بيىل جوعارى ورىنداردىڭ 453 ميلليون يۋان قارجىسىنا قول جەتكىزىپ، 194 وقۋ - اعارتۋ نىسانىن جاڭادان سالدى

ىلە وبلىسى وقۋ - اعارتۋ ساپاسىن جوعارىلاتۋ نىسانى قۇرىلىسىن جەدەل ىلگەرىلەتتى

حابارىن جازىپ، سۋرەتىن تۇسىرگەن تىلشىلەرىمىز جاۋ شياۋفاڭ، ٴلادينا ەرىكتى تىلشىلەر جاڭ بونيان، حى شياۋ

سوڭعى جىلدارى قۇلجا قالاسى وقۋ - اعارتۋدىڭ ساپاسىن جوعارىلاتۋ ينجەنەرياسىن ۇزدىكسىز ىلگەرىلەتىپ، نازاردى وقۋ - اعارتۋ جاعىنداعى ولقىلىقتاردى تولىقتاۋعا شوعىرلاندىرىپ، كورنەكتى ماسەلەلەردى شەسىپ، قالاداعى بالاباقشالاردىڭ ورنالاسۋىن ساپالىلاندىرۋ ارقىلى جالپىعا ٴتيىمدى مەكتەپكە دەيىنگى تاربيە بايلىعىمەن قامداۋدى كەڭەيتىپ، جاسى تولعان بالالاردىڭ ”بالاباقشاعا تۇسۋگە تيىستىلەرىن مۇمكىندىگىنشە تۇسىرۋگە“ شىنايى كەپىلدىك ەتتى.

 2024 - جىلى جاڭادان سالىنعان ٴتۇيىندى نىسانداردىڭ ٴبىرى بولعان راۋشانباق كوشەسىنىڭ وڭتۇستىگىنە ورنالاسقان، باقشا 88 - ٴنومىرلى شاعىن رايونىنىڭ باتىسىنداعى قۇلجا قالالىق 24 - بالاباقشاسى قۇرىلىسىنىڭ اياق ايالىسى ٴساتتى جۇرگىزىلۋدە. قازىر تۇلعالىق قۇرىلىس نەگىزىنەن سالىنىپ بولدى. جۇمىسشىلار ٴورت ٴسوندىرۋ، ورتتەن ساقتانۋ قۇبىرىن كومۋ جانە ٴۇي ٴىشىن اشەكەيلەۋ جۇمىسىن تارتىپپەن ورىستەتىپ جاتىپتى. 

”بۇل نىسان تۇلعالىق عيمارات، ٴورت ٴسوندىرۋ، ورتتەن ساقتانۋ كولشىگى، كەزەكشىلىك بولمەسى سىندى 3 جەكە قۇرىلىستى ٴوز ىشىنە الادى. قازىر تۇلعالىق عيمارات اشەكەيلەۋ كەزەڭىنە ٴوتتى. ەدەنگە فارفور كەرپىش توسەۋ جانە تام قــابىرعاسىن اشەكـەيلەۋ جـۇمىسى ايـاقتالىپ، ەسىك - تەرەزە ورناتىلۋ الدىندا تۇر؛ ٴورت ٴسوندىرۋ، ورتتەن ساقتانۋ كولشىگى جابدىقتارىن ورناتۋ ٴبىر ۋاقىتتا ىلگەرىلەتىلۋدە. كەزەكشىلىك بولمەسىنىڭ ىشكى - سىرتقى قابىرعالارىن سىلاۋ جۇمىستارى جەدەل جۇرگىزۋىلۋدە“. نىساننىڭ جاۋاپتىسى بۋ جياچي بىلاي دەپ تانىستىردى: ”مەجەمەن 7 - ايدىڭ 31 - كۇنىنەن بۇرىن بارلىق قۇرىلىس مىندەتى ورىندالىپ بولىپ، رەسمي پايدالانۋعا بەرىلەدى“. 

ۇعىسۋعا قاراعاندا، وسى 3 قاباتتى بالاباقشا قۇرىلىسىنىڭ، جالپى قۇرىلىس اۋماعى 5378.6 شارشى مەتر بولىپ، جالپى كلاس، اس ٴۇي، كوپ فۋنكتسيالى قيـمـىل ٴۇيى، تۇسكى دەمالىس بولمەسى جانە دالالىق سپورت الاڭى سياقتى قۇرىلعىلار ورنالاستىرىلعان. پايدالانۋعا بەرىلگەننەن كەيىن 360 ورىن ازىرلەنىپ، توڭىرەكتەگى وقۋ جاسىنداعى بالالاردىڭ بالاباقشاعا كىرۋ قاجەتىن قاناعاتتاندىرادى ەكەن.

قۇلجا قالالىق وقۋ - اعارتۋ مەكەمەسى دامۋ - جوسپارلاۋ كەڭسەسىنىڭ مەڭگەرۋشىسى ۋاڭ شياۋلياڭ مىنالاردى ٴبىلدىردى: ”24 - بالاباقشانىڭ يەلەگەن جەرى شامامەن 12 مۋ، جالپى 25 ميلليون يۋان قـارجى قوسىلادى، بيىل 9 - ايدا ىسكە قوسۋدى جوسپارلاپ وتىرمىز. 2025 - جىلى بۇكىل قالانىڭ وقۋ - اعارتۋ جۇيەسى بويىنشا جاڭادان سالىناتىن 19 نىساندى جوبالاپ وتىرمىز، بۇل مەكتەپكە دەيىنگى تاربيەنى، مىندەتتى وقۋ - اعارتۋدى، ورتا مەكتەپ وقۋ - اعارتۋىنىڭ تۇتاس وقۋ كەزەڭىن قامتيدى. وسى نىساندار تۇگەلدەي سالىنىپ بولعاننان كەيىن مەجەمەن 24 مىڭ ورىن ازىرلەنىپ، مەكتەپكە دەيىنگى تاربيەنىڭ جالپىلاسۋىن، جالپىعا ٴتيىمدى بـولـۋىن، مىندەتتى وقۋ - اعارتۋىنىڭ ساپالى، بىركەلكى بولۋىن، ورتا مەكتەپ وقۋ - اعارتۋىنىڭ ەرەكشەلىگى الۋان ٴتۇرلى بولۋىن پارمەندى ىلگەرىلەتەدى“. 

وقۋ - اعارتۋ ساپاسىن جوعارىلاتۋ نىسانى قۇرىلىسىنىڭ ورلەۋى قورعاس اۋدانىندا دا كوتەرىلدى. بيىل تىڭنان سالىناتىن جانە وزگەرتىپ سالىناتىن وقۋ - اعارتۋ نىسانىنان جەتەۋىن قاتار ىلگەرىلەتىپ، 25 مىڭ 600 شارشى مەترلىك مەكتەپ ٴۇيى جاڭادان سالىنادى، بۇل بالاباقشادان تولىق ورتا مەكتەپكە دەيىنگى وقۋ كەزەڭىن قامتىپ، ورىن تاپشىلىعى جاقسارىپ، كلاسقا بالا سيماۋ قۇبىلىسىن جويىپ، مىندەتتى وقۋ - اعارتۋدىڭ ساپالى، بىركەلكى دامۋى بار كۇشپەن ىلگەرىلەتىلەدى. 

قورعاس اۋدانىنىڭ ٴتۇيىندى حالىق تۇرمىسى ينجەنەرياسى رەتىندە گۋاڭرىن ورتا مەكتەبى نىسانىنا جالپى 120 ميلليون يۋان قارجى قوسىلعان، جالپى يەلەگە جەر اۋماعى 176 مۋ، قۇرىلىس كولەمى 33 مىڭ شارشى مەتر بولىپ، بۇل ەكى مەرزىمگە ٴبولىنىپ سالىنادى ەكەن، قۇرىلىس مەرزىمى 3 جىل بولىپ، بۇل ٴبىرىنشى مەرزىمدىك ينجەنەريا وقىتۋ عيماراتى، تاجىريبە عيماراتى، ۋنيۆەرسالدى عيمارات، جاتاق عيماراتى سياقتىلاردى قامتىپ، ٴارقايسىسىنىڭ قۇرىلىس كولەمى 11 مىڭ شارشى مـەتر بـولىپ، ينجەنەريادا بىلتىر 8 - ايدا جۇمىس باستالعان - دى. 

”قازىر گۋاڭرىن ورتا مەكتەبى نىسانىنىڭ 1 - مەرزىمدىك 4 عيماراتىنىڭ ىشكى بولەگىن اشەكەيلەۋ، سۋ جانە ەلەكتر جۇيەسىن ورنالاستىرۋ، تام قابىرعالارى مەن ەدەن جۇمىسى تەڭ قادامدا ىلگەرىلەتىلىپ، 8 - ايدىڭ سوڭىنان بۇرىن ولشەم بويىنشا پايدالانۋعا بەرۋگە شىنايى كەپىلدىك ەتۋدە. 2 - مەرزىمدە 2 اسحانانىڭ توبەسىن جابۋ جۇمىسى اياقتالادى، قالعان وقىتۋ عيماراتى مەن جاتاق عيماراتىنىڭ 3 قاباتتىق تۇلعالىق نەگىزگى قۇرىلىسى جاپپاي اياقتالادى، 2026 - جىلى 7 - ايدىڭ سوڭىندا سپورت الاڭى سياقتى قوسىمشا ينجەنەريالاردى ورىنداپ بولىپ، سول جىلى 8 - ايدا پايدالانۋعا بەرۋ جوسپارلاۋدا“، - دەدى شينجياڭ جيشۋان ينجەنەريا باسقارۋ شەكتى سەرىكتەستىگىنىڭ جۇمىستى باقىلاپ - باسقارۋشىسى شۇي ليشين.

گۋاڭرىن ورتا مەكتەبى نىسانى − قورعاس اۋدانىنىڭ 2025 - جىلعى وقۋ - اعارتۋ جۇيەسىندەگى ٴتۇيىندى نىسان قۇرىلىسىنىڭ ىقشام كورىنىسى. بيىل وسى اۋدان ٴتۇيىندى ىلگەرىلەتىلەتىن وقۋ - اعارتۋدىڭ ساپاسىن جوعارىلاتۋعا ساياتىن 7 نىساندى ىسكە قوستى، بۇل مىندەتتى وقۋ - اعارتۋ بويىنشا مەكتەپ ۇيلەرىنىڭ حاۋىپسىزدىگىن جوعارىلاتۋ سياقتى كوپتەگەن سالانى قامتيدى. مۇنىڭ ىشىندە گۋاڭرىن ورتا مەكتەبى نىسانى وقىتۋ عيماراتىن، جاتاق عيماراتىن، اسحانانى جانە دەنە تاربيە الاڭىن جاڭادان سالۋ جۇمىسى قامتىلۋمەن بىرگە، ونان دا ماڭىزدىسى تارماق نىساندار ارقىلى بىرلەسىپ قيمىلداۋ ارقىلى مەكتەپ اۋلاسىنىڭ فۋنكتسياسىن جاپپاي جوعارىلاتتى. 

قورعاس اۋداندىق وقۋ - اعارتۋ مەكەمەسىنىڭ ورىنباسار باستىعى جاڭ جىيۇڭ بىلاي دەدى: ”قورعاس اۋنىنداعى وقۋ - اعارتۋ قىزمەتىنىڭ ساپاسىن جوعارىلاتۋعا ساياتىن 7 نىساننىڭ اتقارىلۋى چيڭشۇيحى قالاشىعى وقىتۋ رايونىنداعى ورتا مەكتەپ وقۋشىلارىنا ورىن جەتىسپەۋ ماسەلەسىن ٴونىمدى باسەڭدەتىپ، ورتالاۋ مەكتەپتىڭ دەنە تاربيە الاڭى مەن سىرتقى قاتتى بولشەك شارت - جاعدايىن جاقسارتادى. سونداي - اق قىستاق دارەجەلى بالاباقشاسىنىڭ نەگىزدىك قۇرىلعىلارىنىڭ دارەجەسىن دە جوعارىلاتادى“. 

بيىل ىلە وبلىسى جوعارى دارەجەلى ورىنداردىڭ 453 ميلليون يۋان قارجىسىنا قول جەتكىزىپ، جاڭادان 194 وقۋ - اعارتۋ نىسانىن اتقارىپ، مەكتەپكە دەيىنگى تاربيەنى دامىتۋ، بالابـاقشالاردى جــوندەۋ، مىندەتتى وقـۋ - اعارتۋ ساتىسىنىڭ دارەجەسىن جوعارىلاتۋ، ادەتتەگى ورتا مەكتەپ قۇرىلىسى، كاسىپتىك وقۋ - اعارتۋ قىزمەتىنىڭ دارەجەسىن جوعارىلاتۋ سياقتى ٴتۇيىندى سالالاردى قامتيدى. بۇل نىساندار جاپپاي سالىنىپ بولعاننان كەيىن ىلە وقۋ - اعارتۋ ىستەرىنىڭ ساپالى، بىركەلكى، جوعارى ساپالى دامۋىنا پارمەندى قوزعاۋشى كۇش قوسادى. 

سۋرەتتە: قورعاس اۋدانى گۋاڭرىن ورتا مەكتەبىنىڭ 2 - مەرزىمدىك نىسان قۇرىلىسىنىڭ جۇمىس باسىندا توبە تاقتالى بەتون قۇيۋ جۇمىسى جۇرگىزىلۋدە.