تىلشىلەرىمىز جاۋ شياۋفاڭ، لادينا، ەرىكتى ٴتىلشى كاۋسار

كوپ جىلدان بەرى ىلە وبلىسى جۇمىستاندىرۋدى الدىمەن ويلاستىرۋ ستراتەگياسىنا تاباندى بولىپ، نازاردى ٴتۇيىندى قاۋىمعا، ٴتۇيىندى كاسىپ سالاسىنا جانە ٴتۇيىندى وڭىرلەرگە شوعىرلاندىرىپ، جۇمىستانۋ ورنىن كوبەيتىپ، تەحنيكالىق شەبەرلىكتى كۇشەيتۋ، قىزمەت وتەۋدى ساپالىلاندىرۋ سياقتى شارالار ارقىلى جۇمىستاندىرۋدىڭ نەگىزىن كۇش سالا ورنىقتىردى. بيىل ٴبىرىنشى ماۋسىمدا قالا - قالاشىقتاردا تىڭنان 13 مىڭ 853 ادام جۇمىستانىپ، تۇتاس جىلدىق نىسانا - مىندەت %37.14 ورىندالدى؛ 87 مىڭ 900 ادام (رەت) ٴتۇرلى كاسىپتىك شەبەرلىككە باۋلۋ ورىستەتىلىپ، تۇتاس جىلدىق نىسانا - مىندەت %100.68 ورىندالدى. ٴتۇرلى مىندەتتىڭ ورىندالۋ مولشەرى شينجياڭ بويىنشا الدىڭعى ورىندى يەلەدى.

5 ـ اي كىرىسىمەن قۇلجا قالاسى التىشۋار كوشەسى كورىنىس رايونى ساياحات ورلەۋىن قارسى الدى. رىزۋان ياسىجان كورىنىس رايونداعى ٴبىر مادەنيەت جاسامپازدىعى ونىمدەرى دۇكەنىنىڭ جوبالاۋشىسى، التىشۋار كوشەسى كورىنىس رايونىنىڭ اتاق ـ داڭقىنىڭ ۇزدىكسىز جوعارىلاۋىنا بايلانىستى، مۇنداعى مادەنيەت جاسامپازدىعى ونىمدەرى ساۋداسى دا جاندانا ٴتۇستى. بىرنەشە كۇننەن بەرى ول ٴار كۇنى دۇكەن باستىعى ۋاڭ يشۋانمەن مادەنيەت جاسامپازدىعى ونىمدەرىنىڭ جوبالاۋ جونىندە ىزدەنىس جاسايدى، مەيلى كيىم - كەشەك، اشەكەي، ىلمە اشەكەي بۇيىمدارى، توڭازىتقىش جاپسىرماسى بولسىن، ٴاربىر تۋىندىنى اۋىلدىڭ كوركەم كورىنىسىمەن جانە مادەنيەت ەلەمەنتتەرىمەن توعىستىرىپ، رەڭدى قايتا - قايتا تەڭشەپ كەمەلدەندىرىپ، ٴاربىر تۋىندىنىڭ الارمانداردى باۋراي ٴتۇسۋىن ماقسات ەتتى.

رىزۋان ياسىنجان بىلاي دەدى: ”مەن جانە مەنىڭ كىشكەنتاي دوستارىم وسى ارادا شارۋاشىلىق قۇرىپ، 4 جىل ۇيرەنگەن كيىم جوبالاۋ جاعىنداعى بىلىمدەرىمىز بەن شەبەرلىگىمىزدى وسى ارادا ساۋلەلەندىرىپ كەلەمىز، بۇل ارا ماعان دارىنىمدى ايگىلەيتىن ساحنا ازىرلەپ بەردى. ساياحاتشىلاردىڭ ٴبىزدىڭ جوبالاعان ونىمدەرىمىزگە ٴدان ريزا بولعانىن كورگەندە ايرىقشا قۋانامىز“.

رىزۋان ياسىنجان كيىم - كەشەك جوبالاۋ كاسىبىن ۇيرەنگەن، ول جاڭا عانا وقۋ بىتىرگەن جىلى داشۋە ٴبىتىرىپ كەلىپ يگىلىك تىكتەمەكشى بولعان ۋاڭ يشۋانمەن تانىسادى. اۋىلىنا قايتقان ستۋدەنتتەردى جۇمىستاندىرۋ كۋرسىنىڭ، شارۋاشىلىق قۇرۋعا قوسىمشا قاراجات بەرۋ ساياساتى مەن وتباسىنداعىلاردىڭ قولداۋىندا ۋاڭ يشۋان كورىنىس رايونىنان ٴبىر اۋلانى جالعا الىپ، رىزۋان ياسىنجاندى وزىمەن بىرگە شارۋاشىلىق قۇرۋعا ۇسىنىس ەتەدى. ٴبىر جىلدىق دايىندىق ارقىلى بىلتىر ولاردىڭ كيىم ـ كەشەك جوبالاۋ، ساياحاتتىق سۋرەت، مادەنيەت جاسامپازدىعى ونىمدەرىن ٴبىر تۇلعالاندىرعان مادەنيەت جاسامپازدىعى دۇكەنى اقىرى جۇمىس باستايدى.

قازىر ۋاڭ يشۋاننىڭ شارۋاشىلىق قۇرۋ ۇجىمىندا 10 نەشە ادام جۇمىس ىستەيدى، ٴاربىر ادامنىڭ وزىندىك ەرەكشەلىگى بار، ولار مادەنيەت جاسامپازدىعى دۇكەنىندە سۋرەت سىزۋ، قولونەر، كەسكىن ٴتۇسىرۋ، بەزەندىرۋ، جوبالاۋ، تىگىنشىلىك سياقتى قىزمەتتەرمەن شۇعىلدانۋمەن بىرگە، جوبالاپ جاساعان ونىمدەردىڭ تاۋار بەلگىسىن تىركەۋگە الدىرادى.

ۋاڭ يشۋان بىلاي دەدى: ”ستۋدەنتتەردىڭ شارۋاشىلىق قۇرۋى ولاردى تابىس سەزىمى مەن باقىت سەزىمىنە يە ەتەدى، وسى مەزگىلدە مەن كوپ نارسەلەردى ۇيرەنۋمەن بىرگە، ٴوزىمدى دە شىنىقتىردىم، ۇكىمەت جاعى دا ستۋدەنتتەردىڭ شارۋاشىلىق قۇرۋىن ايرىقشا قولداپ وتىر“.

قۇلجا قالاسى ازات جولى ٴمالى ٴىس باسقارماسىنىڭ ورىنباسار مەڭگەرۋشىسى، التىشۋار كوشەسى الەۋمەتتىك اۋماعى پارتيا ياچەيكاسىنىڭ شۋجيى ديدار قۇناي تىلشىگە بىلاي دەدى: جۇمىستانۋ شەبەرلىگىنە باۋلۋدى، شارۋاشىلىق قۇرۋعا جەتەكشىلىك ەتۋدى بەلسەنە ورىستەتىپ، قاراستى رايونداعى اناعۇرلىم كوپ تۇرعىننىڭ ٴۇيىنىڭ ماڭايىندا جۇمىستانۋىنا مۇمكىندىك جاساۋ الەۋمەتتىك اۋماق قىزمەتىنىڭ ەڭ ماڭىزدى ٴتۇيىنى.

كۇنەس اۋدانى فىڭليڭ سىرتقا ەڭبەككۇش شىعارۋ شەكتى جاۋاپكەرشىلىك سەرىكتەستىگىندە قىزمەتكەرلەر «BOSS تىكە ۇسىنىس ەتۋ» جۇمساق بولشەگى ارقىلى بۇكىل شينجياڭداعى كاسىپورىنداردىڭ قىزمەتكەر قابىلداۋ ينفورماتسياسىن دەر كەزىندە جاڭالاپ وتىرادى. جوعارى، جاڭا تەحنولوگيالى كاسىپورىن رەتىندە سەرىكتەستىك ”ينتەرنەت + سىرتقا ەڭبەككۇش شىعارۋ“ ۇلگىسىندە جاڭالىق اشىپ، بۇكىل وبلىستى قامتىعان ادام كۇشى بايلىعى ساندى مالىمەت قامباسىن قۇرىپ، ”BOSS تىكە ۇسىنىس ەتۋ“ تۇعىرىنان پايدالانىپ، ونى زەردەلى قىزمەت وتەۋ ورنىمەن سايكەستىرۋدى جۇزەگە اسىرىپ، تۇتاس تىزبەكتى جۇمىستانۋدى قامتاماسىز ەتۋ قىزمەت وتەۋىمەن قامدايدى. قازىر تۇعىردا سەلبەستىك ورناتقان 74 كاسىپورىن بار بولىپ، جىلىنا ورتا ەسەپپەن 1500 دەن استام جۇمىستاندىرۋ كەلىسىمى جاسالادى.

اتالعان تۇعىر ىسكە قوسىلعان ەكى جىلدان بەرى ىلە وبلىسىنداعى 3800 دەن استام جۇمىس ىزدەۋشىنى جۇمىس ورنىمەن قامدادى. داشۋە بىتىرگەن 2 جىلدان بەرى قىزمەت ىزدەپ جۇرگەن ايجان ٴالباي تۇعىردىڭ يگىلىگىن كورۋشىلەردىڭ ٴبىرى، ول قىزمەتكەرلەردىڭ جەتەكشىلىگىندە ەڭبەك توقتامىنا ٴساتتى قول قويعان.

جۋىق جىلداردان بەرى ىلە وبلىسى «10 + 1 كاسىپ سالاسى شوعىرى» قۇرىلىسىن ارقاۋ ەتىپ، نازاردى جوعارى ساپالى، تولىق جۇمىستانۋعا شوعىرلاندىرىپ، «تىكە قوسىمشا قاراجات بەرۋ، تەز ٴبىتىرۋ» سىندى رەسميات ٴبىتىرۋ ۇلگىسىن جاپپاي اتقارىپ، قوعامدىق قامسىزداندىرۋ قوسىمشا قاراجاتى، كاسىپتىك شەبەرلىككە باۋلۋ قوسىمشا قاراجاتى، شارۋاشىلىق قۇرۋ كەپىلدىك قارىز اقشاسىن بەرۋ جاقتارىنداعى جۇمىس ورنىن ورنىقتىرۋ، جۇمىس ورنىن كەڭەيتۋ سىندى ساياساتتاردى دالمە - ٴدال، ٴونىمدى تياناقتاندىرىپ، جۇمىستاندىرۋ جالپى مولشەرىن كۇش سالا ورنىقتىرىپ، جۇمىستاندىرۋ ساپاسىن جوعارىلاتتى.

ٴتىلشىنىڭ ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن ۇعىسۋىنشا، بۇل مەكەمە نازاردى وبلىسقا توتە قاراستى ورىنداردىڭ ٴتۇيىندى كاسىپ سالاسى تىزبەگىنە، ٴتۇيىندى كاسىپورىنداردىڭ جۇمىسشى ىستەتۋ جانە ٴتۇيىندى ادامدار توبىنىڭ جۇمىستانۋ قاجەتىنە شوعىرلاندىرىپ، تۇرلىشە كاسىپتەردىڭ جۇمىسشى ىستەتۋ مەزگىلى مەن قىزمەت ورنى ەرەكشەلىگىن كوزدەپ، ”جۇمىس باسىندا + ينتەرنەت جەلىسىندە جۇمىسقا قابىلداۋ“، ”كەڭ كولەمدە شوعىرلى + شاعىن كولەمدە ارناۋلى جۇمىسقا قابىلداۋ“، ”سىرتتان دارىندى ەنگىزۋ + اۋىل ـ قالاشىقتى (الەۋمەتتىك اۋماق) ارالاپ جۇمىسقا قابىلداۋ“ سياقتى تاسىلدەر ارقىلى بازارلانعان، قوعامدانعان جۇمىستاندىرۋ ارناسىن كەڭەيتكەن. سونىمەن بىرگە، كوكتەم سامالى قيمىلى، جۇمىستانۋعا كومەكتەسۋ ايى، 100 كۇندە 10 ميلليون ادامدى ينتەرنەتتە جۇمىسقا قابىلداۋ جانە باقشا رايونىنداعى ٴتۇيىندى كاسىپورىندار، جياڭسۋ كاسىپورىندارى، بيڭتۋان كاسىپورىندارى سياقتىلار ۇسىنىس ەتۋ ارناۋلى جينالىسىن ۇدايىلاندىرىپ ورىستەتىپ، تۇتاس جىلدا دالمە ـ ٴدال، ارنايىلانعان ”ٴبىر بەكەتتىك“ ادام كۇشى بايلىعى قىزمەت وتەۋىمەن قامدادى. بيىل 1 - ايدان 3 - ايعا دەيىن ىلە وبلىسى جيىنى 206 مايدان (رەت) ٴتۇرلى قىزمەتكەر قابىلداۋ قيمىلىن وتكىزدى، 2875 جۇمىسشى ىستەتۋشى ورىن 36 مىڭ جۇمىس ورنىمەن قامداپ، 13 مىڭ 34 اداممەن جۇمىستانۋ نيەتناماسىنا  قول قويىستى.