كۇيتۇن توعىسپالى مەديا ورتالىعىنىڭ حابارى. جۋىردا كۇيتۇن قالالىق قوعام حاۋىپسىزدىگى مەكەمەسىنىڭ قاتىناس باسقارۋ ۇلكەن اترەتى ”قاتىناس مادەنيەتىن مەكتەپ اۋلاسىنا ەنگىزىپ، حاۋىپسىز ەسەيىپ - ەرجەتەيىك“ دەگەن نەگىزگى تاقىرىپتى ارقاۋ ەتىپ، ساباقتان سىرتقى قيمىل ۋاقىتىنان پايدالانىپ قالالىق 9 - باستاۋىش مەكتەپكە بارىپ، بۇكىل مەكتەپتەگى وقىتۋشى - وقۋشىلارعا قاتىناس حاۋىپسىزدىگى جونىندەگى ۇگىت - تاربيە قيمىلىن ەگجەي - تەگجەيلى، جاندى فورمادا ورىستەتىپ، حاۋىپسىز ٴجۇرىپ - تۇرۋ تانىمىن ٴاربىر وقۋشىنىڭ جۇرەگىنە تەرەڭ ۇيالاتتى.

قاتىناس ساقشىلارى قىس ماۋسىمىنداعى اۋا رايىنىڭ سۋىق، جولدىڭ تايعاق، كورۋ اۋماعىنىڭ وڭاي كەدەرگىگە ۇشىراۋى سىندى قاتىناس جاعدايىنا، سونداي - اق ورتا، باستاۋىش مەكتەپ وقۋشىلارىنىڭ تىم البىرت، حاۋىپسىزدىك تانىمى ٴالسىز، ٴجۇرىس - تۇرىس ٴتاسىلى سالىستىرمالى ٴبىر ۋاقىتقا شوعىرلانۋداي ەرەكشەلىگىمەن ۇشتاستىرىپ، نازاردى وقۋشىلاردىڭ كۇندەلىكتى مەكتەپكە  بارىپ - قايتارىندا جاياۋ ٴجۇرۋ، ۆەلوسيپەد ٴمىنۋ، اۆتوكولىككە وتىرۋ سياقتى جوعارى جيىلىكتى جاعدايلارىنا شوعىرلاندىرىپ، قاراپايىم، ۇعىنىقتى تىلمەن جانە تۇرمىسقا جاقىن مىسالدارمەن قاتىناس حاۋىپسىزدىگى بىلىمدەرىن جاپپاي، جۇيەلى جالپىلاستىردى. سونىمەن بىرگە، قاتىناس ساقشىلارى تاعى دا ماڭايىندا تۋىلعان، ازامات جاسىنا تولماعاندارعا ساياتىن كوپتەگەن تيپتىك قاتىناس شىرعالاڭى مىسالدارىن تاڭداپ، سۋرەت جانە جازۋمەن بىرلەستىرۋ ارقىلى شىرعالاڭنىڭ تۋىلۋ سەبەبى: ــ مەيلى جولدان ەندەي وتكەندە اۆتوكولىك جاعدايىنا كوڭىل بولمەۋ، ۆەلوسيپەدپەن قىزىل شىراقتان قارسى باعىتقا ٴوتۋ بولسىن، الدە كۋالىكسىز ”قارا اۆتوكولىككە“، ”ارتىق ادام العان اۆتوكولىككە“ وتىرۋ بولسىن، بارلىعىندا ايانىشتى حاۋىپسىزدىك شىرعالاڭى تۋىلۋ مۇمكىندىگى جوعارى بولاتىندىعىنا ىشكەرىلەي تالداۋ جاسادى. ادامدى تۇرشىكتىرەتىن كوپتەگەن مىسالدار، كوپتەگەن شىنايى، جاندى ساندى مالىمەتتەر وقۋشىلارعا قاتىناس زاڭ - ەرەجەلەرىنە قايشىلىق جاساۋدىڭ اۋىر زاردابىن تىكە سەزىندىرىپ، ”وركەنيەتتى ساپارعا شىعۋ“، استە، ۇران عانا ەمەس، قايتا ٴوز ٴومىرىنىڭ حاۋىپسىزدىگىن قورعايتىن بەرىك قالتقى ەكەنىن تەرەڭ ۇعىندىردى.

قاتىناس ساقشىلارى تاعى ”ٴبىر ادامدا بىردەن حاۋىپسىزدىك باس كيىمى بولۋ“ سىندى حاۋىپسىزدىكتى قورعاۋ ارەكەتىمەن بىرلەستىرىپ، وقۋشىلارعا قاتىناس حاۋىپسىزدىگى ۇگىت قولدانباسىن تاراتىپ، كوپشىلىكتى وركەنيەتتى قاتىناستىڭ ”امالياتتا ايگىلەۋشىسى“ جانە ”كىشكەنتاي ۇگىتشىسى“ بولۋعا شابىتتاندىرىپ، ۇيرەنگەن بىلىمدەرىن ۇيلەرىنە الا قايتىپ، وتباسىنداعىلاردىڭ حاۋىپسىزدىك  تانىمىن بىرگە جوعارىلاتۋعا، ناشار ٴجۇرىس ـ تۇرىس ادەتىن تۇزەتۋگە جەتەكتەپ، ”ٴبىر وقۋشىنى تاربيەلەۋدىڭ، ٴبىر وتباسىن جەتەكتەۋدىڭ، تۇتاس قوعامعا ىقپال جاساۋدىڭ“ ۇگىت اسەرىن جۇزەگە اسىردى.