ىلە وبلىستىق ساياسي كەڭەس كىتاپ وقۋ، وي ٴبولىسۋ قيمىلىن وتكىزدى

تىلشىلەرىمىز ۋاڭ جىحۋا، ليۋ دۇڭيۋە حابارلايدى. 4 - ايدىڭ 22 - كۇنى كوكدالا قالالىق كىتاپحانادان كىتاپ وقۋدىڭ قويۋ لەبى ەستى، ىلە وبلىستىق ساياسي كەڭەستىڭ ەكونوميكا كوميتەتى كوكدالا قالالىق ساياسي كەڭەسپەن بىرلەسىپ، ”ٴسوزدى ۇيرەنۋ، اقىل - پاراساتقا دەم بەرۋ، ورتاق تانىم ۇيىستىرىپ، دامۋدى جەبەۋ“ اتىنداعى كىتاپ وقۋ، وي ٴبولىسۋ قيمىلىن وسىندا وتكىزدى، ساياسي كەڭەستىڭ 20 نەشە مۇشەسى ورگان كادرلارىمەن بىرگە ”ۇيرەنۋ، وقۋ، ٴتۇسىنۋ، بايانداۋ“ ۇلگىسىندە كوپ ساتىلى ىقپالداستىق جاساسىپ، وي توعىستىرۋ بارىسىندا حالىقتىق شارۋاشىلىقتىڭ جوعارى ساپالى دامۋىنىڭ جاڭا جولىن قاراستىرىپ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋگە، ساياسي كەڭەس مۇشەلەرىنىڭ مىندەت اتقارۋ قابىلەتىن جانە ”كىتاپ وقۋ مەرەيىنە شومعان ساياسي كەڭەس“ قۇرىلىسىن كۇشەيتۋگە دەم بەردى.

قيمىل الاڭىندا ساياسي كەڭەس مۇشەلەرى باس شۋجي شي جينپيڭنىڭ حالىقتىق كاسىپورىنداردىڭ اڭگىمە ماجىلىسىندە سويلەگەن ماڭىزدى ٴسوزىنىڭ رۋحىن بىرگە ۇيرەنگەننەن كەيىن جەكە - جەكە ٴوز مىندەت جاۋاپكەرشىلىكتەرىن تياناق ەتىپ، اسەرلەرىن سويلەپ، ويلارىن ايتىپ، شىنايى لەبىزدەرىن ٴبىلدىردى؛ ”ەكىدەن، استە، اۋىتقىماۋ“ ساياساتىنىڭ ماڭىزدى تۇيىندەرىنە تەرەڭ تۇسىنىك جاسادى؛ كاسىپورىنداردىڭ ٴىس جۇزىندىگىمەن ۇشتاستىرىپ، تالداۋ جاسادى؛ دارىندىلاردى ەنگىزۋ مەن عىلىم - تەحنيكادا جاڭالىق اشۋدان قامال الۋدىڭ جولىن قاراستىردى؛ نازاردى ۇكىمەتتىك قىزمەت وتەۋدى ساپالىلاندىرۋ، جوعارىلاتۋ جاعىنا شوعىرلاندىردى. وي ورتاقتاسۋ بارىسىندا ساياسي كەڭەس مۇشەلەرى حالىقتىق كاسىپورىنداردىڭ دامۋ ماسەلەسىنە ىشكەرىلەي وي جۇگىرتىپ، وسكەلەڭ نازار اۋدارۋدان سىرت، جاقسى كىتاپتى تانىستىرۋ، ولەڭ - جىر وقۋ سياقتى فورمالارمەن جاقسى ٴۇن قاتىپ، وڭ ەنەرگيا جەتكىزىپ، كىتاپتاعى بىلىمدەرمەن ٴاربىر ادامنىڭ جان دۇنيەسىنە ٴنار سيلادى.

 ”وسى رەتكى كىتاپ وقۋ، وي ٴبولىسۋ جينالىسىنا قاتىناسقانىما توتەنشە قۋانىشتىمىن، كىتاپ وقۋ جينالىسىنىڭ نەگىزگى تاقىرىبى وتە ايقىن بولىپ، مۇشەلەردىڭ ٴوزارا ىقپالداستىعى مەن اۋىس - كۇيىسى مەنى حالىقتىق كاسىپورىنداردىڭ دامۋى جونىندە ٴتىپتى دە تەرەڭ تانىمعا جانە اسەرگە يە ەتتى، ٴبىز ٴوز قىزمەتىمىزبەن ۇشتاستىرىپ، كاسىپورىندارعا قىزمەت وتەۋدى ونان ارى ويداعىداي ورىستەتىپ، ساياسي كەڭەس مۇشەلەرىنىڭ رولىن تولىق ساۋلەلەندىرىپ، ٴوز قىزمەت ورنىمىزدا ىلە وبلىسىنىڭ ونەركاسىپ ەكونوميكاسىنىڭ دامۋى ٴۇشىن قۇلشىنامىز“ دەدى ىلە وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ان يۇيرۇڭ.

 كوكدالا قالالىق ساياسي كەڭەستىڭ ورىنباسار ٴتوراعاسى سۋ جۇنجياڭ قيمىلعا قاتىناسقاننان كەيىن كوپ ولشەمدى ۇيرەنۋ جۇيەسىن قۇرىپ، الدىڭعى لەكتىك نازاريالىق تالقى، كاسىپورىنشىلار ساباقحاناسى، كاسىپورىنداردا ىشكەرىلەي تەكسەرۋ ـ زەرتتەۋ جۇرگىزۋ سياقتى تاسىلدەر ارقىلى كىتاپ وقۋ جەتىستىكتەرىن ۇكىمەت ىسىنە اقىل ـ كەڭەس بەرۋدىڭ ۇتىمدى امالىنا اينالدىرۋدى ۇسىنىس ەتتى.

سۋرەتتەردە: كىتاپ وقۋ، وي ٴبولىسۋ جينالىسى.         ليۋ دۇڭيۋە فوتوسى