ماقالاسىن جازىپ، سۋرەتتەردى تۇسىرگەن تىلشىلەرىمىز لاي يۇينيڭ، جاڭ چيڭحۋا، شيە دۇڭ

2 - ايدىڭ 5 - كۇنى تاڭ سارىدە قۇلجا اۋدانىنداعى اققۋ كولى سازدىق باقشاسى تاڭعى اراي، بوزامىق تۇمان، كۇمىس قىراۋلى ورمان، كول بەتىندە اسىر سالعان اققۋلارمەن ادەمى جاراسىم تاۋىپ، بالالار ەرتەگىلەرىندەگى قيال الەمىنە باستايدى.

اققۋ كولى سازدىق باقشاسى قۇلجا اۋدانى جاڭاتام قالاشىعى شاقلىقتام قىستاعىندا، بۇل ارانىڭ جەر استىندا اراسان بولعاندىقتان كولگە قىس بويى مۇز قاتپايدى، سونىمەن بىرگە سۋدا وسەتىن وسىمدىكتەر ٴتۇرى مول بولعاندىقتان اققۋلاردىڭ تاماشا مەكەنىنە اينالعان.

 1993 - جىلدان باستاپ ٴار جىلى سىبىرلاۋىق اققۋ مەن سۇڭقىلداق اققۋ قازاقستاننىڭ بالقاش كولىنەن ۇشىپ كەلىپ وسى ارانى قىستاعان، سانى دا بىرتىندەپ كوبەيگەن.

سىبىرلاۋىق اققۋ مەن سۇڭقىلداق اققۋ قاز تارىزدىلەر وتريادىنىڭ ۇيرەك تۇقىمداسىنداعى اققۋ تۋىسىنا كىرەتىن قۇس ٴتۇرى، ەكەۋى دە مەملەكەتتىك ەكىنشى دارەجەلى قورعالاتىن جابايى حايۋانات. 

سوڭعى جىلداردان بەرى قۇلجا اۋدانى اققۋ كولى توڭىرەگىنىڭ ەكولوگيالىق ورتاسىن قورعاۋ تەبىنىن ۇزدىكسىز ارتتىرۋ، قورعاۋ ٴوڭىرىن بەلگىلەۋ، شارلاۋدى، باقىلاۋ - باسقارۋدى كۇشەيتۋ، ەكولوگيانى قالپىنا كەلتىرۋ سياقتى شارالار ارقىلى اققۋلارعا حاۋىپسىز، جايلى تىرشىلىك ورتاسى ازىرلەنگەن - دى. قازىر 800 دەن استام اققۋ وسى ارادا قىستان امان ٴوتىپ، سانى تاريحتاعى ەڭ جوعارى دەڭگەيگە جەتتى.

اققۋلار سامعاپ كەلەدى

تاڭعى تۇمان

اققۋلار كەلدى قونعالى

قوس اققۋ

ايدىنداعى اققۋلار

نازىمەن اسەم...

اققۋدى تاماشالاۋ

گاككۋلەتە ٴان سالۋ

اسىر سالىپ ايدىندا