كاميلا (ٴوز ٴتىلشىمىز)، چىڭ حان (ەرىكتى ٴتىلشى)

كۇيتۇن قالاسى ىنتىماق كوشەسى ٴمالى باسقارماسى فىڭحۋالي الەۋمەتتىك اۋماعى پارتيا باس ياچەيكاسىنىڭ شۋجيى قىمبات مۋسا 17 جىلدى ٴبىر كۇنگىدەي وتكىزىپ، نەگىزگى ساتىعا تامىر تارتىپ، جاستىق كوكتەمى ارقىلى اۋەلگى ماقساتى مەن بورىشىن امالياتتا ايگىلەپ، حالىق ٴۇشىن قىزمەت ىستەۋ سۇيىسپەنشىلىگىنەن جازباي، نەگىزگى ساتىنى باسقارۋدا جاڭالىق اشىپ، الەۋمەتتىك اۋماققا بار ىنتا - پەيىلىمەن ۇلەس قوسىپ، الەۋمەتتىك اۋماق تۇرعىندارىنىڭ سەنىمدى جان اشىرىنا اينالدى. ول ىلگەرىندى - كەيىندى اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى جەكە، اۆتونوميالى رايون دارەجەلى تاڭداۋلى پارتيا مۇشەسى، شينجياڭ جاستارى 4 - مامىر مەدالىنىڭ يەگەرى، مەملەكەتتىك ”8 - ناۋرىز“ قىزىلتۋشىسى سياقتى داڭقتارعا يە بولعان، بيىل 4 - ايدا ول تاعى كوممۋنيستىك جاستار وداعى ورتالىق كوميتەتى، مەملەكەتتىك جاستار بىرلەستىگى جاعىنان ”2025 - جىلعى جاڭا ٴداۋىر جاستارى اۆانگاردى سيلىعىنا“ يە بولدى. 

جۋىقتا قىمبات الەۋمەتتىك اۋماقتىڭ تۇرعىنى جاڭ جۇيميڭنىڭ شاشتارازحاناسىنا كەلىپ، جۋىقتان بەرگى تيجارات جاعدايىن ۇعىستى، بۇل ونىڭ ٴار اپتاداعى ”مىندەتتى ساباعى“ ەدى. 2018 - جىلى 5 - ايدا قىمبات وتباسىلارىن ارالاپ جاعداي ۇعىسۋ بارىسىندا جاڭ جۇيميڭ وتباسىندا ەكونوميكالىق قيىنشىلىق بار ەكەنىن بىلەدى. قىمبات كوپ جاقپەن بايلانىس جاساۋ ارقىلى جاڭ جۇيميڭدى ادام كۇشى بايلىعى جانە قوعامدىق قامتاماسىزداندىرۋ تاراۋلارى اشقان اقىسىز كاسىپتىك شەبەرلىككە تاربيەلەۋ كۋرسىنا قاتىناستىرادى ٴارى ونىڭ شاعىن اۋماقتان ۇيلەسىمدى دۇكەن تابۋىنا بەلسەنە كومەكتەسەدى. وسىدان كەيىن جاڭ جۇيميڭنىڭ شاشتارازحاناسى فىڭحۋالي الەۋمەتتىك اۋماعىندا ٴساتتى جۇمىس باستاپ، ونىڭ وتباسى سالىستىرمالى تۇراقتى كىرىس كىرگىزدى.

”قىمبات شۋجي الەۋمەتتىك اۋماققا كەلگەننەن كەيىن مەنى شارۋاشىلىق قۇرۋعا، ٴوز كۇشىمە سۇيەنىپ ٴومىر سۇرۋگە شابىتتاندىردى. الەۋمەتتىك اۋماق پەن قىمبات شۋجيدىڭ تاماشا شارت - جاعداي ازىرلەپ بەرگەنىنە العىس ايتامىن، شاشتارازحانامنىڭ ساۋداسىن ٴتىپتى دە جانداندىرۋعا كۇش سالامىن“ دەدى جاڭ جۇيميڭ. 

قىمبات الەۋمەتتىك اۋماقتا قىزمەت ىستەگەن 17 جىلدا تۇرعىنداردىڭ قيىنشىلىعىن شەشۋىنە كومەكتەسكەن ىستەر شىنىمەن وتە كوپ. 

فىڭحۋالي الەۋمەتتىك اۋماعى تيپتىك كونە، ەسكى شاعىن رايون بولاتىن، نەگىزدىك قۇرىلعىلارى ەسكى، ەلەكترلى موتوتسيكلدى زاريادتاۋ قولايسىز، دەنە شىنىقتىرۋ قۇرىلعىلارى جانە كوڭىل اشۋ الاڭى كەمشىل بولۋ سياقتى ماسەلەلەر ۇزاق ۋاقىت تۇرعىنداردى مازالاپ كەلگەن. قىمبات الەۋمەتتىك اۋماق كادرلارىمەن بەلسەنە سايكەسىپ، تۇرعىندار كوميتەتى، يەگەرلەر القاسى، قوجالىق سەرىكتەستىگى، ەلەكتر قۋاتى سەرىكتەستىگى سياقتى قاتىستى ورىنداردى سايكەستىرىپ، كوپ جاق سەلبەسىپ، قالا دارەجەلى الەۋمەتتىك اۋماقتاردى سۇيەمەلدەۋ، جاڭالاۋ قورىنا قول جەتكىزدى. ولاردىڭ قاجىماي - تالماي قۇلشىنۋىنىڭ ارقاسىندا، ەلەكترلى موتوتسيكلدى زاريادتاۋ باعاناسى، دەنە شىنىقتىرۋ قۇرىلعىلارى ىركەس - تىركەس الەۋمەتتىك اۋماقتا قۇرىلدى، قارتتارعا كۇندىز قارايلاسۋ ورتالىعى، الەۋمەتتىك اۋماق ٴبي بولمەسى، ٴان ايتۋ بولمەسى، بيليارد ٴۇيى، ۇستەل دوپ ٴۇيى دە جاڭالاندى، الەۋمەتتىك اۋماقتىڭ بەت - بەينەسى جاقسارىپ، حالىققا قولايلى 10 مينۋتتىق قىزمەت وتەۋ، تۇرمىس شەڭبەرى قالىپتاسىپ، تۇرعىنداردىڭ تابىس سەزىمى، باقىت سەزىمى ۇزدىكسىز جوعارىلادى. 

قىمبات جونىندە ٴسوز بولسا بولعانى، فىڭحۋالي الەۋمەتتىك اۋماعىنىڭ تۇرعىندارى باس بارماعىن شىعارادى، ونىڭ ىقىلاستى قىزمەت وتەۋىنە، ٴتىپتى، نەگىزگى ساتىنى باسقارۋ قىزمەتىندەگى جاڭالىق اشۋ شاراسىنا بۇقارا ٴدان ريزا.

الەۋمەتتىك اۋماقتىڭ تۇرعىنى حو چيۋليان بىلاي دەدى: ”مەن ٴبي بيلەۋدى ۇناتامىن، بۇرىن الەۋمەتتىك اۋماقتا ارناۋلى ٴبي بولمەسى جوق بولاتىن، ٴبىز تەك دالادا عانا جاتتىعاتىنبىز. قىمبات شۋجي كەلگەننەن كەيىن ٴبىز اڭىس ەتكەن ماسەلەلەرگە ايرىقشا ٴمان بەرىپ، ٴبي بولمەسىن جاڭالاۋ قىزمەتىن بەلسەنە ىلگەرىلەتىپ، ەڭ قىسقا ۋاقىت ىشىندە ٴبىزدىڭ ماسەلەنى شەشۋىمىزگە كومەكتەستى. مەنىڭ نازارىمدا قىمبات شۋجي ەڭ تاڭداۋلى نەگىزگى ساتى كادرى، تۇرعىندارمەن تىلەكتەس بولعان جاقسى شۋجي“.  

بۇقارانى الاڭداتقان، مازالاعان، ۋايىمداتقان ىستەردى اناعۇرلىم ويداعىداي شەشۋ ٴۇشىن قىمبات بۇكىل قالا بويىنشا ٴنومىر جيناۋ ٴتۇزىمىمەن باسقارۋدى ەڭ الدىمەن تۇيىندە سىناق ەتىپ، ”كۇيتۇن قالاسى اۆانگاردتارى“ ۋيشين شاعىن باعدارلاماسىنا سۇيەنىپ، ەرىكتىلەردى الەۋمەتتىك اۋماقتى باسقارۋعا ات سالىسۋعا كەڭ كولەمدە باۋرادى،  ”كۇيتۇن قالاسىنىڭ اۆانگارد ەرىكتىلەرى“ تۇعىرىندا مىندەت ورىنداعاننان كەيىن سايكەستى نومىرگە يە بولعان تۇرعىندار الەۋمەتتىك اۋماقتىڭ جيناق ٴنومىردى ايىرباستاۋ دۇكەنىندە تاۋارعا ايىرباستاۋىنا بولادى.

بۇگىنگى كۇندە 62 مىڭ پارتيا مۇشەسى مەن بۇقارا ”كۇيتۇن قالاسى اۆانگاردتارىنا“ قوسىلىپ، ”اۆانگارد بولۋ، ۇلەس قوسۋ، ٴنومىر جيناقتاۋ، قىزمەت وتەۋدەن يگىلىكتەنۋ“ تانىمى كۇيتۇندە تامىر تارتىپ، گۇل اشىپ، جەمىس بەردى.

سونىمەن بىرگە، قىمبات ەڭ الدىمەن بۇكىل قالاداعى الەۋمەتتىك اۋماقتىڭ بوس تۇرعان ورىندارىنان پايدالانىپ، ”شارۋاشىلىق قۇرۋشىلار وتباسى“ سىندى شاعىن شارۋاشىلىق قۇرۋ، جەتىلدىرۋ بازاسىن ەنگىزدى. كوپ جاقتىڭ قۇلشىنىسى ارقىلى ”شارۋاشىلىق قۇرۋشىلار وتباسى“ ەلەكتروندى ساۋدا، مادەنيەت تاراتۋ مەدياسى سياقتى سالالاردى قامتىعان 45 جاس جەكە ساۋداگەردى ٴساتتى جەتىلدىرىپ، 500 دەن استام ادامنىڭ جۇمىستانۋ ماسەلەسىن شەشتى.

تۇرعىنداردىڭ جاناشىرى، سىرلاسى رەتىندە قىمبات الەۋمەتتىك اۋماقتى باستان - اياق ٴوز وتباسىنداي كورىپ، بار ىنتا - پەيىلىمەن قىزمەتكە كىرىستى. نەگىزگى ساتىنى باسقارۋدا قيىن، بوگەتتى تۇيىندەر بولسا، ول امالدىڭ بارىنشا قيىن ماسەلەلەردى شەشەدى؛ بۇقارانىڭ تالاپ - تىلەگى بولسا، ول بار زەيىن - زەردەسىن حالىقتىڭ مۇڭ - مۇقتاجىن شەشۋگە اۋدارادى، قاي جەر قاجەت ەتسە، ول سول جەردەن تابىلادى. قىمباتتىڭ باستاماشىلىعىندا، فىڭحۋالي الەۋمەتتىك اۋماعىنىڭ كادرلارى ٴبىر نيەتپەن سەلبەسىپ، الەۋمەتتىك اۋماقتى باسقارۋدىڭ جاندى كارتيناسىن بىرگە سالدى.

”نەگىزگى ساتى قىزمەتىنىڭ ەرەكشە حيكىمەتى جوق، بار بولعانى كەۋدەمدەگى جارقىراعان پارتيا زناگى مەن كوكەيىمدە ويلايتىن بۇقارا عانا. تۇرعىندارعا شىنايى ناقتى ٴىس ىستەپ بەرۋ جاستىق كوكتەمىمىزدەگى ەڭ ٴبىر اسقاق مەرەي ەسەپتەلىنەدى، - دەدى قىمبات.

سۋرەتتە: قىمبات مۋسا (ورتادا) تۇرعىندارمەن اڭگىمەلەسۋدە.  سۋرەتپەن سۇحبات قابىلداۋشى قامدادى