حابارىن جازىپ، سۋرەتىن تۇسىرگەن ٴوز ٴتىلشىمىز جاڭ جينفىڭ

 اقىل ـ پاراسات ارقىلى تەحنولوگيا جاعىنداعى قات ـ قابات قيىن ماسەلەلەردى شەشىپ، جاۋاپكەرشىلىك پەن مىندەت ارقالاۋدى ٴىس ـ ارەكەتى ارقىلى ايگىلەدى. مەملەكەتتىك ەڭبەك ەرى اتاعىن العان گاۋ چۇڭ: ”مەن داڭقتى قوزعاۋشى كۇشكە اينالدىرىپ، تاعى دا تىڭ كەرەمەتتەر جاراتىپ، شەبەرلىكپەن رۋحتى سومداپ، ناقتى ٴىس ىستەۋ ارقىلى شىنايى  ناتيجە جاراتىپ، كاسىپورىننىڭ دامۋىنا، كاسىپ سالاسىنىڭ العا باسۋىنا ٴوز ۇلەسىمدى قوسامىن“، ـ دەدى.

گاۋ چۇڭ − ىلە شينكۋاڭ كومىر كاسىبى شەكتى جاۋاپكەرشىلىك سەرىكتەستىگى ماشينا جانە ەلەكتر جابدىقتارى زاۆودىنىڭ ورىنباسار باس ينجەنەرى، ورتا دارەجەلى جۇمىسشى، وتكەندى ەسكە العان سايىن ول قاتتى تەبىرەنەدى. 2010 - جىلى مەملەكەتتىڭ باتىس بولەكتى قاۋىرت اشۋ جانە شاندۇڭ ەنەرگيا توبىنىڭ سىرتقا ەسىك اشۋ ۇندەۋىنە ٴۇن قوسۋ ٴۇشىن، گاۋ چۇڭ شاندۇڭداعى اۋىلىنان شينجياڭنىڭ ىلەسىنە كەلىپ، ىلەنىڭ شينكۋاڭ كومىر كاسىبى قۇرىلىسىنا قاتىناسادى.

گاۋ چۇڭ بىلاي دەيدى: ”ول كەزدە تەحنيكتەر وتە از بولاتىن، جيىلىك وزگەرتكىشتىڭ قاعيداسى، قاعيدا چەرتوجى، كۇندەلىكتى كىناراتتاردى ٴبىر جاقتى ەتۋ سياقتى جاقتاردا بارلىق نارسەدە داعدارىپ قالۋشى ەدىك. مەن ٴاربىر جابدىقتىڭ تۇسىندىرمەسىن وقىپ، جابدىقتىڭ قاسيەتى مەن تەحنولوگيالىق پارامەترىن ٴتۇسىنىپ، جابدىقتى ىسكە قوسقاننان كەيىن اينالىم پارامەترىن باقىلاپ، جابدىقتى ناق مايداندا باسقارۋدىڭ، قورعاۋدىڭ شەشۋشى ٴتۇيىنىن بىرتىندەپ انىقتاپ، بىرتە - بىرتە كاسىپتىك ساپامدى كورنەكتى جوعارىلاتتىم“.

ٴونىم مولشەرىن جوعارىلاتۋدا تەحنولوگيا − شەشۋشى ٴتۇيىن. گاۋ چۇڭ بىلايشا ەسكە الادى: 2017 ـ جىلى ىلە شينكۋاڭ كومىر كاسىبىندە سىناق رەتىندە ٴوندىرىس جۇرگىزگەن كەزدە، قىزمەت جاعىندا كولبەۋلىكتىڭ ىقپالىنا ۇشىراعاندىقتان، جەدەل جەتكىزۋ ماشيناسىنىڭ بەلبەۋى بوس اينالىپ تۇرىپ الۋ، جۇك تۇسىرەتىن بەلبەۋدىڭ قاباتتاسىپ قالۋى سياقتى ماسەلەلەر كوپ تۋىلاتىن، سول كەزدە ٴار رەتكى ٴبىر جاقتى ەتۋگە 2 ـ 4 ساعات ۋاقىت كەتەتىن، ەگەر تاسپا ورناتاتىن قوندىرعى بۇلىنەتىن بولسا، ٴبىر جاقتى ەتۋ ۋاقىتى بارىنشا ارتىپ، حاۋىپسىز وندىرىسكە اۋىر ىقپال جەتكىزەتىن. سونىمەن ول ۇزدىكسىز ۇيرەنىپ، ىزدەنىپ، بىرتىندەپ تەحنولوگيالىق قيىنشىلىقتى شەشتى.

گاۋ چۇڭ ولشەمدى كەن قۇدىعى قۇرىلىسىنىڭ تاجىريبەلەرىن بەلسەنە ۇيرەنىپ، ماشينا جانە جابدىق كاسىبىنە سايكەسىپ، كەن قۇدىعىنىڭ تابيعي كومىر تاسىمال جۇيەسىن اۆتوماتتاندىرىپ جاڭالاپ، تاسىمالداعىش ناۋادان قۇدىق اۋزىنا دەيىنگى 20 نەشە جابدىقتى ٴبىر كىنوپكامەن باسقارۋدى جانە اۆتوماتتى جۇمىس جۇرگىزۋدى جۇزەگە اسىرىپ، ٴارقايسى وتكەرمەلەۋ تۇيىندەرىن كورۋگە جانە شوعىرلى مەڭگەرۋگە مۇمكىندىك جاساپ، قىزمەت ونىمدىلىگىن بارىنشا جوعارىلاتتى.

ارمان ٴۇشىن ەكىنشى اتا مەكەنى ىلەگە تامىر تارتقان گاۋ چۇڭ ٴوز قىزمەتىن قىزۋ سۇيۋمەن بىرگە، ىلە توپىراعىنا دا تەرەڭ سۇيىسپەنشىلىك ورناتتى. 2019 - جىلى ول ناپوسىن ىلەگە جوتكەدى.

قازىر گاۋ چۇڭ 30 عا جۋىق ٴىرى تۇرپاتتى جابدىق پەن 200 دەن استام ەلەكترمەن قامداۋ جابدىقتارىنىڭ حاۋىپسىز اينالىمىنا جاۋاپتى بولىپ، باس بولىپ جاڭالىق اشىپ، سۋىتۋ جابدىعى سياقتى 50 نەشە جابدىققا  تەحنولوگيالىق وزگەرىس ەنگىزىپ، كاسىپ سالاسىنىڭ تەحنولوگيالىق جاقتان العا باسۋىن ىلگەرىلەتتى.

ەڭبەك ەرى بولۋ جەتكەن جەرىمىز ەمەس، قايتا تىڭ باستاما. گاۋ چۇڭ بىلاي دەدى: ”مەن ەڭبەك ەرلەرىنىڭ رۋحىن ۇزدىكسىز ساۋلەلەندىرىپ، ەڭبەك ەرلەرىنىڭ ۇلگىسىن ورناتىپ، وسى داڭقتى قوزعاۋشى كۇشكە اينالدىرىپ، قىزمەت ورنىمدا جاۋاپكەرلىك ارقالاپ، ىسكەرلىك كورسەتىپ، اناعۇرلىم اسقاق جىگەرمەن ٴبىرىنشى شەپتە ۇزدىكسىز شايقاس جاساپ، تەحنولوگيا ۇجىمىنداعىلاردى ويداعىداي باستاپ، حاۋىپسىزدىكتىڭ تومەنگى شەگىن ويداعىداي ساقتاپ، اناعۇرلىم كوپ جاس تەحنولوگيالىق تىرەكتىلەردى باۋلىپ، كەن قۇدىقتارىنىڭ حاۋىپسىز وندىرىسىنە تىڭ ۇلەس قوسامىن“.

سۋرەتتە: گاۋ چۇڭ سيفرلى مەڭگەرۋ كىنوپكاسى ارقىلى قۇرىلعىنى مەڭگەرۋدە.