وبلىستىق، قالالىق ادام كۇشى بايلىعى جانە قوعامدىق قامتاماسىزداندىرۋ تاراۋلارى ”پارتيا زناگىمەن قىزمەت جولىن نۇرلاندىرىپ،
ادام كۇشى بايلىعى جانە قوعامدىق قامتاماسىزداندىرۋ ساياساتىن بەتپە - بەت ۇگىتتەۋ“ جونىندە قيمىل ورىستەتتى
سۋرەتتە: 5 ـ ايدىڭ 21 ـ كۇنى ىلە وبلىسىتىق، قۇلجا قالالىق قوعامدىق قامسىزداندىرۋ مەكەمەسى قاتىستى ورىندارمەن بىرلەسىپ، بۇقاراعا قوعامدىق قامسىزداندىرۋ بىلىمدەرىن ۇگىتتەۋدە. لي يافىڭ فوتوسى
تىلشىلەرىمىز لي يافىڭ، چىن تيانجين، ەرىكتى ٴتىلشى گاۋ حۇي حابارلايدى. 5 - ايدىڭ 21 - كۇنى ىلە وبلىستىق، قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى فينانس قۇرىلىمدارى، جۇمىس ۇستىندە جارالانۋدان ساقتانۋ ۇگىتتەۋ كاسىپورىندارى سياقتى ورىندارمەن بىرلەسىپ، قۇلجا قالاسىنىڭ حانبيڭ باقشاسىندا، التىشۋار كوشەسى كورىنىس رايونىندا ”پارتيا زناگىمەن قىزمەت جولىن نۇرلاندىرىپ، ادام كۇشى بايلىعى جانە قوعامدىق قامتاماسىزداندىرۋ ساياساتىن بەتپە - بەت ۇگىتتەۋ“ جونىندەگى ۇگىت قيمىلىن ورىستەتىپ، ادام كۇشى بايلىعى مەن قوعامدىق قامتاماسىزداندىرۋ ساياساتىنىڭ تەرەڭ تامىر تارتۋىن، حالىققا تيىمدىلىك جاساۋ ساياساتىن ٴبىلۋ كولەمى مەن تيىمدىلىك جاساۋ كولەمىنىڭ قامتىلىمىن كۇش سالا ىلگەرىلەتتى.
وسى رەتكى قيمىلدا جاڭالىق اشۋ بويىنشا ”تۇيىندەردە تۇرىپ قىزمەت وتەۋ + بۇلتتىق ىقپالداستىق + دالمە - ٴدال تۇراقتاندىرۋ“ سىندى ٴۇشتى ٴبىر تۇلعالاندىرۋ ۇلگىسى قولدانىلىپ، زەينەتكەرلىك جانە جۇمىسسىزدىق قامسىزداندىرۋى سياقتى بۇقارانىڭ تۇرمىسىمەن تىعىز قاتىستى جوعارى جيىلىكتەگى حالىق تۇرمىسى ساياساتى بۇقاراعا ”جيناقتالىپ“ جەتكىزىلدى.
قيمىل ناق مايدانىندا ادام كۇشى بايلىعى جانە قوعامدىق قامتاماسىزداندىرۋ سالاسىنداعى پارتيا مۇشەلەرىنەن قۇرام تاپقان اۆانگاردتار قوسىنى يكەمدى جۇمىستانۋشىلار ٴۇشىن، زەينەتكەرلىك قامسىزداندىرۋىنا قاتىناسۋدىڭ جاسىل ارناسىن اشىپ، قامسىزداندىرۋعا قاتىناسۋدى تىركەۋگە الدىرۋ سياقتىلاردى سول جەردە ورىنداپ كورسەتسە؛ قىزمەتكەرلەر جۇمىسسىزدارعا قاراتا ”بىرگە ٴبىر“ بويىنشا جۇمىسسىزدىقتى قامسىزداندىرۋ مامىلەسىن ەسەپتەۋ مەن مامىلەنى ٴوتىنىش ەتۋ جاعىنداعى قيىنشىلىقتارىن سول جەردە شەشتى. بانكە قىزمەتكەرلەرى دە بۇعان بەلسەنە ات سالىسىپ، بۇقارانىڭ جەكەلىك زەينەتاقى ەسەبىن ٴبىتىرۋ تيىمدىلىگى جونىنەن ٴوتىنىش بەرۋىنە قولما قول جەتەكشىلىك ەتتى. ”جۇمىس ۇستىندە جارالانۋدان ساقتانۋ جىلجىمالى ساباقحاناسىندا“ قۇرىلىس جۇمىسشىلارى، تاپسىرىسپەن تاماق جەتكىزۋشى سياقتى ٴتۇيىندى قاۋىمعا جۇمىس ۇستىندە جارالانۋدان ساقتانۋ جونىندە ۇعىنىقتى تاربيە جۇرگىزدى.
ٴتىلشى تىلشىلىك بارىسىندا وسى رەتكى قيمىلدا جەلىدەن تىس قىزمەت وتەۋگە ٴمان بەرۋمەن بىرگە، جەلىدەگى تەكشەدەن تولىق پايدالانعانىن ۇعىستى. قوعامدىق قامسىزداندىرۋ كاسىبىنىڭ تىرەكتىلەرى ”قاريدارلارعا بۇلتتىق قىزمەت وتەۋشى“ رەتىندە ”ىلەلىكتەردىڭ قوعامدىق قامسىزداندىرۋ تۋرالى“ ۋيچات، دوۋيىن سىندى قوس تۇعىرى ارقىلى تىكە تاراتۋ قىزمەتىن ورىستەتىپ، بۇقارا نازار اۋدارعان زەينەتكەرلىك قامسىزداندىرۋىن جوتكەۋ، قابىلداۋ، جالعاستىرۋ، باسقا جەردە ەمدەلۋدى ەستەلىككە الۋ سياقتى قولامتالى ماسەلەلەرگە دەر كەزىندە جاۋاپ بەردى. سونىمەن بىرگە، ٴىس ٴبىتىرۋ قولدانباسى ەكىلىك كود سياقتى قولدانىلمالى ينفورماتسيالاردى دا بىرگە جەتكىزدى.
ساناققا قاراعاندا، وسى رەتكى قيمىلعا پارتيالى كادرلار، كاسىپورىن ۋاكىلدەرى سياقتىلاردان 50 نەشە ادام قاتىناسىپ، ناق مايداندا 2600 ادام ـ رەتتەن استام قابىلداپ، جەلىدەگى قىزمەت كورسەتۋ 20 مىڭ ادام ـ رەتكە جەتكەن.
”بۇرىن بىرنەشە جىل قالا، اۋىل تۇرعىندارىنىڭ زەينەتكەرلىك قامسىزداندىرۋىن تاپسىرعان ەدىم، قازىر يكەمدى جۇمىستاندىرۋ قامسىزداندىرۋىن تاپسىراتىن بولدىم، وسىنىڭ الدىندا تاپسىرعان اقىدان الاڭداپ كەلگەن بولاتىنمىن. بۇگىن قوعامدىق قامتاماسىزداندىرۋ كادرلارى مەنىڭ بۇل كۇدىگىمە بەتپە - بەت جاۋاپ بەرىپ، مەنى الاڭسىز ەتتى“ - دەدى بۇقارا جاڭ لەي.
وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، مەكەمە باستىعى يۇي شۋدى بىلاي دەپ تانىستىردى: بيىل جىل باسىنان بەرى ىلە وبلىسى قوعامدىق قامسىزداندىرۋ جاعىنان قىزمەت وتەۋ ساياساتىن ۇگىتتەۋدى سان مىڭداعان وتباسىنا جەتكىزۋ قيمىلىن ۇزدىكسىز ىلگەرىلەتىپ، كاسىپتىك شەبەرلىك جارىسى سياقتى كولەمدى قيمىلداردان پايدالانىپ، ”پارتيا قۇرىلىسى + ساياساتتى ۇگىتتەۋ“ ۇلگىسى ارقىلى بۇقارانىڭ يكەمدى قوعامدىق قامسىزداندىرۋ قىزمەت وتەۋىنەن يگىلىكتەنۋىنە مۇمكىندىك جاسادى.