سۋرەتتە: قيمىل مايدانى.    سۋرەتتى چي يجوۋ تۇسىرگەن

ەرىكتى ٴتىلشى چي يجوۋ حابارلايدى. 4 - ايدىڭ 24 - كۇنى جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابىنىڭ ”شينجياڭدى مادەنيەتپەن نارلەندىرۋ“ ينجەنەرياسىنىڭ كۇش سالا قولداۋىندا ”قاراپايىم دا كوركەم مىڭ جىلدىق تاس كىتاپ − شينجياڭ ىلە قازاق اۆتونوميالى وبلىسىنىڭ تاس ويما سۋرەت كوركەمونەر كورمەسى“ نانجيڭ داشۋەسى شيانلين مەكتەپ رايونى شيڭيۇنلوۋ مۇراجايىنىڭ كورمە زالىندا وتكىزىلدى. وسى رەتكى كورمەنى نانجيڭ داشۋەسى مەن وبلىستىق مادەني مۇرالار مەكەمەسى ۇيىمداستىرعان، نانجيڭ داشۋەسى مۇراجايى مەن ىلە وبلىستىق مۇراجاي بىرلەسىپ وتكىزگەن، مۇنداعى ماقسات ىلەنىڭ مول تاريحي مادەنيەت بايلىعىن ايگىلەپ، ٴتىپتى دە كوپ ادامعا ىلەدەگى جارتاس سۋرەتتەرىنىڭ وزگەشە تارتىمدىلىعىن سەزىندىرۋ.

اشىلۋ سالتىندا ەكى جاق ”ىلە وبلىستىق مۇراجاي مەن نانجيڭ داشۋەسى مۇراجايىنىڭ سەلبەسىپ بىرگە قۇرۋ ستراتەگيالىق كەلىسىمىنە“ قول قويدى، بۇل ەكى جاقتىڭ مادەني مۇرالاردى سيفرلاندىرىپ قورعاۋ، دارىندىلاردى تاربيەلەۋ، عىلمي زەرتتەۋ، كورمە اۋىس - كۇيىسى سياقتى كوپ سالاداعى تەرەڭ سەلبەستىگىنىڭ رەسمي باستالعاندىعىن كورسەتەدى. بۇل سەلبەستىك جاڭا داۋىردەگى ”شينجياڭدى مادەنيەتپەن نارلەندىرۋ“ مەن جۇڭحۋا ۇلتى ورتاق تۇلعا تانىمىن بەكەمدەۋدىڭ ىلەدەگى جاندى امالياتى، مۇنداعى ماقسات شەكارا ٴوڭىردىڭ تاريحي مادەنيەت بايلىعىن ىشكەرىلەي اشىپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋعا جانە اسقاقتاتۋعا اناعۇرلىم زور ۇلەس قوسۋ.

بۇل رەتكى كورمە ــ ٴبىر رەتكى كوركەمونەر سالتاناتى عانا ەمەس، ەكى جەردىڭ مادەنيەت اۋىس ـ كۇيىسىنىڭ ماڭىزدى ورايى. كورمەگە ىلەدەگى كوپتەگەن تاس ويما سۋرەتتەرى تاڭدالعان، بۇل تاس ويمادا ۋاقىتتىڭ وزگەرىسى مەن تاريحتىڭ ەستەمەسى ەستەلىككە الىنعان، ەرتە زامانعى وركەنيەتتى زەرتتەۋدەگى باعالى ماتەريال. كورەرمەندەر وسى سۋرەتتەر ارقىلى ىلەنىڭ تاريحي مادەنيەت استارىن سەزىنە الادى.