ماقالاسىن جازىپ، سۋرەتكە تارتقان تىلشىلەرىمىز لاي يۇينيڭ، جاڭ چيڭحۋا

ٴار جىلى كۇز اياعىنان قىس باسىنا دەيىن تيانشان سىلەمىنىڭ ٴبىر سالاسى كوگىرشىن تاۋىندا مەكەندەيتىن تاۋەشكىلەر ٴۇيىر - ۇيىرىمەن وزدەرىنىڭ ۇيىرگە ءتۇسۋ مەزگىلىن باستايدى.

وسى ٴبىر شۋاقتى مەزگىلدە كوگىرشىن تاۋىنىڭ تۇستىگى مەن تەرىستىگىندەگى بەتكەيلەر مەن ساي - سالالاردا تاۋەشكى ٴۇيىر - ۇيىرىمەن جايىلىپ جۇرەدى. ٴار جىلى كۇز بەن قىستىڭ ٴولاراسىندا ىلەنىڭ ورتاقسارى وتارىنان بۇراتالا موڭعۇل اۆتونوميالى وبلىسىنىڭ شىبارساي وڭىرىنە دەيىن اسقار تاۋلاردا تىرشىلىك ەتەتىن وسى جانۋارلار ۇيلەسىمدى اۋا رايىنان پايدالانىپ، اسقار تاۋ، قۇزار شىڭداردان جازىققا شىعىپ، توپ - توبىمەن ۇيىرگە تۇسەدى.

تاۋەشكى − جۇڭگوداعى بىردەن - ٴبىر جابايى ەشكى، مەملەكەت بويىنشا 2 - دارەجەلى قورعالاتىن حايۋانات، ول ەلىمىزدىڭ شينجياڭ، گانسۋ، ىشكى موڭعۇل سياقتى ولكە، اۆتونوميالى رايوندارى مەن ورتا ازياداعى ٴىشىنارا مەملەكەتتەرگە تارالعان. تاۋەشكى تاسقا شىعۋعا جانە سەكىرۋگە ەرەسەن ەپتى، قيا بەت، قۇز جارتاستار اراسىندا تىرشىلىك ەتە الادى، قۇلاما قۇزدار مەن جالاما بەتتەردە جازىق جەردەگىدەي جۇرە الادى. ولار ادەتتە ٴۇيىر - ٴۇيىر بولىپ جاسايدى، تاۋتەكەلەردىڭ ۇزىن ساقالى مەن قايقى قىلىشتاي مۇيىزدەرى ولاردى ايباتتى كورسەتەدى.

توعايداعى تاۋەشكىلەر

تاسقا تۇياق قاداعان...

 قاراۋىلداۋ

ٴۇش تاۋتەكە

 تاۋەشكى ٴۇيىرى 

ٴسۇزىسۋ

 جارتاستاردى جاعالاپ...