تىلشىلەرىمىز لي جيان، ليۋ دۇڭيۋە، چىن يىڭ، ەرىكتى تىلشىلەر دۋان يۋە، زىڭ لينبو، حۋاي جيچاۋ

”وتباسى ىستەرىندە، مەملەكەت ىستەرىندە، بارلىق ىستەردە حالىقتى باقىتتى تۇرمىسقا كەنەلتۋ ــ ماڭداي الدى ٴىرى ٴىس“. ىلە وبلىستىق حالىق ۇكىمەتىنىڭ 2025 - جىلعى قىزمەت بايانداماسىندا ايتىلعان وسى ٴسوز ىلە وبلىسىنىڭ كوپ جىلدان بەرى حالىقتى وزەك ەتكەن دامۋ يدەياسىنا باستان - اياق تاباندى بولىپ، دامۋ جەتىستىكتەرىنەن ٴار ۇلت حالقىن اناعۇرلىم كوپ، اناعۇرلىم ٴادىل يگىلىكتەندىرگەندىگىنىڭ جاندى بەينەسى. 2025 - جىلدىڭ سوڭىندا ىلە وبلىسىنىڭ ٴتۇرلى حالىق تۇرمىسى ىستەرى كوركەيىپ، جۇرت جۇرەگىن جىلىتاتىن حالىق تۇرمىسى جاۋاپناماسىن تاعى ٴبىر رەت تاپسىردى.

قارتتار مەن بالالارعا قامقورلىق جاساپ، حالىقتى باقىتقا بولەدى

 2025 - جىلى 12 - ايدىڭ 10 - كۇنى قۇلجا قالاسىندا بيىلعى قىستىڭ تۇڭعىش قارى جاۋدى. تەمپەراتۋرا كۇرت تومەندەپ، كۇن سۋىتقانىمەن ىلە وبلىستىق قوعامدىق يگىلىك ورنىنىڭ سالاماتتىق - كۇتىمدەۋ ورتالىعى عيماراتىنا كىرسەڭىز كەرەمەت ٴبىر جىلىلىقتى سەزىنەسىز. كەڭ دە جارىق، رەتتى دە جانعا جايلى الەۋمەتتىك قيمىل زالىندا قارتتار اڭگىمە دۇكەنىن قۇرىپ، تەلەۆيزور كورىپ، كىتاپ ۇستەلىنىڭ الدىندا حاتكەرلىككە جاتتىعىپ، دەنساۋلىقتارىن كۇتىمدەۋدە.

ىلە وبلىستىق قوعامدىق يگىلىك ورنىنىڭ ورىنباسار باستىعى گۇلنار قاليبەك بىلاي دەدى: كۇن سايىن كورنەكتىلەنىپ كەلە جاتقان حالىق سانىنىڭ قارتتاسۋ ماسەلەسىنە توتەپ بەرۋ ٴۇشىن، بۇل شيپاحانا 2022 ـ جىلى قارتتار كۇتىمحاناسى قۇرىلىسى نىسانىنا ٴوتىنىش بەرگەن - دى. بۇل نىسانعا جالپى 45 ميلليون يۋان قارجى قوسىلىپ، 2024 ـ جىلى 7 ـ ايدا سالىنىپ ٴبىتىپ، تەكسەرىپ وتكىزىپ الىنعان. جالپىعا ٴتيىمدى زەينەتكەرلىككە قىزمەت وتەۋدى كەڭەيتۋ، قۇرىلعىلارىنىڭ دارەجەسىن جوعارىلاتۋدى ىلگەرىلەتۋ، اينالىم ومىرشەڭدىك كۇشىن جوعارىلاتۋ ٴۇشىن، سول جىلدىڭ سوڭىندا ىلە وبلىستىق قوعامدىق يگىلىك ورنى اشىق مەردىگەر شاقىرۋ ٴتارتىبى ارقىلى 3 ـ جاق − شينجياڭ ميڭكۇي ەمدەۋ باسقارۋ (توبى) شەكتى سەرىكتەستىگىن ەنگىزىپ نىسانداردى مىندەتتەپ تيجارات جۇرگىزۋ قىزمەتىن ورىستەتتى. 12 مىڭ 750 شارشى مەتر كەلەتىن وسى ورتالىققا 300 توسەك ورنالاستىرىلىپ، 2025 ـ جىلى 9 ـ ايدىڭ 9 - كۇنى رەسمي ىسكە قوسىلعان - دى، قازىر مۇنداعى قارتتاردىڭ سانى 81 گە جەتتى.

 ۋاڭ ۋىنچي قاريا بىلاي دەدى: ”بۇل ارانىڭ تاماعى جاقسى، قارتتارعا ۇيلەسەدى، كۇرىش تاعامى جۇمساق، قۋىرماشى دا ٴدامدى، قىزمەت وتەۋى جاقسى، ورتاسى دا جايلى. قاراڭىز، جاڭا عيماراتتاعى كوڭىل كۇيىمىز كوتەرىڭكى“، - دەدى.

ٴار ۇلت بۇقاراسىنىڭ جالپىعا ٴتيىمدى قارتتاردى كۇتىمدەۋ قاجەتىن ونان ارى قاناعاتتاندىرۋ ٴۇشىن، بيىل ىلە وبلىستىق قوعامدىق يگىلىك ورنى 120 ميلليون يۋان قارجى قوسىپ، قارتتار كۇتىمحاناسى مەن ۋنيۆەرسالدى ساۋىقتىرۋ - كۇتىمدەۋ عيماراتىن جاڭادان سالىپ، توسەك سانىن 705 كە جەتكىزدى، قۇرىلىس ٴبىتىپ، تەكسەرىپ وتكىزىپ الىنعاننان كەيىن مەجەمەن 2026 - جىلى پايدالانۋعا بەرىلەدى.

قۇلجا قالاسى اي - ىر فۋجۇيحىشىڭ بالالاردى اماناتتاپ تاربيەلەۋ ورتالىعىنا بارعاندا ٴتىلشى سابيلەردىڭ بالا باعۋشىلارمەن بىرگە ويىن ويناپ جاتقانىن كوردى. بۇل ورتالىق 2019 ـ جىلدان باستاپ سالىنا باستاعان ٴارى مەملەكەتتىڭ اماناتتاپ تاربيەلەۋ قۇرىلىمدارى قۇرىلىسىنا بەرىلەتىن ٴبىر ميلليون 500 مىڭ يۋان ارناۋلى قارجىسىنا قول جەتكىزىپ، اماناتتاپ تاربيەلەنەتىندەر ٴۇشىن 150 ورىن ازىرلەگەن. 

قازىر ىلە وبلىسى ورتالىق قازىنانىڭ جالپىعا ٴتيىمدى اماناتتاپ تاربيەلەۋ قىزمەتىن دامىتۋدان ۇلگى كورسەتۋ نىسانىنىڭ قولداۋىن جەتەكشى ەتىپ، بىرلەسىپ قامتاماسىزداندىرۋ مەحانيزمىن بەلسەنە ورناتتى، قازىرگە دەيىن بۇكىل وبلىستا  اماناتتاپ تاربيەلەۋ قۇرىلىمى 248 گە، باعىپ - تاربيەلەۋگە اماناتتاعانداردىڭ سانى 13 كە جەتىپ، ٴار مىڭ ادامعا 5 تەن اماناتتاۋ ورنى تۋرا كەلىپ، ”بالالاردى اماناتتاپ تاربيەلەيتىن ورىن بولۋى“ حالىق تۇرمىسىنىڭ باقىت نەگىزىنە اينالدى.

وقۋ ـ اعارتۋ، ەمدەۋ نەگىزىن بەكەمدەپ، حالىق تۇرمىسىن جاقسارتتى

 قازىر وقۋ ـ اعارتۋدا قۋاتتى ەل قۇرۋ جوباسى شەكارا ٴوڭىردىڭ بايتاق دالاسىندا بىرتىندەپ ىسكە اسىرىلىپ كەلەدى. تەكەس اۋدانى جياڭنيڭ تاجىريبە باستاۋىش مەكتەبىنە كىرسەڭىز كەڭ مەكتەپ اۋلاسىنا 300 مەترلىك ولشەمدى پلاستماسسالى جۇگىرۋ جولى، جابىق دەنە تاربيە الاڭى، دىبىس الۋ - تاراتۋ ساباقحاناسى سياقتى نەگىزدىك قۇرىلعىلاردىڭ بارلىعى سەپتەلگەنىن كورەسىز. كوپ يقۋاتتى ٴبىر تۇلعالى 40 كومپيۋتەر، 20 مىڭ كىتاپ، وقۋشىلار پايدالاناتىن 138 كومپيۋتەر سياقتى جابدىقتار ارقىلى مەكتەپتەگى 996 وقۋشىعا وسىزاماندانعان ۇيرەنۋ تەكشەسىن ازىرلەپ بەردى.

جياڭنيڭ تاجىريبە باستاۋىش مەكتەبى 4 - جىلدىق 2 - كلاسىنىڭ وقۋشىسى گۇلميرا تۇراجان ٴوزىنىڭ مەكتەبىن جاقسى كورەتىنىن ٴبىلدىرىپ: ”بۇل اراداعى ٴبىزدىڭ ۇيرەنۋىمىز، تۇرمىسىمىز وتە تاماشا بولۋدا“، - دەدى.

 تاياۋ جىلداردان بەرى جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى جياڭنيڭ قىزمەت گرۋپپاسى تەكەس اۋدانىنا ىلگەرىندى - كەيىندى كومەكتەسىپ، تەكەس جوعارى دارەجەلى ورتا مەكتەبى سياقتى 5 مەكتەپ قۇرىپ، بالالار باقشاسىنان تارتىپ جوعارى دارەجەلى كاسىپتىك مەكتەپتى قامتىعان كەمەلدى وقۋ - اعارتۋ جەلىسىن قۇردى.

ەمدەۋ، دەنساۋلىق ساقتاۋ ارقىلى نەگىزدى كۇشەيتۋ ينجەنەرياسىن اتقارىپ، ساپالى ەمدەۋ بايلىعىنىڭ كولەمىن كەڭەيتىپ، تومەنگە ٴتۇسۋىن جانە وڭىرلەر بويىنشا بىركەلكى ورنالاسۋىن جەبەپ، ۇكىمەت باسقارۋىنداعى ەمدەۋ قۇرىلىمدارىنىڭ ەمدەۋ قىزمەت وتەۋى مەن باسقارۋى جاعىندا جوعارى مەن تومەننىڭ سايكەسە قيمىلداۋىن، ٴبىر تۇلعالاندىرىپ جۇمىس جۇرگىزۋىن جۇزەگە اسىرۋ − ىلە وبلىسىنىڭ تاياۋ جىلداردان بەرى ەمدەۋ ىستەرىنىڭ دامۋىن ىلگەرىلەتۋدەگى نەگىزگى بەتالىسى بولدى.

 كۇنەس اۋداندىق باس شيپاحانا جۇڭگوشا ەمدەۋ شيپاحاناسى كۇتىمدەۋ گرۋپپاسى ماماندارىن تاڭداپ جىبەرىپ، تالدى قالاشىعى بولىمشە شيپاحاناسىندا ٴتۇيىندى تۇرىپ، ۇيرەتۋ، كومەكتەسۋ، جەتەكتەۋ قىزمەتىن كومەكتەسۋ ـ سۇيەمەلدەۋدىڭ تۇتاس بارىسىنا ٴسىڭىردى.

تالدى قالاشىعىنىڭ تۇرعىنى جىڭ فىڭ بىلاي دەدى: ”قازىر ىرگەمىزدە - اق اۋرۋ كورسەتىپ، ٴدارى تاڭدىرا الامىز، وتە قولايلى بولدى“.

كۇنەس اۋداندىق باس شيپاحاناسى جۇڭگوشا ەمدەۋ شيپاحاناسى كۇتىمدەۋ گرۋپپاسىنىڭ مامانى گۇلسىناي توقتار بىلاي دەدى: ”ٴبىزدىڭ تومەنگە ٴتۇسۋىمىز جاي عانا اۋرۋ كورۋ ەمەس، ونان دا ماڭىزدىسى جاڭا تەحنولوگيالاردى قولما ـ قول ۇيرەتىپ، جاڭا ولشەمدەردى بەتپە ـ بەت ٴتۇسىندىرۋ ارقىلى نەگىزگى ساتىداعى ەمدەۋ قىزمەتكەرلەرىنىڭ جالپىلىق ەمدەۋ وي جەلىسىن يگەرۋىنە مۇمكىندىك جاسايمىز“.

حالىق تۇرمىسىندا كىشى - گىرىم ٴىس جوق. قارتايعاندا كۇتىمدەلەتىن ورىن بولۋدان مەكتەپكە دەيىنگى تاربيەگە دەيىن، وقيتىن مەكتەبى بولۋدان ەمدەلەتىن شيپاحاناسى بولۋعا دەيىن ىلە وبلىسى حالىق تۇرمىسى ىستەرىن، قوعامدىق قامتاماسىزداندىرۋ جانە دامىتۋ تورابىن بار كۇشپەن بەكەمدەپ، ٴار ۇلت بۇقاراسىنىڭ تاماشا تۇرمىسقا قول جەتكىزۋىنە، حالىق تۇرمىسى ينجەنەرياسىنىڭ جۇرت جۇرەگىن جىلىتۋىنا مۇمكىندىك جاساۋدا.

قۇلجا قالاسى اي - ىر فۋجۇيحىشىڭ بالالاردى اماناتتاپ تاربيەلەۋ ورتالىعىندا بالالار اسىر سالىپ ويناۋدا.  سۋرەتتى لي جيان تۇسىرگەن

ىلە وبلىستىق قوعامدىق يگىلىك ورنىنىڭ سالاماتتىق - كۇتىمدەۋ ورتالىعىنداعى كۇتۋشى قىزمەتكەرلەر قارتتارعا تاماق ازىرلەۋدە. سۋرەتتى لي جيان تۇسىرگەن

سالاماتتىق - كۇتىمدەۋ ورتالىعىندا قارتتار حاتكەرلىككە جاتتىعۋدا.     سۋرەتتى لي جيان تۇسىرگەن

تەكەس اۋدانى تومەنگە تۇسكەن ماماندار مەن نەگىزگى ساتى ەمدەۋ قىزمەتكەرلەرى بىرلەسىپ،  ناۋقاس  قارتقا دياگنوز قويۋدا.  سۋرەتتى حۋاي جيچاۋ تۇسىرگەن

تەكەس اۋدانى جياڭنيڭ تاجىريبە باستاۋىش مەكتەبىندەگى وقىتۋشى وقۋشىلارعا ساباق بەرۋدە.  سۋرەتتى دۋان يۋە تۇسىرگەن