ماقالاسىن جازىپ، سۋرەتىن تۇسىرگەن شينحۋا اگەنتتىگىنىڭ ٴتىلشىسى حۋ حۋحۋ
تيانشاننىڭ تۇستىگى مەن تەرىستىگى شۇرايلى جايىلىم، شينجياڭ ەلىمىزدەگى ماڭىزدى مال شارۋاشىلىق بازاسى. تيانشان تاۋىنىڭ سولتۇستىك قويناۋىنا ورنالاسقان ىلە اڭعارىنىڭ جايىلىم بايلىعى مول. ٴار جىلى 6 - ايدا جەرگىلىكتى ورىنداعى مالشىلار كەرەك - جاراقتارىن الىپ، ٴار تۇلىك مالىن جاز جايلاۋعا ايداپ، مالىنىڭ قوڭدانىپ ەتەيۋىنە مىعىم نەگىز قالايدى.
43 جاستاعى مالشى باراتجان ىرىمباي وتباسىنداعىلارمەن بىرگە كۇنەس اۋدانى نارات قالاشىعى تاياسۋ قىستاعىندا تۇرادى، بۇل ارا نارات ساحاراسىنا جاقىن. بيىل باراتجان وتباسىنىڭ جايلاۋعا كوشۋىنە 3 كۇن ۋاقىت جۇمسالدى. باراتجاننىڭ ايەلى قىستاقتاعى شاعىن زاۆودتا جۇمىس ىستەيدى، ال بالالارى جاس بولعاندىقتان، كوشى - قون جۇمىسى تەك باراتجانعا سۇيەنەتىن - دى.
العاشقى كۇنى باراتجان كيىز ٴۇي سياقتى تۇرمىستىق زاتتارىن بۋىپ - ٴتۇيىپ، جايلاۋعا قاتىنايتىن جۇك اۆتوموبيلىنە تيەدى؛ ەكىنشى كۇنى بالا - شاعاسىن الىپ كوشى - قون كولىگىمەن جايلاۋعا جەتىپ، اعاسىنىڭ ۇيىندەگىلەرمەن بىرگە كيىز ٴۇي تىگۋمەن قاربالاستاندى؛ ٴۇشىنشى كۇنى باراتجان اتپەن 200 تۇياقتان استام قويىن ايداپ، قىستاق ماڭىنداعى كوكتەۋلىك، كۇزەۋلىكتەن قوزعالىپ، شامامەن 9 ساعاتتان استام كۇدىر جـول باسىپ، جايلاۋعا جەتتى.
باراتجان وتباسىنىڭ كوشى - قونى شينجياڭ مال شارۋاشىلىق وڭىرلەرى وزگەرىسىنىڭ ىقشام كورىنىسى. سوڭعى جىلداردان بەرى مال شارۋاشىلىق رايوندارىنىڭ نەگىزدىك قۇرىلعىلارى بىرتىندەپ كەمەلدەنىپ، مالشىلاردىڭ تۇرمىس دەڭگەيى كۇن سايىن جوعارىلادى، ماشينالاسقان كوشى - قون بارعان سايىن جالپىلاستى. ال بالالاردىڭ وقۋعا ٴتۇسۋى، قارتتاردىڭ ەمدەلۋ قاجەتى وتىرىقتانۋ تۇيىنىندە شەشىم تاپقاندىقتان، ٴتىپتى دە كوپ جاستار مەن ورتا جاستاعىلار جۇمىس تاۋىپ ىستەۋدى تاڭدادى. سونىمەن بۇرىنعىداي وشارلى جانمەن كوشىپ - قوناتىن جاعداي كەلمەسكە كەتتى.
باراتجان كوشى - قون قانشالىقتى جاپالى بولعانىمەن، بۇل شارۋاعا داعدىلانىپ كەتكەنىن، مول ٴونىم الۋعا تولىق سەنىمدى ەكەنىن ٴبىلدىردى.
كۇنەس اۋدانى نارات ساحاراسىنداعى باراتجان وتباسىنىڭ جايلاۋى.
اۆتوكولىكتەر جايلاۋعا قاراي جول تارتتى.
تۇرمىستىق زاتتار تيەلگەن جۇك اۆتوموبيلى سۋدان وتۋدە.
باراتجان (سولدا) كورشىسىنىڭ كومەگىمەن قورالى قويىن ايداپ، كۇدىر جول باسىپ، جايلاۋعا تارتتى.
باراتجان (سولدا) وتباسىنداعىلارمەن بىرگە جايلاۋدا كيىز ٴۇي تىگۋدە.
باراتجان (سولدان 3 - ادام) وتباسىنداعىلارمەن بىرگە جايلاۋدا تۇسكى اس ىشۋدە.
باراتجان اۋلاسىندا جۇك اۆتوموبيلىنە جۇكتەرىن تيەۋدە.
باراتجان ۇيىندەگىلەرمەن بىرگە كيىز ٴۇي ۇزىگىنە ويۋ باسۋدا.
باراتجان اتقا ٴمىنىپ، قويىن ورىسكە شىعارۋدا.