تىلشىلەرىمىز ۋاڭ جۋان، ياڭ جيڭ - ي

سۋرەتتە: شىنجىن قالاسى ينفۋتۇڭ كاسىپورىنداردى باسقارۋ جونىندە اقىل ـ كەڭەس بەرۋ شەكتى سەرىكتەستىگى قۇلجا قالالىق بولىمشە سەرىكتەستىگىنىڭ قىزمەتكەرلەرى قىزمەت ىستەۋدە.    ياڭ جيڭ - ي فوتوسى

”ادام كۇشى بايلىعى جانە قوعامدىق قامتاماسىزداندىرۋ مەكەمەسى قۇرعان قىزمەتكەر قابىلداۋ تۇعىرى ارقىلى قاناعاتتانارلىقتاي قىزمەت تاپتىم، ايلىق ورتاشا ەڭبەكاقىم 6000 يۋان، ەڭ جوعارى بولعاندا 10 مىڭ يۋاننان اسادى“، - دەدى 11 - ايدىڭ 21 - كۇنى شىنجىن قالاسى ينفۋتۇڭ كاسىپورىنداردى باسقارۋ جونىندە اقىل ـ كەڭەس بەرۋ شەكتى سەرىكتەستىگى قۇلجا قالالىق بولىمشە سەرىكتەستىگىنىڭ قىزمەتكەرى ٴدينا ٴاليان قۋانا. بۇقارانىڭ جۇرەك ٴۇنى ىلە وبلىسىنا توتە قاراستى ٴار ۇلت بۇقاراسىنىڭ جۇمىستاندىرۋدى قامتاماسىزداندىرۋ تابىس سەزىمىن بەينەلەدى.

”14 ـ بەسجىلدىقتان“ بەرى، ىلە وبلىسى باستان ـ اياق جۇمىستاندىرۋدى ەڭ ۇلكەن حالىق تۇرمىسى ينجەنەرياسى ەتىپ، ساياساتتىق قولداۋدى ۇزدىكسىز كۇشەيتىپ، قىزمەت وتەۋ قامتاماسىزدىعىن ساپالىلاندىرىپ، كوپ نەگىزدى تۇعىر ورناتىپ، جۇمىستاندىرۋ بازارىن اشۋ، ٴتۇيىلىستىرۋ ارناسىن ىركىلىسسىزدەندىرۋ، نازاردى ٴتۇيىندى قاۋىمعا شوعىرلاندىرۋ، ەڭبەك ماركاسىن جەتىلدىرۋ سياقتى ٴبىر قىدىرۋ شارالار ارقىلى اناعۇرلىم جوعارى ساپالى، اناعۇرلىم تولىق جۇمىستانۋدى جۇزەگە اسىرۋدى بار كۇشپەن ىلگەرىلەتىپ، حالىق تۇرمىسىنىڭ باقىت نەگىزىن شىنايى بەكەمدەدى.

5 جىلدان بەرى، ىلە وبلىسى ەڭبەك سەلبەستىگىن ۇزدىكسىز تەرەڭدەتىپ، جاقىن ماڭدا، سول جەردە جۇمىستاندىرۋ مەن تارتىپپەن سىرتقا شىعىپ جۇمىستانۋدى ۇشتاستىرۋعا تاباندى بولىپ، رايون سىرتىندا 10 مىڭنان استام ساپالى قىزمەت ورنىن اشتى. وبلىسقا توتە قاراستى ورىنداعى اۋىل - قىستاق ەڭبەككۇشتەرىنەن 2 ميلليون 660 مىڭ 900 ادام (رەت) باسقا سالاعا ويىسىپ جۇمىستانىپ، ەڭبەككۇش بايلىعىن اناعۇرلىم كەڭ كولەمدە ساپالى ورنالاستىرۋدى جۇزەگە اسىردى.

وبلىسقا توتە قاراستى ورىندارداعى ادام كۇشى بايلىعى جانە قوعامدىق قامتاماسىزداندىرۋ تاراۋلارى بازار سۇرانىسىن جەتەكشى ەتىپ، ادام كۇشى بايلىعى جانە قوعامدىق قامتاماسىزداندىرۋ بويىنشا قىزمەت وتەۋ ارناۋلى قىزمەتكەرى ٴتۇزىمىن جاپپاي تياناقتاندىرىپ، ”كاسىپورىندارعا بارىپ قاجەتىن ۇعىسۋ“ قيمىلىن ۇدايى ورىستەتىپ، ”بازار+ الەۋمەتتىك جۇمىستانۋعا قىزمەت وتەۋ“ سىندى تۇتاس تىزبەكتى مەحانيزم ورناتىپ، كاسىپورىنداردىڭ جۇمىسشى ىستەتۋدەگى قيىن ماسەلەسىن ٴونىمدى شەشتى.

قىزمەتكەر قابىلداۋ ۇلگىسىندە ۇزدىكسىز جاڭالىق اشىپ، ”جۇمىس باسى+ ينتەرنەت“، ”شوعىرلاندىرۋ+ ارناۋلى الاڭ“، ”سىرتقا شىعىپ دارىندى ەنگىزۋ+ اۋىل - قالاشىقتى ارالاۋ“ ٴوزارا ۇشتاسقان تاسىلدەردى قولدانىپ، تىكە تاراتۋ ارقىلى جۇمىس تانىستىرۋ، كۇندىك جۇمىس بازارى ارقىلى تولىقتاۋ سياقتى كوپ نەگىزدى ارنالاردى قوسىمشا ەتىپ، تۇتاس جىلدا ”ٴبىر بەكەتتىك“ ادام كۇشى بايلىعى بويىنشا قىزمەت وتەۋدى جۇزەگە اسىردى. قازىر وبلىس بويىنشا 8 كۇندىك جۇمىس بازارى، 64 جۇمىستاندىرۋ ايالداماسى جانە 4 مەكتەپ اۋلاسى قىزمەت وتەۋ پۋنكتى قۇرىلىپ، ”15 مينۋتتىق جۇمىستاندىرۋعا قىزمەت وتەۋ شەڭبەرى“ نەگىزىنەن قالىپتاسىپ، جۇمىستانۋعا قىزمەت وتەۋ اناعۇرلىم قولايلى بولدى. ”التىشۋار كوشەسىندەگى شارۋاشىلىق قۇرۋشىلار كەشكى بازارى“، ”ي - ما كوشەسىندەگى دارىندىلار كەشكى بازارى“ سياقتى ەرەكشە دانەكەرلەر شارۋاشىلىق قۇرۋدىڭ، جۇمىستانۋدىڭ جاڭا جارقىن تۇيىنىنە اينالدى. ”14 - بەسجىلدىق“ مەزگىلىندە وبلىس بويىنشا 4203 مايدان قىزمەتكەر قابىلداۋ قيمىلى وتكىزىلىپ، 47 مىڭ 700 ادام ىستەتۋشى ورىن 664 مىڭ 900 جۇمىس ورنىمەن قامداپ، قامداۋ مەن قاجەتسىنۋدىڭ دالمە ـ ٴدال، جوعارى ٴونىمدى ۇشتاسۋىن ىلگەرىلەتتى.

جوعارى مەكتەپ بىتىرگەن وقۋشىلار سىندى جاستار قاۋىمىنا قاراتا، وبلىسقا توتە قاراستى ورىندار ”تىكەلەي قوسىمشا قاراجات بەرۋ، تەز ٴبىتىرۋ“ ۇلگىسىن جاپپاي اتقارىپ، جۇمىستانۋ، پراكتيكا جاساۋ قوسىمشا قاراجاتى، جۇمىس ىزدەۋ، شارۋاشىلىق قۇرۋ قوسىمشا قاراجاتى سياقتى ساياساتتاردى دالمە - ٴدال تياناقتاندىرىپ، جۇمىستانۋ، پراكتيكا جاساۋ قوسىمشا قاراجاتىنان جيىنى 33 ميلليون 68 مىڭ 700 يۋان تاراتىپ، وسى كەزەكتى قيىنشىلىعى بار جوعارى مەكتەپ بىتىرگەن وقۋشىلارعا 11 ميلليون 877 مىڭ يۋان ٴبىر رەتتىك جۇمىس ىزدەۋ، شارۋاشىلىق قۇرۋ قوسىمشا قاراجاتىن تاراتتى. ”كاسىپورىن جەتەكشىسى ٴتۇزىمى“ سياقتى قىزمەت وتەۋ دانەكەرلەرىن جاسامپازدىقپەن العا قويىپ، 700 پراكتيكا جاساۋ بازاسىمەن بىرلەسىپ، 12 مىڭ ساپالى پراكتيكا ورنىن ازىرلەپ، ينتەرنەت جەلىسىندە، جەلىدەن تىس 1572 مايدان جوعارى مەكتەپتەردەن وقۋ تاۋىسقان وقۋشىلاردى ارناۋلى جۇمىسقا قابىلداۋ جينالىسىن وتكىزىپ، 315 مىڭ جۇمىس ورنىمەن قامداپ، وقۋ تاۋىسقان 162 مىڭ وقۋشىعا قىزمەت وتەپ، مەكتەپ اۋلاسى مەن قىزمەت ورنىنىڭ ساڭلاۋسىز ۇشتاسۋىن جۇزەگە اسىردى.

شارۋاشىلىق قۇرۋ ارقىلى جەتەكتەۋ جاعىندا، ىلە وبلىسى كاسىپ سالاسىنىڭ دامۋىنا دەم بەرۋدى باعدار ەتىپ، سۇيەمەلدەۋ ساياساتىن ۇزدىكسىز كەمەلدەندىرىپ، قىزمەت شارالارىن ۇزدىكسىز كۇشەيتىپ، شارۋاشىلىق قۇرۋ ورتاسىن قۇلشىنا ساپالىلاندىرىپ، بۇكىل شينجياڭداعى ”2025 - جىلعى اۆتونوميالى رايوننىڭ تاڭداۋلى شارۋاشىلىق قۇرۋ نىساندارىن توپتاۋ جانە شارۋاشىلىق قۇرۋعا قىزمەت وتەۋ اپتالىعى قيمىلىن“ ٴساتتى وتكىزىپ، 2 التىن، 3 كۇمىس، ٴبىر مىس مەدال الىپ، تاريحتاعى ەڭ تاماشا ناتيجەنى جاراتتى.

ەڭبەك ماركاسى قۇرىلىسى جاعىندا، ”شينجياڭ جۇپار ٴشوپ ەگۋشىلەرى“، ”تەكەس حالىقتىق تۇسەلحانا باسقارۋشىلارى“ مەملەكەت دارەجەلى ەڭبەك ماركاسى رەتىندە تاڭدالدى، تەكەس حالىقتىق تۇسەلحانا باسقارۋشىلارىنىڭ جاۋاپتىسى شىن يا - نان مەملەكەتتىك شينشيڭ ەڭبەك ماركاسىنىڭ وبراز جارشىسى اتاعىنا يە بولدى. جۋىردا ”شاپشالداعى كەستەشى سىبە ايەلدەر“، ”تەكەس حالىقتىق تۇسەلحانا باسقارۋشىلارى“، ”قۇلجا حۋاحاي ونەرپازدارى“ سىندى 3 تاڭداۋلى ەرەكشە ەڭبەك ماركاسى مەملەكەتتىك ەڭبەك سەلبەستىگى جانە ەڭبەك ماركاسىن دامىتۋ جينالىسىندا بوي كورسەتتى.

ىلە وبلىسى «اۆتونوميالى وبلىس دارەجەلى ەڭبەك ماركاسىن تۇراقتاندىرۋ، جەتىلدىرۋدىڭ ۋاقىتشا ٴادىسىن» تۇتقا ەتىپ، ”ٴبىر اۋداندا ٴبىر ماركا بولۋ“ جاعدايىن قالىپتاستىردى، قازىر 11 اۋدان، قالا 28 ەڭبەك ماركاسىن جەتىلدىردى، مۇنىڭ ىشىندە اۆتونوميالى رايون دارەجەلى 4، وبلىس دارەجەلى 2 ەڭبەك ماركاسى بار. وسى ەڭبەك ماركالارى بويىنشا 110 مىڭ ادام جۇمىستاندى؛ 1972 ەڭبەك دەلدالدارى بويىنشا 120 مىڭ ادام جۇمىستانىپ، ەڭبەككۇشتىڭ جۇمىستانۋى ”دەنە قۋاتى تيبىنەن“ ”شەبەرلىك تيبىنە“، ”ماركا تيبىنە“ بۇرىلىس جاسادى.

ساندى مالىمەت ساناعىندا، ”14 - بەسجىلدىق“ مەزگىلىندە وبلىسقا توتە قاراستى قالا ـ قالاشىقتاردا جيىنى 208 مىڭ 300 ادام تىڭنان جۇمىستانعان. سونىمەن بىرگە، ٴبىر ميلليارد 168 ميلليون يۋان جۇمىستانۋ، شارۋاشىلىق قۇرۋ قوسىمشا قاراجاتى پارمەندى تىرەك بولىپ، مۇنان 873 مىڭ ادام (رەت) يگىلىكتەنىپ، قارجىنى باقىلاۋ ـ باسقارۋ مەحانيزمى دە ۇزدىكسىز كەمەلدەنگەن.

ىلە وبلىستىق جۇمىستاندىرۋعا قىزمەت وتەۋدى باسقارۋ مەكەمەسىنىڭ جاۋاپتىسى شى ۋي تىلشىگە بىلاي دەدى: ىلە وبلىسىنداعى ٴار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى قىزمەت وتەۋ ارقىلى جۇمىستاندىرۋدى جەبەۋگە تاباندى بولىپ، قىزمەتكەر قابىلداۋ ۇلگىسىندە جاڭالىق اشۋ، كۇندىك جۇمىس بازارىن قۇرۋ، ”15 مينۋتتىق جۇمىستاندىرۋعا قىزمەت وتەۋ شەڭبەرىن“ قۇرۋ، ”تىكەلەي قوسىمشا قاراجات بەرۋ، تەز ٴبىتىرۋ“ ساياساتىن تياناقتاندىرۋ سياقتى شارالار ارقىلى ”كاسىپورىنداردا جۇمىسشى جەتىسپەگەندە باسقاراتىن ادام بولۋ، بۇقارانىڭ جۇمىس ىزدەۋىنە جول اشۋدى“ شىن مانىندە جۇزەگە اسىردى.