا كاسىپ كۇيى، باستىسى، حالىقارالىق ساتىپ الۋشى ساۋداگەرلەردىڭ جۇڭگونىڭ كاسىپتىك بازارىنان تاۋار ساتىپ الۋىنا قولايلىلىق جاراتىپ، ەكسپورت رەسمياتى قاراپايىمداستىرىلعان، كەدەننەن ٴوتۋى تەز، قولايلى بولۋ، ارتقان قۇن سالىعى الىنباۋ سياقتى ەرەكشەلىكتەرگە يە.

شينجياڭ بيانجياڭ قوناق ٴۇيى شەكتى جاۋاپكەرشىلىك سەرىكتەستىگى (تومەندە قىسقاشا ”بيانجياڭ قوناق ٴۇيى“ دەلىنەدى) − اۆتونوميالى رايوننىڭ 1039 بازاردان ساتىپ الۋ ساۋدا ٴتاسىلىن قولدانعان سىناق ٴتۇيىنىنىڭ باستاماشىسى، بيانجياڭ قوناق ٴۇيى قۇرعان ”شينماۋتۇڭ“ بازاردان ساتىپ الۋ ساۋداسىنىڭ توراپتاستىرىلعان ينفورماتسيا تۇعىرى كەدەننەن ٴوتۋ، سالىق، سەنىمدىلىك، زات اينالىمى، پەرەۆود قابىلداۋ سياقتى ٴتۇرلى قىزمەت وتەۋدى ٴبىر تۇعىردا ٴبىتىرۋدى جۇزەگە اسىرىپ، ساۋدانىڭ قولايلىلاسۋ دەڭگەيىن ۇزدىكسىز كۇشەيتتى. 2023 - جىلى بيانجياڭ قوناق ٴۇيىنىڭ بازاردان ساتىپ الۋ ساۋدا سوماسى 106 ميلليون يۋانعا جەتتى. بيىل بيانجياڭ قوناق ٴۇيى ۇزدىكسىز ٴورىس اشا جاڭالىق اشىپ، بازاردان ساتىپ الۋ ساۋداسى بۇكىل شينجياڭ وڭىرىندە كەدەننەن ٴوتۋدى ٴبىر تۇلعالاندىرۋدى جۇزەگە اسىردى، قازىرگە دەيىن بازاردان ساتىپ الۋ ساۋدا ٴتاسىلىنىڭ ەكسپورت سوماسى ٴبىر ميلليارد 100 ميلليون يۋاننان استى.

” شينجياڭ بيانجياڭ قوناق ٴۇيى مەملەكەتتىڭ بازاردان ساتىپ الۋ ساۋدا ٴتاسىلى سىناق ٴتۇيىنى (قۇلجا) قىزمەت وتەۋ ورتالىعى ٴساتتى تياناقتانعان سوڭ، ٴبىز قاتىستى كاسىپتىك قىزمەتكەرلەردى باۋلۋ تەبىنىن ارتتىرىپ، بيانجياڭ قوناق ٴۇيى ”شينماۋتۇڭ“ بازاردان ساتىپ الۋ ساۋداسىنىڭ توراپتاستىرىلعان ينفورماتسيا تۇعىرىنان پايدالانىپ، ىلەدەگى قالىڭ بازار تيجارات تۇلعالارى مەن ورتا، شاعىن، ۇساق كاسىپورىنداردى ’ٴبىر بەكەتتىك‘ سىرتقى ساۋدا جالپىلىق قىزمەت وتەۋىمەن قامداپ، اناعۇرلىم حاۋىپسىز، قولايلى، جوعارى ٴونىمدى سىرتقى ساۋدا ەكسپورتىنىڭ جاڭا ارناسىن قۇرامىز. سونىمەن بىرگە، ٴبىز تاعى تۇزىمدە جانە ۇلگىدە جاڭالىق اشۋدى كۇشەيتىپ، ەكى جەردىڭ سىرتقى ساۋداسىنىڭ جوعارى ساپالى دامۋىن جەبەيمىز“ دەدى شينجياڭ بيانجياڭ قوناق ٴۇيى شەكتى جاۋاپكەرشىلىك سەرىكتەستىگى پارتكومىنىڭ مۇشەسى، ورىنباسار باس ديرەكتورى ما جيڭفىڭ تىلشىگە.

قۇلجا قالاسى مەملەكەتتىڭ ”ٴبىر بەلدەۋ، ٴبىر جولدى“ بىرگە قۇرۋ باستاماسى ورايىن اناعۇرلىم مىقتاپ يگەرىپ، جۇڭگو (شينجياڭ) ەركىن ساۋدا سىناق رايونىنىڭ قورعاس اۋماعىنان، سونداي - اق جۇڭگو (ىلە) شەكارا اتتاعان ەلەكتروندى ساۋدا جالپىلىق سىناق رايونىنان پايدالانىپ، كاسىپورىن دارەجەسىنە كوتەرىپ، ەۆروپا مەن ازياعا بەت العان وڭىرلىك ورىن باسىمدىعىنان، كەمەلدى بازار باسىمدىعىنان، كەمەلدى تۇرمىستىق سايكەسپەلى بۇيىمدار باسىمدىعىنان، تاس جول، تەمىر جول، اۆياتسيا شوعىرلانعان قاتىناس باسىمدىعىنان تولىق پايدالانىپ، وتكەرمەلى اۆتوكولىكتەردى ەكسپورت ەتۋ، شەكارا اتتاعان ەلەكتروندىق ساۋدا، قاراستى جەرگە تىكە جەتكىزۋ سياقتى سىرتقى ساۋدانىڭ جاڭا ۇلگىسىن، جاڭا كاسىپ كۇيىن بەلسەنە كەڭەيتتى.

”بازاردان ساتىپ الۋ ساۋدا تاسىلىندە ادەتتەگى ساۋدا تاسىلىمەن سالىستىرعاندا، بازارعا كىرۋگە رۇقسات ەتۋ شارتى ٴتىپتى دە تومەن، ەكسپورت ەتۋدە كەدەننەن ٴوتۋ ٴتىپتى دە تەز، سالىق ساياساتى ٴتىپتى دە ساپالى، شەتەل اقشاسىن باسقارۋ ٴتىپتى دە يكەمدى بولۋ سياقتى ەرەكشەلىكتەرگە يە بولىپ، كاسىپورىنداردىڭ شارۋاشىلىق وزىندىك قۇنىن تومەندەتۋمەن بىرگە، ٴتىپتى دە قولايلى، تەز بولىپ، سىرتقى ساۋدا ەكسپورتىندا ٴبىرشاما زور جەبەۋ رولىن اتقارادى. بيانجياڭ قوناق ٴۇيىنىڭ ’شينماۋتۇڭ‘ بازاردان ساتىپ الۋ ساۋداسىنىڭ توراپتاستىرىلعان ينفورماتسيا تۇعىرى قۇلجا قالاسىنىڭ سىرتقى ساۋدا كاسىپورىندارىنىڭ ۇلعايۋىنا، كۇشەيۋىنە پارمەندى كەپىلدىك ازىرلەيدى. قازىر جەرگىلىكتى ورىندا 1039 بازاردان ساتىپ الۋ ساۋدا ٴتاسىلى قىزمەت وتەۋ ورتالىعىنا كىرگەن كاسىپورىن 5 كە جەتتى، سوڭعى مەزگىلدە ٴبىز ساۋداگەر شاقىرىپ، قارجى ەنگىزۋ سياقتى تاسىلدەر ارقىلى ٴتىپتى دە كوپ كاسىپورىندى قاتىناسۋعا باۋراپ، بۇل كاسىپتى قۇلجا قالاسىنىڭ سىرتقى ساۋداسىنىڭ جاڭا كۇش سالۋ تۇيىنىنە اينالدىرامىز“ دەدى قۇلجا قورعامالى سالىق زات اينالىمى ورتالىعىن باسقارۋ كەڭسەسىنىڭ كادرى تۇڭ كاي.