ٴتىلشىمىز پاتيما حابارلايدى. جۇڭحۋانىڭ تاڭداۋلى ٴداستۇرلى مادەنيەتىن ساۋلەلەندىرىپ، وقىتۋشى - وقۋشىلارعا دۋان - ۋ مەرەكەسىنىڭ وزگەشە تارتىمدىلىعىن سەزىندىرۋ ٴۇشىن، 5 - ايدىڭ 28 - كۇنى قۇلجا قالالىق 22 - ورتا مەكتەپ قۇلجا قالالىق 11 - ورتا مەكتەپپەن، 24 - ورتا مەكتەپپەن، 20 - بالالار باقشاسىمەن بىرلەسىپ، ”قياق كۇرىش كوڭىل توعىستىرعان دۋان - ۋ مەرەكەسى، مادەنيەتكە مۇراگەرلىك ەتۋ، تولىسۋدى تىلگە تيەك ەتۋ“ نەگىزگى تاقىرىپتىق قيمىلىن ورىستەتىپ، وقىتۋشى - وقۋشىلار ٴبىر اراعا باس قوسىپ، دۋان - ۋ مەرەكەسىن بىرگە تويلادى.

قيمىل الاڭىندا مۇعالىم دۋان - ۋ مەرەكەسىنىڭ شىعۋ تەگى، چۇي يۋاننىڭ ىزگى ىستەرى سياقتىلاردى جاندى تىلمەن ٴتۇسىندىردى، وقۋشىلار ۋاكىلى دۋان - ۋ مەرەكەسىنىڭ ٴداستۇرلى ادەت - عۇرپى مەن ٴمان - ماعىناسىن تانىستىردى ٴارى ناق مايداندا وقۋشىلاردى بىرگە سەزىنۋگە، اۋىس - كۇيىس جاساۋعا ۇسىنىس ەتىپ، دۋان - ۋ مەرەكەسىندە قامتىلعان تەرەڭ مادەنيەت ٴمانى مەن وتانشىلدىق رۋحتى سەزىندى.

”بۇگىنگى قىزىقتى قيمىلداردا ٴوزىمىزدى ەركىن ۇستادىق، دۋان - ۋ مەرەكەسىنىڭ كوپتەگەن ادەت - عۇرپىن ٴتۇسىندىم، ۇيرەندىم، مەن جۇڭحۋانىڭ تاڭداۋلى ٴداستۇرلى مادەنيەتىن ماقتانىش ەتەمىن“، - دەدى قۇلجا قالالىق 22 - ورتا مەكتەپتىڭ وقۋشىسى كاڭ شى قۋانىشپەن.

قياق كۇرىش ٴتۇيۋ بۋىنىندا ناق مايدان دۋمانعا بولەندى. وقۋشىلار قياق كۇرىش ٴتۇيۋدىڭ ٴتۇرلى باسقىشتارىن قىزىعا ورىنداعاندا ولاردىڭ جۇزدەرىنەن باقىت لەبى ەستى.

”بۇگىنگى قيمىل وتە ٴماندى بولدى، ٴبىز بىرگە قياق كۇرىش ٴتۇيىپ، تىلەك جەتكىزدىك، دۋان - ۋ مەرەكەسى وتە قىزىقتى ەكەن“، - دەدى قۇلجا قالالىق 22 - ورتا مەكتەپتىڭ وقۋشىسى شىنار.

قيمىل قىزۋ ورلەۋگە كوتەرىلگەن ساتتە ٴارقايسى مەكتەپتىڭ وقۋشىلار ۋاكىلى ٴوز ونەرلەرىن كورسەتتى، از ۇلتتاردىڭ ٴبيى، ولەڭ وقۋ، گيتارادا مۋزيكا ورىنداۋ سياقتى باي مازمۇندى ادەبيەت - كوركەمونەر نومىرلەرى ورىندالعاندا كوپشىلىك ٴالسىن - ٴالى شاپالاق سوقتى.

”ٴبىز دۋان - ۋ مەرەكەسى نەگىزگى تاقىرىپتىق كلاس جيىنى، قابىرعا گازەت كورمەسى جانە مەكتەپتەر بىرلەسكەن دوستىق قيمىلى سياقتى قيمىلدار ارقىلى وقۋشىلاردىڭ مەكتەپ تۇرمىسىن بايىتىپ، وقۋشىلارعا جايدارى دا كوڭىلدى ورتادا جۇڭحۋانىڭ تاڭداۋلى ٴداستۇرلى مادەنيەتىنىڭ باۋرامدىلىعىن سەزىندىرىپ، جۇڭحۋانىڭ تاڭداۋلى ٴداستۇرلى مادەنيەتىن قىزۋ ٴسۇيۋ ىنتاسىن قاۋلاتىپ، مادەنيەت سەنىمىن كۇشەيتۋدى، سونىمەن بىرگە، وقۋشىلار اراسىنداعى دوستىقتى نىعايتۋدى ٴۇمىت ەتەمىز“، - دەدى قۇلجا قالالىق 22 - ورتا مەكتەپتىڭ وقىتۋشىسى لي لەي.

سۋرەتتە: وقۋشىلار قياق كۇرىش ٴتۇيۋدى ۇيرەنۋدە.  پاتيما فوتوسى