ىلە وسىمدىك باقشاسى جىلىجايى اشىلدى:

وسىمدىك دۇنيەسىنىڭ قۇدىرەتىن ىشكەرىلەي سەزىنۋگە مۇمكىندىك تۋدى 

ەرىكتى ٴتىلشى جاڭ ۋىنتيڭ حابارلايدى. قۇرىلىس جۇرگىزىلگەنىنە 2 جىل بولعان كۇنەس اۋدانى المالى قالاشىعى جابايى جەمىس ورمانى الەۋمەتتىك اۋماعىنداعى ىلە وسىمدىك باقشاسى جىلىجايى 6 - ايدىڭ 30 - كۇنى رەسمي اشىلدى، باعالى وسىمدىكتەردى ەنگىزۋ، ورنالاستىرۋ جۇمىسى ورىندالىپ، جەرگىلىكتى بۇقارا مەن ساياحاتشىلارعا شىت جاڭا اسەر الا كەلدى.

اشىلعان كۇنى ىلە وسىمدىك باقشاسى جىلىجايى كوپتەگەن ساياحاتشىنى ەكسكۋرسيالاۋعا باۋرادى. جىلىجايعا كىرسەڭىز، الۋان ٴتۇرلى وسىمدىكتەر كوز جاۋىن الادى. جەرگىلىكتى ساياحاتشى ياۋ ميڭشى بىلاي دەدى: ”بۇرىن كوپتەگەن وسىمدىكتى وڭتۇستىكتەن عانا كورۋگە بولاتىن، قازىر ىرگەدەن - اق كورە الاتىن بولدىق“. وقۋشى گى يۇيچيڭ بىلاي دەدى: ”مەن كىتاپتان عانا كورۋگە بولاتىن وسىمدىكتەردى كوردىم، مۇعالىمنىڭ ٴتۇسىندىرۋى ارقىلى ٴبىز وسىمدىككە قاتىستى كوپتەگەن ٴبىلىم ۇيرەندىك“.

ىلە وسىمدىك باقشاسىنىڭ ورىنباسار باستىعى ليۋ حۇيلياڭ بىلاي دەدى: ”ىلە وسىمدىك باقشاسىندا وسىمدىك ٴتۇرى 5000 نان اساتىن بولادى، قازىر 1700 دەن استام ٴتۇرى جينالدى. ىلە وسىمدىك باقشاسى جىلىجايىنىڭ تۇرلەردى جيناۋ، عىلمي زەرتتەۋ، عىلىم جالپىلاستىرۋ ۇگىت - تاربيەسى سياقتى باستى رولى بار، بۇقارا وسى ارادا ٴتۇرلى وسىمدىك جونىندە مول ٴبىلىم ۇيرەنىپ، ولاردىڭ قۇنىن ۇعىنا الادى“.

سۋرەتتە: ىلە وسىمدىك باقشاسى جىلىجايىنىڭ سىرتقى كورىنىسى.  جاڭ ۋىنتيڭ فوتوسى