سۋرەتتە: سابيلەر باي مازمۇندى، قىزىققا تولى ويىندار ويناۋدا.   جاڭ يان فوتوسى

ەرىكتى تىلشىلەر جاڭ يان، ساي جىنيۇي حابارلايدى. 3 - ايدىڭ 28 - كۇنى قۇلجا قالاسىنداعى ۇكىمەت قارجى قوسىپ سالعان حالىق باسقارۋىنداعى تۇڭعىش اماناتتاپ تاربيەلەۋ قۇرىلىمى − ىلە وبلىستىق 5 - اماناتتاپ تاربيەلەۋ بويىنشا قىزمەت وتەۋ ورتالىعى رەسمي اشىلىپ، قۇلجا قالاسىنداعى 3 جاستان تومەنگى بوبەكتەرىن باقتىراتىن وتباسىلار ٴۇشىن تىڭ جول اشتى. 

باقشا اشىلعان العاشقى كۇنى ٴتىلشى ىلە وبلىستىق 5 - اماناتتاپ تاربيەلەۋ بويىنشا قىزمەت وتەۋ ورتالىعىنان كاسىپتىك مۇعالىمنىڭ باستاۋىندا، بوبەكتەردىڭ باي مازمۇندى، الۋان ٴتۇرلى ”اماناتتاپ تاربيەلەۋدىڭ العاشقى كەشىرمەسىن“ باستان وتكەرىپ جاتقانىن كوردى. وسى ورتالىقتىڭ ىشىنە جايلى دا قىزىقتى، حاۋىپسىز، ورتاعا زالالسىز ويىن قۇرىلعىلارى تولىق ورنالاستىرىلىپتى، بۇل كىتاپ وقۋ رايونى، ويىن رايونى، دەمالىس رايونى سياقتى فۋنكتسيالىق رايوندارعا ٴبولىنىپ، ٴتۇرلى جاس شاماسىنداعى بوبەكتەردىڭ قيمىل قاجەتىن قاناعاتتاندىرادى ەكەن.

ىلە وبلىستىق 5 ـ اماناتتاپ تاربيەلەۋ بويىنشا قىزمەت وتەۋ ورتالىعى ــ قۇلجا قالاسىنىڭ ۇجمالىك جولىنا ورنالاسقان، يەلەگەن جەر كولەمى 7 مۋ، قۇرىلىس كولەمى 3800 شارشى مەتر، 10 كلاس، 150 كۇتىمدەۋ ورنى بار بولىپ، 0 - 3 جاس ارالىعىنداعى سابيلەردى تولىق كۇندىك اماناتتاۋ، جارىم كۇندىك اماناتتاۋ، ۋاقىتتىق اماناتتاۋ، كەشىكتىرىپ اماناتتاۋ، ساعاتتىق اماناتتاۋ، تۇنگى اماناتتاۋ سياقتى جاقتاردان قىزمەت وتەيدى. بۇل ورتالىق سابيلەردىڭ جاس ەرەكشەلىگى مەن ەسەيۋ قاجەتىنە ساي، باي مازمۇندى ويىن قيمىلدارىن ورنالاستىرىپ، ٴتىل، تانىم، قوعامدىق قارىم - قاتىناس، دەنەتاربيە سياقتى جاقتارداعى قابىلەتىنىڭ جەتىلۋىن جەبەپ، سابيلەردىڭ حاۋىپسىز، جايلى، كوڭىلدى ەسەيىپ - ەرجەتۋ ٴۇشىن تاماشا ورتا ازىرلەپ بەرەدى.

بۇل ورتالىقتىڭ ىسكە قوسىلۋى مەملەكەتتىڭ، اۆتونوميالى رايوننىڭ 3 جاستان تومەنگى سابيلەردى كۇتىمدەۋ جاعىنان قىزمەت وتەۋدى دامىتۋ جونىندەگى شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋداعى ناقتى ارەكەتى بولىپ، قۇلجا قالاسىنداعى وتباسىلاردىڭ بالا تاربيەلەۋ قىسىمىن ٴونىمدى جەڭىلدەتىپ، حاۋىپسىز، اقاۋسىز، عىلمي كۇتىمدەۋ قىزمەت وتەۋىمەن قامدايدى.

”قۇرىلىمىمىزدا اماناتتاپ تاربيەلەۋ نەگىز ەتىلەدى، نارەستە قىرقىنان شىعىسىمەن - اق اماناتتاۋعا بولادى“ دەپ تانىستىردى ىلە وبلىستىق 5 ـ اماناتتاپ تاربيەلەۋ بويىنشا قىزمەت وتەۋ ورتالىعىنىڭ جاۋاپتىسى چىن ليحۋا.

ۇعىسۋعا قاراعاندا، «ىلە وبلىسىنا توتە قاراستى ورىندارداعى سابيلەردى اماناتتاپ تاربيەلەۋگە قوسىمشا قاراجات بەرۋدى اتقارۋ جوباسىنا (سىناق رەتىندە اتقارىلادى)» نەگىزدەلگەندە، ىلە وبلىسىنا توتە قاراستى ورىنداردىڭ ناپوسىنداعى ەكى بالالى، ٴۇش بالالى وتباسىلارىنىڭ اماناتتاپ تاربيەلەۋگە بەرىلگەن 3 جاستان تومەنگى 2 -، 3 - بالالارىنا قوسىمشا قاراجات بەرىلەدى، سونداي - اق ىلە وبلىسىندا ەستەلىككە الىنعان تاربيەلەۋ قۇرىلىمدارىنا كىرۋ شارتى بويىنشا، 2 - بالاسىنا 200 يۋان، 3 - بالاسىنا اي سايىن 300 يۋان ولشەم بويىنشا كەلەسى جىلى 3 - ايدىڭ سوڭىنان بۇرىن تاربيەلەۋ قۇرىلىمىنا قوسىمشا قاراجات بەرۋدى ٴوتىنىش ەتۋىنە بولادى ەكەن.