ٴتىلشىمىز گۋ رۇڭ، ەرىكتى ٴتىلشى تۇڭ روشين حابارلايدى. 4 - ايدىڭ 24 - كۇنى وبلىستىق پارتكوم قارت كادرلار مەكەمەسى ۇيىمداستىرعان، وبلىستىق قارت كادرلار قيمىل ورتالىعى (قارتتار داشۋەسى)، جياڭسۋ - ىلە قارت كادرلار قيمىل ورتالىعى جانە ىلەنىڭ ٴارقايسى اۋدان - قالالىق پارتكومى قارت كادرلار مەكەمەسى ۇستىنە الىپ وتكىزگەن ”كورىكتى شينجياڭ . شۇعىلالى 70 جىل“ اتىنداعى ىلە وبلىستىق قارت كادرلار مەكەمەسى ادەبيەت - كوركەمونەر بولىمشە اترەتىندەگىلەردىڭ نەگىزگى ساتىعا بارۋ قيمىلى رەسمي باستالدى.

قارت كادرلار مەكەمەسى ادەبيەت ـ كوركەمونەر بولىمشە اترەتىندەگىلەر قيمىلدىڭ العاشقى ايالداماسى رەتىندە قۇلجا قالاسى داۋلەتباق ٴمالىسى باسقارماسىنىڭ تورتكوپىر الەۋمەتتىك اۋماعى مەن كونچى الەۋمەتتىك اۋماعىنا باردى. كونسەرت الاڭىندا قارت كادرلار مول كوركەمونەرلىك بىلىمدەرىنە سۇيەنىپ، وزدەرى الا كەلگەن ٴان ـ ٴبي، اسپاپتىق مۋزيكا ورىنداۋ، ولەڭ وقۋ سياقتى نومىرلەرمەن تۇرعىنداردىڭ ەسىك الدىنا بارىپ ادەبيەت ـ كوركەمونەر سالتاناتىن سيلادى.

ٴوزارا ىقپالداستىق پەن قىزعىندىلىقتى ارتتىرۋ ٴۇشىن قيمىلدا شەڭبەر تاستاۋ، قۇم دوربا لاقتىرۋ سياقتى قىزىقتى ويىندار ورنالاستىرىلدى، تۇرعىندار بەلسەنە ات سالىسىپ، الاڭدى شاپالاق ٴۇنى مەن دۋماندى كۇلكى كەرنەدى. كونسەرت سوڭىندا ٴار ۇلت بۇقاراسى ارتيستەرمەن بىرگە ٴماشىراپ بيىنە باسىپ، الاڭنىڭ دۋمانىن اسىردى ٴارى قيمىلدى ٴوز مارەسىنە جەتكىزدى.

وسى رەتكى قيمىل ادەبيەت ـ كوركەمونەردى دانەكەر ەتىپ، جۇڭحۋانىڭ تاڭداۋلى ٴداستۇرلى مادەنيەتىن ىلەنىڭ وڭىرلىك ەرەكشەلىگىمەن ۇشتاستىرىپ، بۇقارانىڭ رۋحاني مادەنيەت تۇرمىسىن بارىنشا بايىتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، مادەنيەت ارقىلى شينجياڭدى نارلەندىرۋ جەتىستىكتەرىن نەگىزگى ساتىدا تامىر تارتقىزىپ، گۇل اشقىزىپ، جەمىس بەرگىزدى.

سۋرەتتە: ادەبيەت ـ كوركەمونەر بولىمشە اترەتىندەگىلەردىڭ نەگىزگى ساتىعا بارىپ ويىن قويعان ٴساتى.    گۋ رۇڭ فوتوسى