ەرىكتى تىلشىلەر ليۋ فاڭ، ليۋ چاڭشىڭ، تيە يان حابارلايدى. سوڭعى جىلدارى توعىزتاراۋ اۋدانى ٴسۇت ونىمدەرى شارۋاشىلىعىن گۇلدەندىرۋدى دامۋدىڭ تۇتقاسى ەتىپ، جەرگىلىكتى ٴسۇت ونىمدەرى كاسىپورىندارىنىڭ كاسىپ سالاسى باسىمدىعىنا سۇيەنىپ، ۇكىمەت پەن كاسىپورىن بىرلەسكەن جۇمىستاندىرۋ تۇعىرىن قۇرىپ، جۇمىستاندىرۋ ارناسىن كەڭەيتىپ، شەبەرلىككە تاربيەلەۋدى كۇشەيتىپ، ”كاسىپورىن + ەڭبەككۇش دەلدالى + جۇمىستاندىرۋ پراكتيكا ورنى“ سىندى جۇمىستاندىرۋدىڭ جاڭا ۇلگىسىن قالىپتاستىرىپ، ٴسۇت ونىمدەرى كاسىپورىندارىنىڭ دامۋ پايداسىن حالىق تۇرمىسىنىڭ قۇت - ىرىسىنا اينالدىرىپ، بۇقارانىڭ ٴۇيىنىڭ قاسىندا كىرىسىن ورنىقتى ارتتىرۋىنا مۇمكىندىك جاسادى.

1  - ايدىڭ 26 - كۇنى ٴتىلشى شينجياڭ نالا بىنيۋان ٴسۇت ونىمدەرى كاسىبى شەكتى سەرىكتەستىگىنىڭ تەكسەرۋ - ولشەۋ ورتالىعىنا بارعاندا، قىزمەتكەر زۇلحۇمار ابدىقىيۇم ٴسۇت ونىمدەرىن تەكسەرۋ - ولشەۋ جۇمىسىمەن اينالىسىپ جاتقان ەدى. زۇلحۇمار 2024 ـ جىلى جوعارى مەكتەپ بىتىرگەننەن كەيىن توعىزتاراۋ اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ دانەكەر بولۋىندا، وسى كاسىپورىنعا جۇمىسقا ٴساتتى ورنالاسقان بولاتىن، قازىر ول سەرىكتەستىكتىڭ تەحنولوگيالىق تىرەكتىسىنە اينالدى.

زۇلحۇمار بىلاي دەدى: ”مەنىڭ سەرىكتەستىكتىڭ تەكسەرۋ - ولشەۋ ورتالىعىندا ىستەگەنىمە 2 جىلدان استى، ەڭبەكاقىم دا جاقسى، ۇيگە دە جاقىن، ەرەكشە رازىمىن“.

دارىندىلار ــ كاسىپورىن دامۋىنىڭ وزەكتى تىرەگى، نالا بىنيۋان ٴسۇت ونىمدەرى سەرىكتەستىگى باستان ـ اياق اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن تىعىز ىقپالداستىقتى ساقتاپ، ارناۋلى قىزمەتكەر قابىلداۋ جينالىسىن وتكىزۋ، جۇمىسقا ورنالاساتىنداردىڭ پراكتيكا ورنىن قۇرۋ سياقتى شارالار ارقىلى جەرگىلىكتى ورىنداعى ەڭبەككۇشتەردى دالمە ـ ٴدال قابىلداپ، جۇمىسقا ورنالاستىرۋشى كاسىپورىننىڭ دامۋىنا جەرگىلىكتى دارىندىلاردىڭ ومىرشەڭدىك كۇشىن قوسۋمەن بىرگە، بۇقارانى دا ورنىقتى جۇمىس ورنىمەن قامدادى.

وسى سەرىكتەستىكتىڭ كادرلار قىزمەتى جاۋاپتىسى جاۋ شياۋچين بىلاي دەدى:” سەرىكتەستىگىمىز ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن تىعىز بايلانىس جاساپ، جەرگىلىكتى ورىننان 160 ادامدى ورنىقتى جۇمىستاندىردى. جۇمىسشى ىستەتۋدىڭ قاۋىرت مەزگىلىندە ەڭبەككۇش دەلدالدارىمەن بايلانىس جاساپ، ۋاقىتشا جۇمىسشى ىستەتىپ، كاسىپورىنداردىڭ ٴوندىرىس قاجەتىن قامتاماسىز ەتۋمەن بىرگە، اناعۇرلىم كوپ بۇقارانى ەسىك الدىندا كىرىستەرىن ارتتىرۋعا جەتەكتەدى. بۇدان كەيىن ٴبىز قىزمەت ورنىندا ارناۋلى تاربيەلەۋ قىزمەتىن ورىستەتىپ، جۇمىسكەرلەردىڭ ٴتىپتى دە جاقسى ىستەۋىنە دەم بەرەمىز“.

شينجياڭ جياحى ٴسۇت ونىمدەرى شەكتى سەرىكتەستىگىنىڭ ٴوندىرىس سەحىندا زەردەلىلەنگەن ٴوندىرىس جەلىسى جوعارى جىلدامدىقپەن جۇمىس جۇرگىزۋدە، جۇمىسشىلار ٴوز مىندەتتەرىن وتەپ، ٴتارتىپتى جۇمىس جۇرگىزۋدە. اۋىل شارۋاشىلىعىن كاسىپ سالالاندىرۋداعى وبلىس دارەجەلى باستاماشى كاسىپورىن رەتىندە، جياحى ٴسۇت ونىمدەرى سەرىكتەستىگى ۇزدىكسىز دامىپ، زورايۋمەن بىرگە، كوپتەگەن سالالاردا جۇمىس ورىندارىن بەلسەنە اشىپ، جەرگىلىكتى ورىنداعى بۇقارانىڭ جۇمىسقا ورنالاسۋىنا جەتەكشىلىك ەتەتىن ماڭىزدى كاسىپ بازاسىنا اينالدى.

سەرىكتەستىكتىڭ ٴوندىرىس سەحىنىڭ جۇمىسشىسى حامسيا احمەتجان بىلاي دەدى: ”مەن جاقىن ماڭدا تۇرامىن، بۇل ارادا جۇمىس ىستەپ اقشا تاۋىپ، وتباسى تۇرمىسىمدى جاقسارتۋمەن بىرگە، اكە - شەشەمە دە قارايلاسا الامىن، بۇعان ەرەكشە قۋانىشتىمىن“.

كاسىپورىننىڭ جۇمىسقا ورنالاستىرۋعا جەتەكشىلىك ەتۋدىڭ اسەرىن ۇزدىكسىز جارىققا شىعارۋى اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ دالمە ـ ٴدال قىزمەت وتەۋىنەن ايىرىلا المايدى. كاسىپورىنداردىڭ جۇمىسشى ىستەتۋىن قامتاماسىز ەتۋ، بۇقارانىڭ جۇمىستانۋىنا جول اشۋ سىندى قوس باعىتتى نىسانانى جۇزەگە اسىرۋ ٴۇشىن، اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى تۇعىر ازىرلەۋدى، بازا قۇرۋدى، بايلانىستى جەبەۋدى وزەكتى شارا ەتىپ، جۇمىستاندىرۋعا قىزمەت وتەۋدىڭ كەشەندى شارالارىن اتقارىپ، كاسىپورىن مەن بۇقارانىڭ جۇمىستانۋىنىڭ ”تىلەكتەستەر كوپىرىن“ سالدى.

وسى سەرىكتەستىكتىڭ كەڭسە مەڭگەرۋشىسى داي يىڭيىڭ بىلاي دەدى: ”كاسىپورنىمىز توعىزتاراۋعا ىرگە تەۋىپ دامىپ، جەرگىلىكتى ورىننىڭ جۇمىستاندىرۋ قىزمەتىنە جەتەكشىلىك ەتۋدى باستان - اياق ماڭىزدى ورىنعا قويدى. قازىر جەرگىلىكتى ورىننان 50 نەشە ادامدى ورنىقتى جۇمىسقا ورنالاستىردىق. كەيىن ٴبىز تاعى كاسىپورىننىڭ دامۋ قاجەتىنە قاراي، جەرگىلىكتى ورىنداعى ەڭبەككۇشتەردى ۇزدىكسىز جۇمىسقا قابىلدايمىز، سونىمەن بىرگە، جۇمىسقا شىعۋدان بۇرىنعى تاربيەلەۋ مەن تەحنولوگيالىق شەبەرلىك دەڭگەيىن جوعارىلاتۋدى ورىستەتىپ، كوپشىلىكتىڭ جۇمىسقا ٴساتتى شىعۋىنا، ونان دا ماڭىزدىسى، ويداعىداي ىستەۋىنە، تۇراقتاپ تۇرۋىنا مۇمكىندىك جاسايمىز“.

قازىرگە دەيىن توعىزتاراۋ اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى اۋدان كولەمىندەگى كاسىپورىندارمەن بىرلەسىپ، جۇمىسقا ورنالاسۋ بويىنشا پراكتيكا كورەتىن 54 ورىن قۇردى، مۇندا نالا بىنيۋان ٴسۇت ونىمدەرى سەرىكتەستىگى مەن جياحى ٴسۇت ونىمدەرى سەرىكتەستىگى سىندى ەكى كاسىپورىننىڭ ٴوزى جەرگىلىكتى ورىننان 200 دەن استام ادامدى ورنىقتى جۇمىستاندىردى، جۇمىسشى ىستەتۋدىڭ قاۋىرت مەزگىلىندە 500 دەن استام ۋاقىتتىق جۇمىسشى تولىقتاپ تۇردى. 2025 - جىلى اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى كاسىپورىندارمەن بىرلەسىپ جاڭاشا شاكىرت ٴتۇزىمى بويىنشا 120 ادام - رەت تاربيەلەپ، ەڭبەكشىلەردىڭ جۇمىستانۋ شەبەرلىگىن شىنايى جوعارىلاتىپ، كاسىپ سالاسىن دامىتۋ ارقىلى جۇمىستاندىرىپ، كىرىستى ارتتىرۋعا جەتەكشىلىك ەتىپ، ”جۇمىستاندىرۋدى ورنىقتىرۋدان“ ”ساپالى جۇمىستاندىرۋعا“ ۇزدىكسىز قادام تاستاپ، كاسىپ سالاسى ارقىلى جۇمىستاندىرۋدى جەبەۋ، جۇمىستاندىرۋ ارقىلى حالىق تۇرمىسىنا تيىمدىلىك جاساۋ سىندى دامۋ نىساناسىن شىنايى جۇزەگە اسىردى.

سۋرەتتە: قىزمەتكەرلەر ٴسۇت ونىمدەرىن تەكسەرۋدە. سۋرەتتى ليۋ فاڭ تۇسىرگەن