وبلىستىق ساياسي كەڭەستىڭ ”ازامات جاسىنا تولماعانداردىڭ قىلمىس وتكىزۋىنەن ساقتانۋ جانە ونى باسقارۋدى كۇشەيتۋ“ ماۋسىمدىق كەڭەس ٴماجىلىسى اشىلدى

تىلشىلەرىمىز ٴپاتيما، اراي حابارلايدى. 4 - ايدىڭ 8 - كۇنى ىلە وبلىستىق ساياسي كەڭەس ”ازامات جاسىنا تولماعانداردىڭ قىلمىس وتكىزۋىنەن ساقتانۋ جانە ونى باسقارۋدى كۇشەيتۋ“ ماۋسىمدىق كەڭەس ٴماجىلىسىن اشىپ، ازامات جاسىنا تولماعانداردىڭ قىلمىس وتكىزۋىنەن ساقتانۋ، ونى باسقارۋ جۇيەسى قۇرىلىسىن ونان ارى ىلگەرىلەتتى. وبلىستىق ساياسي كەڭەستىڭ ٴتوراعاسى سەرجان ۇعىباي  ماجىلىسكە قاتىناستى ٴارى ٴسوز سويلەدى.

سوڭعى جىلداردان بەرى، ىلە وبلىسى ازامات جاسىنا تولماعانداردىڭ قىلمىس وتكىزۋىنەن ساقتانۋ جانە ونى باسقارۋ قىزمەتىنە وسكەلەڭ ٴمان بەرىپ، ازامات جاسىنا تولماعانداردى ” 8 - بەسجىلدىق “ زاڭ جالپىلاستىرۋدىڭ ٴتۇيىندى وبيەكتىسى ەتىپ، جالپى حالىقتىق زاڭ جالپىلاستىرۋدىڭ ٴتۇرلى قىزمەتتەرىمەن بىرگە ورنالاستىرىپ، بىرگە تەكسەرىپ، بىرگە تياناقتاندىردى؛ «ازامات جاسىنا تولماعانداردى ٴادىليالىق جاقتان قۇتقارۋ ٴتۇزىمى» سياقتىلاردى بەلگىلەپ، وتباسى، مەكتەپ، قوعام، ينتەرنەت، ۇكىمەت، ٴادىليا سىندى ”التى جاقتان قورعاۋ“ جۇيەسىن ورناتىپ، تۇتاس قوعام بىرگە ات سالىساتىن تاماشا جاعداي قالىپتاستىردى. سونىمەن بىرگە، ازامات جاسىنا تولماعانداردى قورعاۋدان ۇلگى كورسەتۋ تۇيىندەرىن بەلسەنە قۇرىپ، بارلىق مەكتەپتەرگە زاڭمەن باسقارۋعا جاۋاپتى ورىنباسار مەكتەپ باستىقتارىن تولىق سەپتەپ، ٴتۇرلى مەكتەپتەردە پسيحيكالىق اقاۋسىزدىقتى جاپپاي تەكسەرۋ قىزمەتىن بىرتىندەپ ورىستەتىپ، ازامات جاسىنا تولماعانداردى قورعاۋ پۋنكتى قۇرىلىسىن جانە ونى ىسكە قوسۋدى بەلسەنە ىلگەرىلەتىپ، كوپ نەگىزدى قورعاۋ قىزمەت نەگىزىن ونان ارى بەكەمدەدى.

ماجىلىستە مىنالار تالاپ ەتىلدى: بۇكىل وبلىستاعى ٴار دارەجەلى ساياسي كەڭەستەر، ساياسي كەڭەسكە قاتىناسۋشى ٴارقايسى ورىندار جانە ٴار ۇلت، ٴار سالا مۇشەلەرى ازامات جاسىنا تولماعانداردىڭ اقاۋسىز جەتىلۋىنە وسكەلەڭ ٴمان بەرىپ، ازامات جاسىنا تولماعانداردىڭ قىلمىس وتكىزۋىنەن ساقتانۋدىڭ جانە ونى باسقارۋدىڭ ستراتەگيالىق ٴمانى مەن ساياسي ٴمانىن جەتە تانۋى؛ ماسەلەنى نىشان ەتۋدەن جازباي، دالمە - ٴدال شارا قولدانىپ، ازامات جاسىنا تولماعانداردىڭ قىلمىس وتكىزۋىن جونگە سالۋ قيىن بولۋ ماسەلەلەرىن شەشۋى؛ جاۋاپكەرشىلىك ارقالاۋدى كۇشەيتىپ، ساياسي كەڭەستىڭ باسىمدىعىن ساۋلەلەندىرىپ، كەڭەستىك دەموكراتيا ارقىلى باياندى مەحانيزم قۇرىلىسىن ىلگەرىلەتىپ، قورعاۋ تورىن بىرگە بەكەمدەپ، زاڭمەن باسقارۋ نەگىزىن كۇشەيتىپ، قوعام كۇشىن ۇيىستىرۋ كەرەك.

ٴماجىلىس ”وبلىسقا توتە قاراستى ورىنداردىڭ ازامات جاسىنا تولماعانداردىڭ قىلمىس وتكىزۋىنەن ساقتانۋ جانە ونى باسقارۋدى كۇشەيتۋ“ جونىندەگى تەكسەرۋ - زەرتتەۋ جاعدايىن حابارلاندىردى. وبلىستىق پروكۋراتۋرا، وقۋ - اعارتۋ مەكەمەسى، ايەلدەر بىرلەستىگى جانە قۇلجا اۋدانى، شاپشال سىبە اۆتونوميالى اۋدانى كەڭەس تاقىرىبىن تىعىز ارقاۋ ەتىپ، پىكىر اۋىستىرىپ، ٴسوز سويلەدى.