ٴتىلشىمىز ساي ليپىڭ حابارلايدى. 5 - ايدىڭ 16 - كۇنى تۇستەن بۇرىن «باتىس بولىك» جۋرنالى مەكەمەسى، ىلە وبلىستىق ادەبيەت - كوركەمونەرشىلەر بىرلەستىگى، ياڭجوۋ قالاسىنىڭ كۇنەس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسى ۇيىمداستىرعان، ىلە ايدىنى جۋرنالى مەكەمەسى، كۇنەس اۋداندىق پارتكومنىڭ ۇگىت ٴبولىمى، كۇنەس اۋداندىق ادەبيەت - كوركەمونەرشىلەر بىرلەستىگى جاۋاپتى بولعان 24 - كەزەكتى باتىس بولىك شىعارماشىلىق لاگەرى جانە ايگىلى جازۋشىلاردىڭ ىلە جونىندەگى شىعارماشىلىق قيمىلى كۇنەستە رەسمي باستالدى.

لاگەردىڭ باستالۋ سالتىندا ىلە وبلىستىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى لي گىڭيۇن بىلاي دەدى: ”ىلە − بايىرعى جىبەك جولىنداعى مادەني ماڭىزدى قالاشىق، وندا نەشە مىڭ جىلدان بەرى سان - ساناقسىز اسەرلى اڭگىمەلەر جارىققا شىققان، سونداي - اق ۇرپاقتان - ۇرپاققا تامىر تارتقان ادەبيەت جاسامپازدىعىمەن شۇعىلدانۋشىلاردى جەتىلدىرگەن جەر. سوڭعى جىلداردان بەرى ىلە وبلىستىق ادەبيەت - كوركەمونەرشىلەر بىرلەستىگى جەرگىلىكتى جازۋشىلاردىڭ ومىرگە تەرەڭ تامىر تارتۋىنا باستان - اياق بار كۇشپەن قولداۋ كورسەتىپ، ”تيانشان جىر مۇشايراسىن“ ۋاكىل ەتكەن ادەبيەت ماركاسىن جاراتىپ، ىلەنىڭ ادەبيەت باقشاسىن قۇلپىرتا ٴتۇستى. كۋرسقا قاتىناسقان كۋرسانتتاردىڭ ايگىلى جازۋشىلاردىڭ لەكسياسىن مۇقيات تىڭداپ، ايگىلى جازۋشىلارمەن بەلسەنە پىكىر الماستىرىپ، ٴوزارا ىقپالداسىپ، وزدەرىنىڭ ادەبيەت ساپاسى مەن جاسامپازدىق ورەسىن ۇزدىكسىز جوعارىلاتۋىن، سونىمەن بىرگە ۇيرەنگەندەرىن ٴىس جۇزىندىك جاسامپازدىق بارىسىندا قولدانىپ، تۇرمىسقا ىشكەرىلەي ارالاسىپ، حالىققا تامىر تارتىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى ارقاۋ ەتىپ، ىلەنىڭ سالت ـ ساناسىن، جەرگىلىكتى جاعدايىن بەينەلەيتىن، ىلەنىڭ دامۋ وزگەرىسىن ايگىلەيتىن اناعۇرلىم كوپ تاڭداۋلى تۋىندىلار جاراتۋىن ٴۇمىت ەتەمىن“.

جۇڭگو جازۋشىلار قوعامى جالپى جورالار القاسىنىڭ مۇشەسى، شينجياڭ ادەبيەت ـ كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى، شينجياڭ جازۋشىلار قوعامىنىڭ ورىنباسار ٴتوراعاسى شيۇڭ حۇڭجيۋ لاگەردىڭ باستالۋ سالتىندا بىلاي دەدى: باتىس بولىك شىعارماشىلىق لاگەرى − اۆتونوميالى رايوندىق ادەبيەت ـ كوركەمونەرشىلەر بىرلەستىگىنىڭ ادەبيەت سالاسىندا ورىستەتكەن ماڭىزدى كۋرسى، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، وڭىرلىك ادەبيەتتىڭ دامۋىن جەبەۋدىڭ ماڭىزدى شاراسى. ادەبيەت جاسامپازدىعىمەن شۇعىلدانۋشىلار شي جينپيڭنىڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ”شينجياڭدى مادەنيەتپەن نارلەندىرۋدىڭ“ تەرەڭ ٴمانىن دەن قويا سەزىنىپ، قالام قۋاتى ارقىلى ٴداۋىردىڭ بەت - بەينەسىن تەرەڭ ايگىلەۋى كەرەك. وسىدان كەيىن شيۇڭ حۇڭجيۋ ”شالقىمانىڭ وڭىرلىك ەرەكشەلىگى مەن دارالىعىن بەينەلەۋدى“ تاقىرىپ ەتىپ، شىعارماشىلىق لاگەرىندەگى عىلمي اۋىس - كۇيىستىڭ شىمىلدىعىن اشتى، ول ”مەن“ دەگەن سوزبەن وسى دۇنيەگە دەگەن كوزقاراسى مەن تۇسىنىگىن، جۋ زىچيڭ، ۋاڭ زىڭچي، شى تيەشىڭ، جوۋ تاۋ، ليۋ لياڭچىڭ، لي جۋان، گى جى قاتارلى ۇزدىك شالقىما جازۋشىلاردىڭ شىعارمالارىن مىسالعا الىپ، كوپ جىلدىق كىتاپ وقۋ تاجىريبەسى مەن جازۋ ٴامالياتىنا ۇشتاستىرىپ، جاندى دا ەگجەي - تەگجەيلى باعالاۋ جۇرگىزىپ، تالداۋ جاسادى.

كۇنەس اۋداندىق پارتكومنىڭ ورىنباسار شۋجيى، ياڭجوۋ قالاسىنىڭ كۇنەس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسىنىڭ باستىعى تاڭ جاۋۋىن جازۋشىلاردىڭ كۇنەستىڭ مال شارۋاشىلىق رايونىنداعى مالشى وتباسىنا، اتىز باسىنا بارىپ، مالشىلاردىڭ دومبىرا شاناعىنان توگىلگەن ٴان - كۇيىن تىڭداپ، شارۋالاردىڭ مول ٴونىم شاتتىعىن سەزىنىپ، ٴتىپتى دە كوپ تارتىمدى، تەرەڭ، تاماشا تۋىندىلار جاراتۋىن قارسى الدى.

وسىدان كەيىنگى ەكى كۇندە كۋرسانتتار تاعى بەيجيڭ شەتەل ٴتىلى داشۋەسىنىڭ پروفەسسورى، دوكتورانت جەتەكشىسى ۋاڭ جيانجاۋدىڭ «وسى زامانعى پويەزيا: كىتاپ وقۋ جانە شىعارماشىلىق»، چۇڭچيڭ يتۇڭ شۋەيۋانى شىعارماشىلىق شۋەيۋانىنىڭ ورىنباسار باستىعى سۋ سىسىنىڭ «قيال الەمىنىڭ ٴورىس اشۋشىلارى: جەكە كورىنىستىك تۇيسىك ارقىلى بولمىستى بايقاۋ»، 13 - كەزەكتى مەملەكەتتىك از ۇلتتار ادەبيەتى جاسامپازدىعى تۇلپار سيلىعىنىڭ يەگەرى اشىنىڭ «شالقىمادان اڭگىمەگە دەيىن ــــ ادەبي جانرلار اراسىنداعى ٴوزارا سۇحپات، پىكىرلەسۋ» سىندى ٴۇش مايدان لەكسياسىن تىڭدادى، كۇنەس اۋدانىنىڭ جاڭا ٴداۋىر وركەنيەت امالياتى ورتالىعى، قالا كىتاپ ٴۇيى سياقتى نەگىزگى ساتى مادەنيەت قۇرىلىسى شەبىندە، سونداي - اق اراق مادەنيەت مۇراجايى، قىزىل ارميا ۇيىرمەسى مۇراجايى سياقتى ورىنداردا ۇلتتىق سالت - سانا جونىندە شىعارماشىلىقپەن شۇعىلدانىپ، كۇنەس تابيعاتىنىڭ كوركەمدىگىن، گۋمانيتارلىق كوركەمدىگىن، دامۋ كوركەمدىگىن سەزىندى.

«چيڭداۋ ادەبيەتى»، «جياڭنان پويەزياسى»، «ولەڭ قۇرىلىسى» سياقتى باسىلىمداردان كەلگەن جازۋشىلار جانە ىلە وبلىسى، بيڭتۋان 4 - شىسى كوكدالا قالاسى، قارامايلى قالاسى سياقتى جەرلەردەن كەلگەن 30 دان استام ادەبيەت اۋەسكەرى ادەبيەت كۋرسىنا قاتىناستى. قيمىل اياقتاعاننان كەيىن، باتىس بولىك جۋرنالى  شاعىن سان شىعارىپ، وسى رەتكى قيمىلدىڭ جەتىستىكتەرىن جاريالايدى.