جاڭا ەنەرگيالى 110 الەۋمەتتىك كوشە اۆتوبۋزى پايدالانۋعا بەرىلدى

قۇلجا قالاسىنىڭ الەۋمەتتىك كوشە اۆتوبۋزى %100 تازا ەلەكترلى اۆتوبۋزعا وزگەرتىلدى

سۋرەتتە: شوعىرلى توقتاتىلعان جاڭا ەنەرگيالى الەۋمەتتىك اۆتوبۋزدار. لي يافىڭ فوتوسى 

تىلشىلەرىمىز لي يافىڭ، اراي حابارلايدى. 12 ـ ايدىڭ 4 ـ كۇنى قۇلجا قالالىق چىڭيۇن توبى حۋاچىڭ الەۋمەتتىك قاتىناس سەرىكتەستىگىنىڭ جاڭا ەنەرگيالى 110 الەۋمەتتىك اۆتوبۋزى رەسمي پايدالانۋعا بەرىلدى، بۇل قۇلجا قالاسىنىڭ 32 الەۋمەتتىك قاتىناس لەنياسىنداعى جاڭا ەنەرگيالى الەۋمەتتىك قاتىناس كولىگىنىڭ جاڭالانۋ مولشەرىنىڭ %100 كە جەتكەندىگىن كورسەتەدى.

سول كۇنى ٴتىلشى قۇلجا قالالىق چىڭيۇن توبى حۋاچىڭ الەۋمەتتىك قاتىناس سەرىكتەستىگىنىڭ پويەز بەكەتى ايالداماسىنان شىت جاڭا تازا ەلەكترلى جاڭا ەنەرگيالى اق ٴتۇستى 110 الەۋمەتتىك اۆتوبۋزدى كوردى.

قۇلجا قالالىق چىڭيۇن توبى حۋاچىڭ الەۋمەتتىك قاتىناس سەرىكتەستىگى تيجارات باسقارۋ ٴبولىمىنىڭ ورىنباسار باستىعى جۋ حۇيجۋان بىلاي دەپ تانىستىردى: وسى رەت جولعا شىعارىلعان 110 جاڭا ەنەرگيالى الەۋمەتتىك كوشە اۆتوبۋزى 10 مەترلىك جانە 8.5 مەترلىك سىندى ەكى ٴتۇرلى بولىپ، تۇگەلدەي 2 - جول، 11 - جول، 12 - جول، 18 - جول، 19 - جول، 101 - جول، 302 - جول، 304 - جول، 501 - جول سياقتى 9 جولعا شىعارىلادى.

ٴتىلشىنىڭ ۇعىسۋىنشا، سوڭعى جىلداردان بەرى قۇلجا قالاسى مەملەكەتتىڭ جابدىقتاردى كەڭ كولەمدى جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى ىلگەرىلەتۋ جونىندەگى شەشىمدەرى مەن ورنالاستىرۋلارىن بەلسەنە تياناقتاندىرىپ، الەۋمەتتىك قاتىناس كولىكتەرىن ەلەكترلەندىرۋدى ۇزدىكسىز ىلگەرىلەتىپ، قاتىناس ـ تاسىمال كاسىبىنىڭ جاسىل، تومەن كومىرتەكتى تيپكە وزگەرتىلۋىن ٴتارتىپتى ىلگەرىلەتىپ، جاڭا ەنەرگيالى الەۋمەتتىك قاتىناس كولىكتەرىن ساتىپ الۋ ارقىلى الەۋمەتتىك قاتىناس تاسىمال قۋاتىن كۇشەيتىپ، قالا تۇرعىندارىنىڭ كوشە اۆتوبۋزىنا وتىرۋىنا قولايلىلىق جاراتقان.

بيىل قالا تۇرعىندارىنىڭ ٴجۇرىس ـ تۇرىسىنا جايلىلىق جانە قولايلىلىق جاراتۋ ٴۇشىن، قۇلجا قالاسى حۋاچىڭ الەۋمەتتىك قاتىناس سەرىكتەستىگى ”بارلىق ادام ات سالىسۋ، ارالاپ ٴجۇرىپ قىزمەت وتەۋ“ سىندى كارتچكا ساتۋ قىزمەت وتەۋ ۇلگىسىن العا قويىپ، قالا تۇرعىندارىنىڭ ”كارتچكا بىتىرەتىن ورىن الىس، اقشا قۇيۋ قيىن بولۋ“ سىندى قيىنشىلىعىن شەشتى. سونىمەن بىرگە، ارناۋلى تيىمدىلىك جاساپ، الەۋمەتتىك اۆتوبۋزدارعا حالىققا قولايلى قىزمەت وتەۋ ساندىعىن ورناتىپ، جولاۋشىلارعا مەيىر باعىشتادى.

جول لەنياسىن ساپالىلاندىرۋ جاعىندا، قۇلجا قالاسى التىشۋار كوشەسى كورىنىس رايونى، ىلە قۇلجا حالىقارالىق اۋەجايىنان ىلە بايىرعى قالا مادەنيەت ساياحات رايونى، ىلە وزەنى كورىنىس رايونى ساياحات ارناۋلى لەنياسى جاڭادان قوسىلىپ، ماڭىزدى كورىنىس تۇيىندەرىنە ٴبىر بەكەتتىك تىكە جەتكىزۋدى جۇزەگە اسىردى؛ توپتىق ٴجۇرىس ـ تۇرىس، كاسىپورىن جۇمىسشى - قىزمەتكەرلەرىنىڭ قىزمەتكە شىعىپ - ٴتۇسۋى، جەكەلەردىڭ دارالىق قاجەتىنە مەڭزەس، اۆتوكولىك كوتەرمەگە الۋعا قىزمەت وتەۋ، قاتىناۋ ارناۋلى لەنياسى، تاپسىرىستىق الەۋمەتتىك قاتىناس سياقتى كوپ نەگىزدى قىزمەت وتەۋدى العا قويىپ، ٴجۇرىس ـ تۇرىستىڭ باعىتتامالىلىعى مەن يكەمدىلىگىن اناعۇرلىم كۇشەيتتى. بۇدان سىرت، تاعى ٴىشىنارا الەۋمەتتىك اۆتوبۋز ايالدامالارىنىڭ دارەجەسىن ٴوسىرىپ، وزگەرتىپ، اۆتوبۋز كۇتۋدىڭ جايلىلىعىن جوعارىلاتتى؛ جەلىدە شىت جاڭا زەردەلى ورنالاستىرۋ جۇيەسى قولدانىلىپ، الەۋمەتتىك قاتىناسقا قىزمەت وتەۋ ساپاسىن ٴونىمدى جوعارىلاتتى.

جۋ حۇيجۋان بىلاي دەدى: قازىرگە دەيىن قۇلجا قالاسىنىڭ 32 الەۋمەتتىك قاتىناس لەنياسىندا 324 جاڭا ەنەرگيالى ەلەكترلى الەۋمەتتىك اۆتوبۋز بار، جاڭا ەنەرگيالى الەۋمەتتىك اۆتوبۋزداردىڭ جاڭالانۋ مولشەرى %100 كە جەتتى.

جۋ حۇيجۋان بىلاي دەپ تانىستىردى: قازىر حۋاچىڭ الەۋمەتتىك قاتىناس سەرىكتەستىگى الەۋمەتتىك قاتىناس كارتچكاسىنىڭ تيىمدىلىك قيمىلىن قاتار العا قويدى، مۇندا 30 يۋان تولەسەڭىز الەۋمەتتىك قاتىناس كولىگىنە 30 رەت وتىرۋعا، 50 يۋان تولەسەڭىز 50 رەت وتىرۋعا بولادى، 100 يۋان تولەسەڭىز 111 رەت اۆتوكولىككە وتىرۋ ۇقىق ـ مۇددەسىنە يە بولىپ قانا قالماستان، ونىڭ ۇستىنە ماڭگىلىك %90 تىك تيىمدىلىك ەرەكشە ۇقىعىنان يگىلىكتەنە الادى ەكەنسىز. سەرىكتەستىك باستان ـ اياق قالا تۇرعىندارىنىڭ قاجەتىن جەتەكشى ەتىپ، قىزمەت وتەۋدە جاڭالىق اشۋدى جانە دارەجەسىن جوعارىلاتۋدى ۇزدىكسىز ىلگەرىلەتىپ، الەۋمەتتىك قاتىناس قىزمەت وتەۋىنىڭ ساپاسىن ۇزدىكسىز جوعارىلاتىپ، قالا تۇرعىندارىنا اناعۇرلىم زەردەلى، اناعۇرلىم جاسىل، اناعۇرلىم جاناسىمدى ٴجۇرىس ـ تۇرىس ورتاسىن ازىرلەدى. سونىمەن بىرگە، ول قالا تۇرعىندارىنا ەگەر الەۋمەتتىك قاتىناسقا قاتىستى ماسەلەلەرگە جولىقساڭىز، قىزمەت وتەۋ ىستىق لەنياسىنىڭ 8222717 - 0999 نومىرىنەن اقىل - كەڭەس سۇراۋدى ەسكەرتەدى.