قۇبىر تورلارىن ٴوزارا تۇتاستىرۋداعى قيىن ماسەلەلەردى شەشىپ، قىسقى جىلۋمەن قامداۋدى قامتاماسىز ەتىپ، دارەجەسىن تاعى دا جوعارىلاتتى

قۇلجا قالاسىنىڭ 8 كيلومەترلىك جىلۋمەن قامداۋ قۇبىر تورابىن جاڭالاۋى ٴتارتىپتى ىلگەرىلەتىلدى

تىلشىلەرىمىز لي يافىڭ، چىن تيانجين حابارلايدى. جۋىردا ٴتىلشى قۇلجا قالاسى جەڭىس سولتۇستىك جولى مەن نيڭيۋان جولىنداعى جىلۋمەن قامداۋ قۇبىر تورىن جاڭالاۋ ورنىنا بارعاندا، ماشينالار گۇرىلدەپ، ٴتۇرلى قۇرىلىس جۇمىستارىنىڭ تارتىپپەن جۇرگىزىلىپ جاتقانىن كوردى. وسى رەتكى جاڭالاۋ جۇمىسى جىلۋمەن قامداۋ قۇبىر تورلارىن ٴوزارا تۇتاستىرۋداي وزەكتى سۇرانىسقا شوعىرلانعان، جالپى ۇزىندىعى شامامەن 8 كيلومەتر كەلەدى، جاسالىپ بولعاننان كەيىن جىلۋمەن قامداۋعا قىزمەت وتەۋ ساپاسى مەن قۇرىلعىلار جاعىنان قامتاماسىزداندىرۋ قۋاتىن جاپپاي جوعارىلاتىپ، قالا تۇرعىندارىنىڭ جىلۋمەن قامداۋ ماۋسىمىندا اناعۇرلىم الاڭسىز، اناعۇرلىم جايلى پايدالانۋىنا مۇمكىندىك جاسايدى.

جەڭىس سولتۇستىك جولىنداعى ٴبىرىنشى رەتكى جىلۋمەن قامداۋ قۇبىر تورابىن ٴوزارا تۇتاستىرۋ نىسانىنىڭ ناق مايدانىندا بولەكتەرگە ٴبولىپ قۇرىلىس جۇرگىزۋ ورنىقتى ىلگەرىلەتىلۋمەن بىرگە، ٴپانجىم كوپىرىنىڭ استىنان بەيدايىڭنىڭ ٴتورت كوشە تۇيلىسىنە دەيىنگى ارالىقتاعى ماي جولدى، بەتون توسەنىش قاباتىن قازۋ سياقتى نەگىزدىك جۇمىستار رەتتى جۇرگىزىلۋدە.

نىساننىڭ جۇمىس باسىنداعى حاۋىپسىزدىك قىزمەتكەرى چىن جيننىڭ تانىستىرۋىنشا، بۇل نىساننىڭ جالپى ۇزىندىعى 2823 مەتر بولىپ، 3 - ايدىڭ 28 - كۇنى جۇمىس باستاعاننان بەرى، 700 مەتر جولدى قازۋ جۇمىسى ورىندالىپ بولعان، 22 قۇرىلىس جۇرگىزۋشى 9 قازۋ ماشيناسىن، 5 توپىراق تاسۋ ماشيناسىن، 2 جول بەتىن كەسۋ ماشيناسىن كۇندىز - ٴتۇنى توقتاۋسىز جۇرگىزىپ، جەر استى قۇبىر جەلىسى تىعىز، ٴبىرشاما تەرەڭ كومىلگەن، قۇرىلىس جۇرگىزۋ قيىندىعى زور بولعان ماسەلەلەردى كۇش سالا شەشىپ، 5 - ايدىڭ 25 - كۇنى قۇرىلىستى اياقتاتۋ جوسپارلانعان. 

ٴبىرىنشى رەتكى جىلۋمەن قامداۋ تورابى قالا رايونىنداعى جىلۋمەن شوعىرلى قامداۋدىڭ ”جان تامىرى“ سانالىپ، سان مىڭداعان وتباسىنىڭ تۇرمىس ساپاسى مەن قالانىڭ حاۋىپسىز اينالىمىنا سايادى. ۇزاق ۋاقىت ىستەتىلۋ بارىسىندا قۇلجا قالاسىنىڭ ٴىشىنارا قۇبىر تورى ”كونەرۋ مەزگىلىنە“ ٴوتىپ، كومەسكى قاتەر بىرتىندەپ كورنەكتىلەنە تۇسكەن - دى. وسى رەتكى جىلۋمەن قامداۋ قۇبىر تورىن جاڭالاۋ قۇلجا قالاسىنىڭ قالانىڭ جاڭالانۋىن ىلگەرىلەتۋدەگى ناقتى امالياتى، ونان دا ماڭىزدىسى، حالىقتى وزەك ەتكەن دامۋ يدەياسىن امالياتتا ايگىلەپ، بۇقارانىڭ تىلەگىنە جاۋاپ قايتاراتىن حالىق تۇرمىسى شاراسى، جەلى بويىنداعى قۇبىر تورىن ٴوزارا تۇتاستىرۋ قاجەتىن شەشىپ، جىلۋمەن قامداۋدى قامتاماسىزداندىرۋ قۋاتىن ساپالىلاندىرىپ، قۇبىر تورابىنىڭ كومەسكى قاتەرىن كۇنى بۇرىن جويىپ، بۇقارانىڭ قىستى جىلى وتكىزۋى جونىنەن قورعانىس شەبىن بەكەمدەۋ بولىپ تابىلادى. 

نيڭيۋان جولى جىلۋمەن قامداۋ قۇبىر تورىن جاڭالاۋ ورنىندا دا قىزۋ جۇمىس ناۋقانى كوتەرىلدى، نيڭيۋان جولى مەن كاڭفۋ جولى ٴتۇيىلىسىنىڭ باتىس جاعىندا جەر قازۋ ماشيناسى جۇمىس ىستەپ، سۋ سەبۋ ماشيناسى شاڭ ـ توزاڭدى ۇزدىكسىز باسىپ، جۇمىسشىلار ٴتارتىپتى تۇردە قۇبىر جاتقىزىپ، ٴارقايسى بۋىنداردىڭ ۇشتاسۋىن ىركىلىسسىزدەندىرۋمەن قاربالاس بولدى. ۇعىسۋعا قاراعاندا، بۇل جول بولىگىنىڭ ٴبىرىنشى رەتكى قۇبىر تورى جەلىسىنىڭ ۇزىندىعى 5018 مەتر، قۇبىر ديامەترى ٴبىرشاما ۇلكەن بولىپ، قۇرىلىس 3 - ايدىڭ 20 ـ كۇنى باستالعان، قازىر 2 سمەنا ـ گرۋپپاعا ٴبولىنىپ، نەگىزگى جەلى، تارماق جەلى شىعىستان باتىسقا قاراي قاتار ىلگەرىلەتىلىپ، سالىنىپ بولعاننان كەيىن نيڭيۋان جولى بويىنداعى ٴبىرىنشى رەتكى قۇبىر تورىنىڭ كونەرۋ، پاردىڭ جىلىماۋى سياقتى كورنەكتى ماسەلەلەردى ٴونىمدى تۇردە شەشەدى ەكەن. 

قۇلجا قالالىق تۇرعىن ٴۇي جانە قالا ـ اۋىل قۇرىلىسى مەكەمەسى نىسان كەڭسەسىنىڭ قىزمەتكەرى يۇي حايجيە بىلاي دەدى: وسى رەتكى جاڭالاۋدا نەگىزىنەن DN800 جىلۋمەن قامداۋ قۇبىرى نەگىزگى جەلىسى مەن DN600 تارماق قۇبىر تورى قۇرىلىسىن اتقارىپ، اشىق قازۋ، تىكە كومۋ تەحنولوگياسىن قولداندىق، بۇل جەڭىس سولتۇستىك جولى، نيڭيۋان جولىنداعى جالپى 8 كيلومەتر جول بولەگىنە سايادى، تۇتاس قۇرىلىس مەرزىمى 6 - ايدىڭ 20 ـ كۇنى اياقتايدى. نىسان سالىنىپ بىتكەننەن كەيىن، جىلۋمەن قامداۋ بايلىعىن جوعارى ونىمدىلىكپەن سەپتەۋدى جۇزەگە اسىرىپ، قالادا جىلۋمەن قامداۋدى قامتاماسىز ەتۋ جۇيەسىن اناعۇرلىم ساپالىلاندىرىپ، نەگىزدىك قۇرىلعىلاردىڭ ساپاسىن ٴوسىرىپ، دارەجەسىن جوعارىلاتۋ ارقىلى بۇقارانىڭ قىس كۇندەرى ”جىلىنۋىنا، جايلى تۇرمىس كەشىرۋىنە“ مۇمكىندىك جاسايمىز.