قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى:

بىرلەسىپ ۇگىت جۇرگىزىپ، كاسىپورىنداردىڭ دامۋىنا قۋات ۇستەدى

ٴتىلشىمىز حۋاڭ يان، ەرىكتى ٴتىلشى گو لينا حابارلايدى. ”كادرلار ۇيگە كەلىپ ’شارۋاشىلىق قۇرۋ كوشباسشىسىن‘ تۇراقتاندىرۋدىڭ شارت ـ جاعدايى مەن ٴتارتىبىن ٴتۇسىندىردى، ٴبىز الدەقاشان ٴوتىنىش ەتكەن بولاتىنبىز. 11 ـ ايدىڭ 13 ـ كۇنى شينجياڭ يجياڭ يمپورت ـ ەكسپورت ساۋدا شەكتى سەرىكتەستىگى باس جوراسىنىڭ كومەكشىسى سالايدىن جالەل بىلاي دەدى: قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ساياسات ۇگىت لەكسياسى ”دالمە ـ ٴدال نارلەندىرۋ“ قىزمەت وتەۋدى وتباسىنا جەتكىزۋدىڭ ”ٴبىرىنشى شەبىندە ماسەلەلەردى شەشۋمەن“ ۇشتاستىرىپ، ساياساتتى تياناقتاندىرۋدىڭ ”ەڭ سوڭعى ٴبىر مەترىن“ ىركىلىسسىزدەندىردى.

بىرنەشە كۇننەن بەرى، قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن تياناقتاندىرىپ، ”ادام كۇشى بايلىعى جانە قوعامدىق قامتاماسىزداندىرۋ ساياساتىن كاسىپورىندارعا جەتكىزۋ“ قيمىلىن ورىستەتىپ، جۇمىستاندىرۋ بولىمىندەگى كادرلار كاسىپورىنداردىڭ جۇمىسشى ىستەتۋ قاجەتىمەن ۇشتاستىرىپ، نازاردى كاسىپورىندار ەڭ كوڭىل ٴبولىپ وتىرعان ماسەلەلەرگە شوعىرلاندىرىپ، كاسىپورىنداردىڭ قوعامدىق قامتاماسىزداندىرۋ قوسىمشا قاراجاتى، قىزمەت ورنىن ورنىقتىرۋ قامسىزداندىرۋ قاراجاتىن قايتارۋ سياقتى ساياساتتارىنا تۇسىنىك جاساپ، ساياسات جەتكىزۋدى، قىزمەت وتەۋدى كاسىپورىندارعا جەتكىزۋ ارقىلى كاسىپورىنداردىڭ قىزمەت ورنىن ورنىقتىرىپ، اۋىرتپالىقتى جەڭىلدەتۋىنە دەم بەرىپ، پايدادان يگىلىكتەندىرىپ، جالپى ٴماجىلىس رۋحىنىڭ تياناقتانىپ تامىر تارتۋىن ىلگەرىلەتتى.

قازىر قورعاس اۋدانى 394 كاسىپورىنعا ٴبىر ميلليون 934 مىڭ 900 يۋان قىزمەت ورنىن ورنىقتىرۋ قامسىزداندىرۋ قاراجاتىن قايتاردى، 17 كاسىپورىن ٴبىر جولدا 150 مىڭ يۋان قىزمەت ورنىن ورنىقتىرۋ كومەك قاراجاتىن، 407 كاسىپورىن 5 ميلليون 156 مىڭ 200 يۋان قوعامدىق قامسىزداندىرۋ قوسىمشا قاراجاتىن تياناقتاندىرىپ، كاسىپورىن مەن بۇقارانىڭ رازىلىق دارەجەسى ۇزدىكسىز جوعارىلادى. ”ٴبىز جالپى ٴماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، نازاردى كاسىپورىنداردىڭ دامۋىنداعى تولعاقتى تۇيىندەرگە، جۇمىسشى ىستەتۋدەگى قيىن تۇيىندەرگە ۇزدىكسىز شوعىرلاندىرىپ، ساياسات ۇگىت لەكسياسى ٴتاسىلىن ۇزدىكسىز ساپالىلاندىرىپ، ادام كۇشى بايلىعى جانە قوعامدىق قامتاماسىزداندىرۋ ارقىلى سۇيەمەلدەۋ ساياساتىن دالمە ـ ٴدال جالپىلاستىرىپ، اناعۇرلىم ەگجەي ـ تەگجەيلى قىزمەت وتەۋ، اناعۇرلىم ناقتى شارالار ارقىلى اناعۇرلىم كوپ كاسىپورىن مەن ەڭبەكشىلەرگە كومەكتەسىپ، ەكونوميكانىڭ جوعارى ساپالى دامۋى مەن جۇمىستانۋدىڭ ورنىقتى بولۋىن قورعايمىز“، - دەدى قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى بيان جۇنلي.