سۋرەتتە: ۇگىت قيمىلىنىڭ ناق مايدانى.   سۋرەتتى رايحانگۇل تايىرجان تۇسىرگەن

ەرىكتى ٴتىلشى رايحانگۇل تايىرجان حابارلايدى. جۋىردا قۇلجا اۋداندىق ٴورت ٴسوندىرۋ، ورتتەن ساقتانۋ، قۇتقارۋ، كومەكتەسۋ ۇلكەن اترەتى جەلى ٴجۇزى قالاشىعىمەن بىرلەسىپ ٴورت ٴسوندىرۋ، ورتتەن ساقتانۋ ۇگىتىن بازارلارعا دەيىن جەتكىزۋ قيمىلىن ورىستەتىپ، ٴورت ٴسوندىرۋ، ورتتەن ساقتانۋدىڭ قولدانىلمالى حاۋىپسىزدىك بىلىمدەرىن بۇقاراعا دالمە ـ ٴدال جەتكىزدى. 

قيمىل الاڭىندا ٴورت ٴسوندىرۋ، ورتتەن ساقتانۋ ۇگىت قىزمەتكەرلەرى كورنەكتى ۇگىت ورنى مەن كەڭەس بەرۋ تۇعىرىن قۇرىپ، سۋرەت پەن جازۋى سايكەسىمدى ۇگىت قولدانباسى، ٴورت ٴسوندىرۋ، ورتتەن ساقتانۋ حابارلاندىرۋى سياقتى ماتەريالداردى تاراتۋ ارقىلى بۇقارانىڭ ٴورت ٴسوندىرۋ، ورتتەن ساقتانۋ حاۋىپسىزدىگى بىلىمدەرىن وتباسىلارىنا الا قايتۋىنا مۇمكىندىك جاسادى. قىس ماۋسىمىنداعى ٴورت اپاتىنان ساقتانۋ جانە ونى تىزگىندەۋ ەرەكشەلىگىنە ساي، ۇگىت قىزمەتكەرلەرى كوشە بويىنداعى دۇكەندەرگە ىرىقتىلىقپەن بارىپ، وتباسىندا تۋىلاتىن ٴورت اپاتىنىڭ ۇنەمى كەزدەسەتىن سەبەپتەرى، كۇندەلىكتى كومەسكى كىناراتتاردى ٴبىر - بىرلەپ تەكسەرۋ ٴادىسى، ٴورت سوندىرگىش سياقتى ٴورت ٴسوندىرۋ، ورتتەن ساقتانۋ اسپاپتارىن پايدالانۋ شەبەرلىگى، وتتان، ەلەكتردەن، گازدان پايدالانۋ حاۋىپسىزدىگى ولشەمى، سونداي ـ اق ٴورت كەتكەن ورىننان قاشىپ قۇتىلۋدىڭ ماڭىزدى تۇيىندەرى جونىندەگى بىلىمدەردى ەگجەي - تەگجەيلى ٴتۇسىندىرىپ، كوپتەگەن بۇقارانى وزىنە باۋرادى، كوپشىلىك قول تەلەفوندارىنا كوڭىل بولەتىن ىستەردى ەستەلىككە الدى.

”بۇگىن ٴورت ٴسوندىرۋ، ورتتەن ساقتانۋ، قۇتقارۋ، كومەكتەسۋ قىزمەتكەرلەرى بىزگە ٴورت سوندىرگىشتى قالاي پايدالانۋدى ۇيرەتتى، مەن كوپتەگەن قولدانىلمالى شەبەرلىك جانە بىلىمدەردى ۇيرەندىم“، - دەدى دۇكەن تيجاراتشىسى ايسا پازيل. 

ۇگىتتىڭ تارتىمدىلىعى مەن ناقتى ونىمدىلىگىن اناعۇرلىم كۇشەيتۋ ٴۇشىن، قيمىلدا ”سيلىقتى سۇراۋ - جاۋاپ“، ”ناق مايداندا وقىتۋ“ سياقتى ىقپالداستىق بۋىندار ارنايى ورنالاستىرىلدى. ۇگىتشىلەر ”ەلەكتر جابدىقتارىنىڭ توك جولىنىڭ كونەرۋىن پارىقتاۋ ٴادىسى“، ”ماي قازانعا ٴورت كەتكەندە شۇعىل توتەپ بەرۋ، ٴبىر جاقتى ەتۋ شاراسى“ سياقتى بۇقارانىڭ كۇندەلىكتى تۇرمىسىنا جاقىن ٴورت ٴسوندىرۋ، ورتتەن ساقتانۋ ماسەلەلەرى جونىندە سۇراۋ سۇرادى، سول جەردەگى بۇقارا تالاسا - تارماسا جاۋاپ قايتاردى، دۇرىس جاۋاپ قايتارعاندار قالام سالعىش، شالعىش سياقتى شاعىن تارتۋ - تارالعىلاردى الدى. مۇنداي ۇگىت فورماسى بۇقارانىڭ ٴورت ٴسوندىرۋ، ورتتەن ساقتانۋ حاۋىپسىزدىك بىلىمدەرىن تۇسىنۋىنە جانە ەستە ساقتاۋىنا مۇمكىندىك جاساپ، بۇقارانىڭ كەڭ كولەمدى جاقسى باعاسىنا يە بولدى.

”بازار − بۇقارانىڭ كۇندەلىكتى زات ساتىپ الۋداعى، سەيىل ـ سەرۋەن قۇرۋداعى ماڭىزدى ورنى، ادامدار شوعىرلى، تيجارات فورماسى كۇردەلى، ٴورت ٴسوندىرۋ، ورتتەن ساقتانۋ حاۋىپسىزدىگىندە تيتتەي دە شالاعايلىق ىستەۋگە بولمايدى“. قۇلجا اۋدانى ۋگۇڭ جولى ٴورت ٴسوندىرۋ، ورتتەن ساقتانۋ، قۇتقارۋ، كـومـەكتەسـۋ پـۋنكتىنىڭ باستىعى مين رۇي بىلاي دەدى: وسى رەت بازارعا بارىپ ۇگىت جۇرگىزۋ جانە كومەسكى كىناراتتاردى ٴبىر ـ بىرلەپ تەكسەرۋدەگى ماقسات − ٴورت اپاتىنىڭ كومەسكى كىناراتتارىن قاينارىنان جويىپ، ساۋداگەرلەردىڭ الاڭسىز تيجارات جۇرگىزۋىنە، بۇقارانىڭ الاڭسىز تۇتىنۋىنا مۇمكىندىك جاساۋ.