ٴتىلشىمىز گۋ شۋە، سۇڭ شينۋي  حابارلايدى. 8 ـ ايدىڭ 25 ـ كۇنى تۇستەن كەيىن ”ٴومىردى قورعاۋدى“ نەگىزگى تاقىرىپ ەتكەن مەيىر جەتكىزىپ، جىلۋ اتاۋ قيمىلى قۇلجا اۋدانى جاڭاتام قالاشىعى شاقىلىقتام قىستاعىنىڭ قىستاق كوميتەتىندە وتكىزىلدى. شينجياڭ تيانحۋگۇڭفۋ جاسىل ەگىن، مال شارۋاشىلىق ونىمدەرىن ساتۋ شەكتى سەرىكتەستىگىنىڭ باس جوراسى شۇي جۇن اۆتوكولىكپەن 100 كيلومەتردەن استام جول باسىپ، شىت جاڭا ۇشقىشسىز ۇشاقتى قىستاق تۇرعىندار كوميتەتىنىڭ مەڭگەرۋشىسى نۇرمامەتتىڭ قولىنا تابىس ەتكەندە، قىزۋ شاپالاق ٴۇنى مەيىربان كاسىپورىنشىنىڭ اتا مەكەنىنە دەگەن تەرەڭ ىقلاسى مەن شەكسىز سۇيىسپەنشىلىگىنە كۋا بولدى.

ىلە وزەنىنىڭ شاقىلىقتام قىستاعىنىڭ قاراستىلىعىنان اعىپ وتەتىن بولىگى مەن سولتۇستىك جاعا توعانىنىڭ جالپى ۇزىندىعى 20 كيلومەتردەن اسادى، جەر ٴتۇزىلىسى كۇردەلى، ٴىشىنارا وڭىرلەردىڭ سۋ اعىسى قاتتى، سۋ تەرەڭدىگىن ولشەۋ قيىن، جاسىرىن اعىس، ٴيىرىم سياقتى قاتەرلى تۇيىندەرى كوپ. سۋى تۇنىق بولعاندىقتان، جاز كىرگەننەن بەرى توڭىرەكتەگى كوپتەگەن قىستاق تۇرعىندارى مەن ساياحاتشىلاردى مالتاۋعا، سۋدا ويناۋعا، بالىق اۋلاۋعا باۋرادى. اسىرەسە، جازعى دەمالىس كەزىندە ورتا ەسەپپەن ٴار كۇنى وسى سۋ ايدىنىنا كەلگەندەر 300 ادام - رەتتەن استى، مۇنىڭ ىشىندە باسىم كوپشىلىگى ازامات جاسىنا تولماعاندار، ونىڭ ۇستىنە كوپ ساندىسىنىڭ كاسىپتىك حاۋىپسىزدىك ٴبىلىمى كەمشىل ٴارى ٴونىمدى باقىلاۋى جەتەرسىز بولعاندىقتان، ٴوز بەتىمەن وزەنگە ٴتۇسۋ، بىرگە سۋ ويناۋ قۇبىلىسى جاپپاي ساقتالىپ، حاۋىپسىزدىك كومەسكى حاۋىپ - قاتەرى ورىن تەپكەن ەدى.

بۇقارانىڭ باس اماندىعىن شىنايى قورعاۋ، اسىرەسە، ازامات جاسىنا تولماعانداردىڭ سۋعا اعىپ كەتۋ شىرعالاڭىنىڭ تۋىلۋىنان ٴونىمدى ساقتانۋ ٴۇشىن، شاقىلىقتام قىستاعى عىلىم - تەحنولوگيالىق تـاسىلدەردەن پـايدالانىپ، بـاقىلاۋ - باسقارۋ ونىمدىلىگىن جوعارىلاتىپ، كەڭىستىكتەن شارلاۋ جۇرگىزىپ باقىلايتىن، الىس ارالىقتان حاۋىپسىزدىك ەسكەرتۋىن بەرەتىن، حاۋىپسىزدىك ۇگىت - تاربيەسىن جۇرگىزەتىن، شۇعىل جاعدايعا توتەپ بەرۋ بويىنشا بىرلەسىپ ارەكەتتەنۋگە تىرەك بولاتىن يقۋاتقا يە شاعىن تۇرپاتتى شارلاۋشى ۇشقىشسىز ۇشاق سەپتەپ، سۋعا تۇنشىعۋدان ساقتانۋ قىزمەتىن كۇشەيتۋگە ايرىقشا ٴزارۋ بولدى. 

8 ـ ايدىڭ 18 ـ كۇنى قورعاس قالالىق ساياسي كەڭەستىڭ مۇشەسى، شينجياڭ تيانحۋ توبىنىڭ (دايىندىق) قۇرۋشىسى، باسالقاسى شۇي جۇن جاعدايدىڭ انىق - قانىعىن بىلگەننەن كەيىن شاقىلىقتام قىستاعىنا Air 3S ۇشقىشسىز ۇشاعى مەن كەڭىستىكتەن ەسكەرتۋ بەرۋ جابدىعىن تارتۋ ەتۋدى ۇيعاردى. 

”جازعى دەمالىستا بالالاردىڭ سۋعا تۇنشىعۋىنان ساقتانۋ بويىنشا جىلۋ اتاۋ قيمىلىنا قاتىناسقانىمدى توتەنشە ماعىنالى ٴىس دەپ بىلەمىن، مەن مۇنى شەكسىز ماقتانىش جانە داڭق سەزىنەمىن. كىشكەنتايىمنان قۇلجا اۋدانىنىڭ دولان ەگىس الاڭىندا ەرجەتتىم، تۋعان جەرىم ٴۇشىن ۇلەس قوسسام دەيمىن“ - دەدى شۇي جۇن تەبىرەنە.

شينجياڭ تيانحۋ توبى (دايىندىق) باستابىندا شينجياڭ تيانحۋ ادام كۇشى بايلىعى قىزمەت وتەۋ شەكتى سەرىكتەستىگى بولىپ قۇرىلعان، قازىر بىرتىندەپ دامىپ زورايعان، سونداي ـ اق ٴۇرىمجى، قۇلجا قالاسى، قورعاس قالاسى، نىلقى اۋدانى، بيڭتۋان 4 ـ شىسى كوكدالا قالاسى سياقتى جەرلەردە سەرىكتەستىك قۇرعان، قۇلجا قالاسى مەن قورعاس قالاسىندا ٴىرى اسحانا اشقان. قازىر 150 دەن استام قىزمەتكەرى بار. نەگىزگى كاسىپ بەتالىسى ادام كۇشى بايلىعى جاعىنان قىزمەت وتەۋ مەن اۋىل شارۋاشىلىق قوسىمشا ونىمدەرىن ساتۋ، جەتكىزۋ مەن ونەرپازداردى تاربيەلەۋ جانە اس - سۋ كاسىبىمەن شۇعىلداناتىنداردى جەتىلدىرۋمەن شۇعىلدانادى. قازىرگە دەيىن سىرتقا 50 مىڭنان ارتىق قىزمەتشى جىبەردى. سەرىكتەستىك قۇرىلعاننان بەرى قوعامدىق جاۋاپكەرشىلىكتى بەلسەنە اتقارىپ، كاسىپورىننىڭ جاۋاپكەرشىلىك ارقالاۋىن ايگىلەپ، ۇلكـەندى ـ كىشىلى مەيىر جەتكىزۋ الەۋمەتتىك يگىلىك قيمىلىن 100 رەتتەن استام ورىستەتىپ، ٴتۇرلى زاتتىق ماتەريالداردان جيىنى 4 ميلليون يۋاننان استام جىلۋ اتادى.

جىلۋ اتاۋ سالتىندا ىلە توعىسپالى مەديا ورتالىعى پارتكومىنىڭ ورىنباسار شۋجيى ۋاڭ جيانجۇن شينجياڭ تيانحۋگۇڭفۋ جاسىل ەگىن، مال شارۋاشىلىق ونىمدەرىن ساتۋ شەكتى سەرىكتەستىگىنىڭ ىزگى ىستەرى مەن اتا مەكەنىنىڭ دامۋىنا تەحنولوگيالىق جاقتان كۇش - قۋات ۇستەگەنىنە شىن جۇرەكتەن العىس ايتتى. سونىمەن بىرگە، ول ٴار ۇلت كادرلارى مەن بۇقاراسىنىڭ جۇڭحۋا ۇلتى ورتاق تۇلعا تانىمىن اناعۇرلىم بەكەمدەپ، ”بەستى شىنايى مويىنداۋدى“ ۇزدىكسىز كۇشەيتىپ، ۇلتتار ىنتىماعى مەن مەملەكەتتىڭ تۇتاستىعىن سانالى قورعاپ، عىلىم ـ تەحنولوگيا كۇشىنەن پايدالانىپ اۋىل ـ قىستاقتى جاپپاي گۇلدەندىرىپ، دامۋ جەتىستىكتەرىنىڭ حالىق تۇرمىسىنا اناعۇرلىم كوپ، اناعۇرلىم ويداعىداي تيىمدىلىك جەتكىزۋىنە مۇمكىندىك جاساۋىن ٴۇمىت ەتتى.