ٴوز ٴتىلشىمىز جاڭ جينفىڭ حابارلايدى. 11 جىلدىق قۇلشىنىس بارىسىندا تيانشان تاۋىنىڭ تەرەڭ قويناۋىنداعى سالمون بالىعىنىڭ اتاعى بارعان سايىن جوعارىلاپ، شينجياڭ تيانيۇن ورگانيكالىق اۋىل شارۋاشىلىق شەكتى سەرىكتەستىگىنىڭ (تومەندە قىسقاشا ”تيانيۇن سەرىكتەستىگى“ دەلىنەدى) باس جوراسى جاڭ شيۋدىڭ ارمانى ىسكە استى.

4 ـ ايدىڭ 30 ـ كۇنى جاڭ شيۋ تىلشىگە: ”مەن سالمون بالىقشىلىق كاسىبىن الۋەتتەندىرۋ بارىسىندا، ٴار ۇلت بۇقاراسىنىڭ سالمون بالىعى كاسىبىن گۇلدەندىرۋ جاعىنداعى ٴبىلىمىن،  شەبەرلىگىن، جاڭالىق اشۋ قابىلەتىن ۇزدىكسىز جوعارىلاتىپ، بۇقارانىڭ كىرىسىن ۇزدىكسىز ارتتىرىپ، بىرگە بايۋعا باستايمىن“، - دەدى.

2014 ـ جىلى تيانشان مۇزدىعى مەن قار سۋ بايلىعىن سۇيەنىش ەتكەن جاڭ شيۋ تيانيۇن سەرىكتەستىگىنىڭ نىلقى اۋدانىنداعى جوعارى ساپالى سالمون بالىعى باعىمشىلىعى بازاسىن قۇرىپ، 260 ميلليون يۋان قارجى قوسىپ، جاسىل ەكولوگيالى ورتانى قورعاۋ باعىمشىلىق ۇلگىسىن ىسكە قوسىپ، شينجياڭدا سالمون بالىعىن باعۋداي دامۋ جولىنا ٴتۇستى. سەرىكتەستىك ورگانيكالىق، جاسىل ٴوندىرىس تەحنولوگياسىنان پايدالانىپ جاسىل، ەكولوگيالى، اقاۋسىز بالىق باعىمشىلىعىمەن شۇعىلداندى، عىلىم ـ  تەحنولوگيادا جاڭالىق اشۋدان ٴساتتى پايدالانىپ، جاسىل، قورشاعان ورتانى قورعايتىن تور ساندىقتى دانەكەر ەتكەن ەكولوگيالىق باعىمشىلىق جۇيەسىن قالىپتاستىرىپ، بالىق شاباعىن كوبەيتىپ الىپ وزەنگە قويا بەرۋ ارقىلى ٴداستۇرلى تور ساندىقتا جەتىلدىرۋ بارىسىنداعى ورتانى قورعاۋعا ساياتىن قيىن ماسەلەلەردى ٴساتتى شەشتى. تيانيۇن سەرىكتەستىگى ىلگەرىندى - كەيىندى اۆتونوميالى رايوندىق عىلىم - تەحنولوگيا مەڭگەرمەسى جاعىنان ”جوعارى، جاڭا تەحنولوگيالى كاسىپورىن“ بولىپ باعالانىپ، اۆتونوميالى رايوندىق عىلىم - تەحنولوگيا مەڭگەرمەسىنىڭ بەكىتۋىمەن ”شينجياڭ بالىقشىلىق جابدىقتارى ينجەنەرياسى تەحنولوگياسىن زەرتتەۋ ورتالىعىن“ قۇردى. بۇل 2017 - جىلى اۋىل شارۋاشىلىعى، اۋىل - قىستاق مينيسترلىگى جاعىنان ”سۋ ونىمدەرىن اقاۋسىز وسىرۋدەن ۇلگى كورسەتۋ الاڭى“ بولىپ باعالاندى. جاڭ شيۋ شۇعىلدانعان جاسىل ەكولوگيالىق ەرەكشەلىككە يە سۋىق سۋ بالىعىن باعۋ نىسانى 2 - كەزەكتى مەملەكەتتىك اۋىل - قىستاقتاردا شارۋاشىلىق قۇرۋ، جاڭالىق جاراتۋ نىسانى بويىنشا جاڭالىق جاراتۋدىڭ شەشۋشى جارىسىندا 2 - دارەجەلى سيلىققا يە بولدى.

”قازىر بىزدە 100 شارشى كيلومەترلىك ساپالى سۋىق سۋ بالىعىن وسىرەتىن سۋ ايدىنى، سالمون بالىعىن وسىرەتىن 3  بازا، 3 باستاپقى مانەرلەۋ زاۆودى، 2 جىنتىكتەي مانەرلەۋ زاۆودى بار“، ـ دەدى جاڭ شيۋ.

قازىر تيانيۇن سەرىكتەستىگى جۇڭگو سۋ ونىمدەرى عىلمي قوعامى، جۇڭگو سۋ ونىمدەرى عىلمي زەرتتەۋ اكادەمياسى حيلۇڭجياڭ سۋ ونىمدەرىن زەرتتەۋ ورنى، داليان تەڭىز ـ مۇحيت داشۋەسى سياقتى 8 مەكتەپ جانە عىلمي زەرتتەۋ ورنىمەن سەلبەستىك ورناتتى. دەربەس زەرتتەۋ جۇرگىزۋ ارقىلى سۋ ايدىنىندا سۋىق سۋ بالىعىن باعۋداعى 60 نەشە ٴتۇرلى وزەكتى تەحنيكانى يەلەدى.

سوڭعى جىلداردان بەرى جاڭ شيۋ كاسىپ سالاسىن جانداندىرۋ ارقىلى حالىقتىڭ كىرىسىن ارتتىرۋدى بەلسەنە جۇزەگە اسىردى. نىلقى اۋدانى قاراسۋ اۋىلىنداعى 609 قىستاق تۇرعىنى جارنا قوسىپ، چۋانيىڭ سەلبەستىك كووپەراتيۆىن قۇرىپ، ەڭبەكتى ٴبولىسىپ كوتەرمەگە الۋ، بالىقشىلار شاتتىعى ساياجايى، اۋىل شارۋاشىلىق ونىمدەرىن ساتىپ الۋ ـ ساتۋ سياقتى تيجارات قيمىلدارىن ورىستەتىپ، تابىس ٴبولىسى ۇلگىسىن قولدانىپ، بۇقارانىڭ كىرىسىن ارتتىرىپ، اۋقاتتانۋىنا كومەكتەستى. 11 جىلدا بۇل سەرىكتەستىك 800 دەن استام جۇمىس ورنىمەن قامداپ، 609 وتباسىنىڭ كەدەيلىكتەن ارىلىپ، كىرىسىن ارتتىرۋىنا جەتەكشىلىك ەتتى.

جاڭ شيۋ بىلاي دەدى: ”مەن ەڭبەك رۋحىن، ەڭبەك ەرى رۋحىن، ۇستا رۋحىن بار كۇشپەن اسقاقتاتىپ، سالمون بالىعى كاسىپ سالاسىن ناقتىلاندىرىپ، كۇشەيتىپ، دامىتىپ، زورايتىپ، تۇقىم شارۋاشىلىعى ينجەنەرياسى، بالىقشىلىق ماشينالارى جابدىعى، جىنتىكتەي مانەرلەۋ، ماركا قۇرىلىسى، كاسىپ شوعىرى ونىمدىلىگى سياقتى سالالاردا ماڭىزدى ناتيجەگە قول جەتكىزۋگە قۇلشىنىپ، سالمون بالىعى كاسىپ سالاسىندا تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى زور كۇشپەن ىلگەرىلەتىپ، شينجياڭنىڭ بالىق شارۋاشىلىعىنىڭ جوعارى ساپالى دامۋىنا عىلىم ـ تەحنولوگيادا جاڭالىق اشۋ كۇشىن ۇزدىكسىز ۇستەيمىن“.

جاڭ شيۋ (ورتادا) باعىمشىلىق رايونىندا قىزمەت تەكسەرۋدە. جاۋ شۋەلين فوتوسى